Jon
Jonké Tatpon Lutad
Lugot
Jonké adnam tatpon lutatso Jisumé turyarné gomugdé émna léngkanbitag, séːko "taniːpé badla ngoluk lédílo duːmíndung." Séː potinsok lukamdémpé, séː tatpon lutatsém adnam légaːdé séːai, séːkoi sém poyéji, Jisubí pesula léːbinam Moturbinédé, Ruːnéké Aoːdé odokké bím méngkésula bulu turnamém paːyépé émnamdém méngkésudopé.
Lugotpoːnamdok léddoupé (1.1-18) Jisubí turyarra duːné Ruːnéké gomugdok lédílo lékonamdém lukanbitag, tatpon lutatsok adbugdo Jisuké bojéruːngko méːpílaːmaːnam gernam agerém atkanbitag okokídíːdé bí pesubila léːbinam Moturbinédé, Ruːnéké Aoːdé émna lukanbidag. Odok lédupé luyírbinamém paːdag okodé okkom méːpílaːman agerkídíːdokki léngkanton édém lusarbidag. Odokké kapé tani ékké Jisumé méngkésula bíkkol gímínnépé ikan édémbulum potinsok attungkolo adbitag odokké kapé akke bím méngkésumaːpé bíkkolokké gíyodamkaːji. Puyu 13-17 dé Jisuké arai-araipé luyírsunékídíːdok lédílo luposula duːnammém adgabla léːtag.
Jonbí turyarné turnamdém Jisukolok paːnam amanko émna lubitag, édé amandé suːkkolokké paːrobbola séːkobulu édém lambédé, arodé, odokké turnamdé émna méngkésuyéji bulu paːyé.
Tarungkídíng
Adbug (1.1-18)
Jon bapitsbíːla Jisukolo gígodmínpoːné luyírsunékídíng (1.19-51)
Appíngké kanggaːpé Jisuké ager-gernam (2.1-12.50)
Jerusalemdoːla kérang-kétagdo (13.1-19.42)
Jisuké sikolokké turkunam odokké léngkansunam (20.1-31)
Attérː Lékoda Galiliːdo léngkansunam (21.1-25)