Nang ngengaꞌ jemat idop alam dusa
5
Kebala menyadeꞌ, ku ampal nema adai kebala urang te nusoi ke ku enteꞌ adai de entara kitaꞌ te baraꞌ abaꞌ inai tireꞌ. Dusa te upa toꞌ saja ma mulah malu. Urang te nadai ngelala Tuhan Allah jaꞌ nadai mulah piyaꞌ.a 2 Uleh amat piyaꞌ kitaꞌ ngepah-ngemah direꞌ, tunaꞌ des kitaꞌ alah riyu ngerakau sidaꞌ, abaꞌ ngeluar urang te mulah dusa nyaꞌ ari entara kitaꞌ. 3 Amat mah ku niseꞌ abaꞌ kitaꞌ uleh pemiker ku selareh diyaꞌ. Ku udah mutos urang te mulah dusa nyaꞌ alah daukom upa enteꞌ ku adai diyaꞌ. 4 Enteꞌ kitaꞌ begugoꞌ alam nama Tuhan Isa, angap jaꞌ ku adai abaꞌ kitaꞌ. Abaꞌ ngau kuasa Isa, Tuhan kita, 5 kitaꞌ alah nyerah ensia nyaꞌ ke Ibles isaꞌ penekaꞌ ya te jat nyaꞌ depunas, uleh roh ya selamat lah senta Tuhan datai ageꞌ.6 Nadai patot kitaꞌ ngepah-ngemah direꞌ. Pesti kitaꞌ udah ninga cakap te madah pitoꞌ, “Siket ragi tauꞌ nyuroh ugaꞌ tepong ngeremai.”b 7 Ragi nyaꞌ upa dusa. Kebaꞌ nyaꞌ buai ke ragi te lamaꞌ nyaꞌ isaꞌ kitaꞌ jadi kudos, upa adon te baru. Tunaꞌ des nyau mah kitaꞌ toꞌ kudos nema Al Maseh toꞌ Dumba Paskahc te udah jadi kruban ngau kita.d 8 Kebaꞌ nyaꞌ boh kita ngeramai Paskah Yahudi, nadai ageꞌ ngau ragi te lamaꞌ. Reti nyaꞌ kita nadai ageꞌ idop alam dusa abaꞌ pemenyaiꞌ. Uleh boh kita makai ruti te nadai beragi. Reti nyaꞌ kita alah idop nunaꞌ kedekaꞌ Tuhan Allah ari ati kita te kenaꞌ abaꞌ tulos.e
9 Alam surat ku te udah teh, ku udah madah ke kitaꞌ nang bekawan abaꞌ kebala urang te gah baraꞌ. 10 Maksot ku, ku nadai ngerot kitaꞌ bekawan abaꞌ urang te gah baraꞌ de dunia toꞌ, abaꞌ urang te tamaꞌ, te ngelakar abaꞌ urang te nyemah berhala. Nema enteꞌ nyaꞌ te de maksot ku, kitaꞌ alah keluar ari dunia toꞌ. 11 Maksot te ku tules ke toꞌ, kitaꞌ nadai bekawan abaꞌ kebala urang te ngakoꞌ direꞌ nyau pecayaꞌ, uleh tubah baraꞌ, tamaꞌ, nyemah berhala, gah mejaiꞌ pangan, mabok abaꞌ ngelakar urang bukai. Datai ke dudok makai abaꞌ sidaꞌ te upa nyaꞌ mah adu.
12-13 Nyaꞌ ukai tugas ku nyidang urang te bedau pecayaꞌ. Tuhan Allah mah te nyidang sidaꞌ. Uleh urang te adai de jemat kitaꞌ, kitaꞌ mah te alah nyidang sidaꞌ. Alam Kitab Suci detules, “Tesar ke kebala urang te mulah te jat de tengah kitaꞌ.”f