Agerkídíng
Mélígnamkídíːdok Agerkídíng
Lugot
Ager Potinsé: tatpon lutad Lugdok attudém adyarobomtag. Jisukkol gímínarpoːnékídíːdé kapé Angunné Yaloké igurbinamki Jisuk tatpon lutaddém Jerusalemdo, Judiadok appíːlo, Somoriaːdo odokké moːpísok duːtérdo:pé lugoːbito. Jiudi araːlo kapé kiristané lengotpongkan odokké kapé tatpon lutaddé moːpísok appíːloi méngkésunampé ikan édém Ager potinso attag.
Kiristan kumgo Jisuk tayéng-among gísangkunam lédupé lengoddanna Jerusalemdo lenkang; odokké Pelistaindok appí:lo kumgo lenkang; odok lédupé Ruman migomdokolok appíng mongkélo kumgo lenkang.
Ager potinsok lagipagyaːnam doːyi:dé Angunné Yaloké ager-gernamkídíːdé. Yingonané longédo kapé bí tornam kala luyírsunékídíːdok tayéːloːpé gíiton odokké kumgomna buluk mirokídíːdém igurboyarra kínggíːmola dung émnamdém séː potinso lukanbitag. Kiristanpé anggotpoːnékídíːdok doːyíngém bojérungko luyírbinampé adgabla léːtag odokké Ager potinsok adla léːnam doːyíngkídíːdé édé doːyíngkídíːdok tornamém méngkésunéloːla kumgolok kumbosukolo kaːbegdag.
Tarungkídíng
Lubikupénékídíːdém lennomonam (1.1-26)
Jisuk lutér lulígnaméla: pesubinam (1.1-14)
Juda:ké gerkodok gerkunédé (1.15-26)
Jerusalemdo lubikunam (2.1-8.3)
Judiadoːla Somoriaːdo Lubikunam (8.4-12.25)
Polké gernam agerkídíng (13.1-28.31)
Missionari ager-gerkolo gígotpo:nam (13.1-14.28)
Jerusalemdok Baːségnam Kébang (15.1-35)
Missionari ager-gerkolo gítenkunam (15.36-18.22)
Missionari ager-gerkolo léumnaːnépé gínam (18.23-21.16)
Jerusalemdo, Siseriadoːla Rumdo Polké makana:lo duːnam (21.17-28.31)