1 Korintia
Korintia Taniːkídíːdoːpé Polké Adgotpoːnam Doːjíg
Lugot
Korin nogordo Polké laːlennam Kumgodok mé:jíksunamnoːlaː kiristian kísapé duːnam-dagnamno bottérun ngasodé aːla bí séː adbukpo:nam doːjíksém atpé ikang. Odo ayírdo Korin nogordé Girik taniːlok aipé bottén nogorkai, Ruman mongké Akayaːdok rajdanidéːai. Korin nogordé réko-kokolo amin-gíné nogorkai, odok taniːkídíːdé aipé bottépé méːsudaggai, aiman-agerém appí:loi kaːbegdagai odokké bangkí bangkíné yelamnok taniyém paːdagai.
Korin kumgodok angu-angusula duːnam odokké aiman-ager gernamdé Polmé kínggíːpé asiném kigosumoto. Odok-tayéːlo laːmun-gímunsunam, Ruːnéké Yalolok binam aman, Jisuké lékod-turkunam tayéːlok doːyíngkídíːdé déryangoːpé méːdírmoto. Asiné kigosula bí séː ngasotkídíːsém tatpon lutaddé oko okko émna luyírbidagji édém bí léngkanbitag.
Puyu 13 do ayaːdé Ruːnéké binam amankídíːdok aiyaːpagyaːné amandé émna kinmotag.
Tarungkídíng
Lugotpoːnam (1.1-9)
Kumgodo angusula duːnam (1.10-4.21)
Okumkumna duːnamélaː Laːmunsunam (5.1-7.40)
Kiristianélaː Uiːkumnékídíng (8.1-11.1)
Kumgolo duːnam-dagnamélaː Kumnam ager (11.2-14.40)
Jisu Kiristoké lékod-turkunamélaː Méngkésunékídíːdok lékod-turkunam (15.1-58)
Kiristan légaːpé Judiado séur binam (16.1-4)
Aték doːnyingélaː attér (16.5-24)