2 Korintia
Korin Taniːkídíːdoːpé Polké Adnam Bornyinané Doːjíg
Lugot
Séː doːjíksém Polbí addodo Korin taniːkídíːdok lédílo bí airuːpé aimínsula du:mangngai. Odokké kumgodo méngkésuné tani:ékké bík kekonpé lusa:bomkang, émgom bí buluk lédílo lékolíngkunamdém léngkanto odokké lékodokudodok paːnam bottéru:né bík méːpodém lubisutag.
Doːjíksok adangkodo Polbí Korin kumgodok taniːkídíːdok lédílo bí kapé duːji édém atkanbitag, odokké kapila bí atpo:nam doːjígdém torgampé bulum adlíkan édém lusarbitag, kapilaːné bík tornamdé bulum méngkutsumola méːpopé imotoku. Odok lédupé méngkésunékídíːdé Judiaːdok kiristankídíːdém murkongém bidumsula kaːdumsudopé kumpaːlíktag. Attérdo Polbí Ruːnék mélígnamko émna aíém lurasubitag kapilaːné Korindo taniːékké aíém aro mélígnammé émna lusula duːla Polmé lupagdaggai.
Tarungkídíng
Lugotpoːnam (1.1-11)
Polbíːla Korindok Kumgodé (1.12-7.16)
Judiaːdok Kiristan légaːpé Séurbinam (8.1-9.15)
Polbí bí mélígnamko émnamdém lurasunam (10.1-13.10)
Attér (13.11-13)