SURAT PAULUS TE SEMARU KE JEMAT
KURINTOS
Penulau becakap
Toꞌ surat Paulos te semaru ke jemat Kurintos. Kurintos toꞌ kuta besai de propinsi Akaya te adai de baroh pemrintah Ruma. Jemat te de Kurintos toꞌ adai sidaꞌ Yahudi, uleh te paleng mayoh ukai sidaꞌ Yahudi. Paulos mah te semaru ngemaiꞌ Brita Bayek sapa Isa nyaꞌ ke sidaꞌ, kebaꞌ jemat diyaꞌ adai (Kis. 18:1-11.) Udah Paulos angkat ari Kurintos, Apolos datai abaꞌ ngajar jemat diyaꞌ (1 Kor.3:6.) Dua tiga bulan udah nyaꞌ, sidaꞌ Kurintos nules surat ke Paulos. Baroꞌ Paulos malas surat sidaꞌ ngau surat toꞌ. Alam surat toꞌ, Paulos nyawot te sidaꞌ tanyaꞌ, abaꞌ ngajar sidaꞌ kati ngadap masalah te timol alam jemat Kurintos.
Masalah sidaꞌ, jemat te diyaꞌ pecah belah, abaꞌ adai te mulah utai te nadai senunoh. Paulos ngajar sidaꞌ kati prator urang te belaki bini, cara mutos te kenaꞌ abaꞌ te salah, prator alam jemat, krunia Roh Allah, abaꞌ ya madah urang te udah mati kaꞌ idop ageꞌ.