SURAT PAULOS KE JEMAT
EPISOS
PENULAU BECAKAP
Surat toꞌ datules rasol Paulos ke jemat Kristen te de Episos, pas tengan ya dapenyara. Semaru alam surat toꞌ depadah Tuhan Allah mileh urang te daempu Ya. Depadah Isa Al Maseh ngampon abaꞌ ngelepas urang ari dusa, abaꞌ depadah Tuhan Allah nanyi Roh Kudos ngau kelaiꞌ enteꞌ urang pecayaꞌ jadi empu Ya.
Te kedua depadah isaꞌ kebala urang pecayaꞌ te maca surat toꞌ tauꞌ idop sati alam Isa. Bukti enteꞌ jemat nyau suteꞌ alam Isa Al Maseh, Paulos nyemaꞌ enteꞌ jemat toꞌ kebarat tuboh, Isa toꞌ kebarat palaꞌ. Jemat kebarat ke bini, Isa toꞌ kebarat ke laki. Paulos ma mah ampal ngingat pemayek ati Tuhan Allah abaꞌ apa te dapulah Isa Al Maseh isaꞌ kita daslamat; kebaꞌ klala amat mah alam surat toꞌ Paulos ma mah besukor abaꞌ muji Tuhan Allah.