Galatia
Galatia Taniːkídíːdoːpé Polké Adnam Doːjíg
Lugot
Jisuké tatpon lutaddém lugoːbibomnammé Jiudiman taniyésin aːbomkang, odo aro kiristanpé inam légaːpé Musiːké Luro:dok lulígnamkídíːdém ipénamméi émna tauropkang. Édém lagimang émna Polbí lurasubito, kapilaːné Jisumé méːtinsunamdé Ruːnéké kanggaːlo arro émnamdém paːdo. Émpigeːla taniːékké Ruman mongkélok Esia moːdumdok Galatia kumgokídíːdokké gíla Ruːnék kanggaːlo arolí:mílo Musiːké Luro:démsin ibompaːyé émna Polké kekonpé luyírbomkang.
Aro méːjíksunamnoːpé gíladbokupé odokké aroman luyírnékídíːdok yadyodbomnam taniːkídíːdém arodoːpé gíladbokupé émna Polbí séː doːjíksém Galatiadoːpé attag. Polbí adadannai aíém Jisu Kiristoké mélígnamko émnamdém lurasutag. Bím mélígnampé idopé gognamdé Ruːnékolokké, bím gognamdé taniːlok ilang-gílalokkémang, odokké bím Jiudiman taniyém doːyíngém kíbidopé goktag. Odokké Polbí méːtinsunamoːngki taniyém Ruːnék kanggaːlo arodag émna sabdag émnamdém luyírbiyarka. Kiristomé méːjíksunamdokké lenné ayaːdé kiristan duːloddagloddém kaːpaːmodag émna Polbí attér puyukídíːdo léngkanbitag.
Tarungkídíng
Lugotpo:nam (1.1-10)
Polké Mélígnam kísapé ilang-gílang (1.11-2.21)
Ru:néké asé:dok tatpon lutad (3.1-4.31)
Kiristannok ilaːnam odokké ipénam (5.1-6.10)
Lutér agom (6.11-18)