Ílí:moimang Kumnam Kekonpé Lupanam
10
Ajonkídínga, ngo nolum arodém kinmomaːpé duːmolíːmang, ngoluk appíng tokuta:tobulum mukkang kéíglo gíboka odokké bulu appíngé gaːné pongkodok gíkongka.a 2 Bulum appíngém mukka:lo:la gaːnélo Musiːkolo baptisém bika. 3 Bulu appíngé lékkoné yalolok donamém dokab 4 odokké lékkoné yalolok tíːnamém tíngka. Kapéné bulum gíjonsuné yalo torné-ílídok assém tíngka; odokké édé Torné-ílíːdé Kiristobíːai.c 5 Émgom, Ruːnébí bulukkolok abayangém méːyumsutomang; buluk simangé sullipotado érjeramoto.d6 Ngolu buluk inamdémpé aiman agerém ipé émna ngoluk asinso ménggolaːduːmadopé, édémbulum ngolu kaːyisudopé ibitaggai.e 7 Kapé bulukkodok akke Moimangém kumdangan nolu édémpé kumyok; édém potindo adla léngkamdémpéː "Taniːkídíːdé dopé-tíːpé émna teddag odokké laːmínsupé émna darobdag."f 8 Bulukkolok akedé kapé idagan, édémpé ngolu langgopaːmang, édémpila yiːnyi-aum líyíngko taniyé longé atérro sikang. 9 Bulukkolok akedé kapé Ruːtummé ankaːdaggan, ngolu Ruːtummé édémpé ankaːyok, édémpila bulum tabíki pakemoto.g 10 Odokké bulukkolok akedé kapé ludagan, édémpé luyok, édémpila mokené tayéng-yaːmeyé bulum moketo.h
11 Ngolu kaːyisudopé émna édébulu bulukkolo ikang odokké ngolum lupaːnam légaːpé adgabla léːtag. Kapéné ngoluk turra duːnam ayírso, gíngabnan ayírdé aːdíduːbo.
12 Odok-légaːpé nolu séːko dagrasula dung émna méːsuduːji, nolu opagledmaːdopé totsulang. 13 Taniːlo angkíman angu ankangé nolukkolo aːmang. Odokké Ruːnébí arodag; bí nolum noluk oijosulaman ankangém aːmoma:yé. Émpigeːla édílo nolum ankaːdoji, okolo nolu dagrasuːla dulaːyéji édémpin lambémko bí nolum biyé.
14 Odok-légaːpé, ngok méːbomsunam ajonkídínga; ílíːmoimang kumnamnokké duggélang. 15 Kinnépaːné émna méːsunékídíːdém ngo ludung; ngok lunamdém nolu aíképé méngkaːsula kangílang. 16 Ruːtumké dobonamdo ngolu batiːki tíːdo odokké okodok légaːpé Ruːnémé aipai bidoː édílo ngolu odokki tíːnaːdon, ngolu Kiristoké íːidém tíːjonsumaːnei? Odokké édílo ngolu pitaːdém pentuːdoji, ngolu Kiristoké adin-amírdém dojonsumaːnei? 17 Pitaːdé aborongko, ngolu bojéruːngko émpigeːla amír atérongko, kapéné ngolu appíngé pitang aboroːdém dojonsudo.
18 Israel taniːkídíːdok agomém méngkangkítok- Rungguːdok palígnamdém dojonsula bulu lékomangnganei?i 19 Émpém ngo okkom lupé méːdun? ílíːmoimaːloːpé tosagnam donamno oːkai arré kaːdagnei? émmam édé ílíːmoimaːdé aroné ruːnébíːi? 20 Ma, édémpémang, uiːkumnélok joːsagém uiːloːpé tosaglígdag, Ruːnékoloːpémang. Odokké ngo nolum uiːkídíːdok lédílo dojonsumolíːmang.j 21 Nolu Ruːtumké batiːdok tínggeːla uiːlok batiːlo tíːlamang; nolu Ruːtumké dokodo dogeːla uiːlok dokodo dolaːmaːyé. 22 Ngolu Ruːtummé aglíːsaːmopé émna ikaːdunei? Ngolu bímyang kínggíːyaːdagnei?k
23 Appíngéméi ilaːdag, émpigeːla appíngé ainamno aːmang. Appíngéméi ilaːdag, émpigeːla appíːdé ainé agermang. 24 Séːkosin bík aíké ainamém mapé lagimang, émpigeːla amiké ainamém mapé lagidag.
25 Oko okkoméi adinkokolo kodagji édémbulum asinbokké méːmomaːpé dolang, 26 kapéné, "Moːpísé Ruːtumké, odokké moːpí araːsok duːné appíːdéi bíkké."l
27 Méngkésuman ajon ékké nolum apin dobopé gogmílo odokké nolusin gílíːmílo, nolum dodopé okkoméi biyeji édémbulum asinbo méːmomaːpé dolang. 28 Émpigeːla "Séː uiːlok joːsagé," émna séːkai nolum lubimílo, nolum lubiné édé taniːdok légaːpélaː bík méːlod légaːpé nolu édém doyok, 29 ngo noluk méːloddém lumang, taniːdok méːloddém ludung.
Kapila ngok dolaːnamdém, séːkkaiké méːlodlo dolaːmaːyén? 30 Ngo Ruːnémé aipai bigeːla donamdém dolaːmílo, édém donam légaːpé kapila ngom lupagyén?
31 Édémpila nolu dogom, tínggom, nolu okkoméi igom, édé appíːdém Ruːnéké amin légaːpé ilang. 32 Jiudidaggom, Girigdaggom, Ru:némé méngkésunném, séːkomésin lésutsula oledmoyok. 33 Édémpé ngo appíngém appíːloi méːyumsumopé méngkído. Ngo ngok aíké ainamém mamang émpigeːla bojéruːlok ainamém madung, édémpimílo bulu turnamém paːyépé.