Pítkenam Kiristoké Lutad
2
Ajonkídínga, édílo ngo nolukkodo:pé gíla Ruːnék doːyíngéma lugoːbika, odo ngo tadyumsunam agompélaː kinnépaːnélok agompé lubimangngai. 2 Kapéné ngo noluk lédílo duːmíndodo Jisu Kiristomélaː bím kurusdok pítkenamdok ruːyipé okkomsin kinmogeːmang émna méːsékka. 3 Ngo nolukkodoːpé ajjisula pésola kínggíːpé jinna gíka.b 4 Ngok luyírbinamdéːla ngok lugo:binamdé méːjoːnamnoːla méːyumsumonamnoːmangngai, émpigeːla yaloké tornamdém léngkanbinamai. 5 Odo noluk mé:jíksunamdé tani:lok mé:joːnamnok tayé:lo kama:yé, émpige:la Ru:néké tornam tayéːlo kayépé.Ruːnék Méːjoːdé
6 Émgom séːkobulu méːjubnén, bulukkolo ngolu mé:joːnam agomém ludo; émpigeːla édé séː moːpísok méːjoːnamém manggom séː moːpísok migomdoyarmaːné migomkídíːdok méːjoːnam kisapémang. 7 Émpigeːla ngoluk lubinam méːjoːnamsé Ruːnék méːjoːnamdém, okodém taniːyé kinmangai, odokké okodém bí moːpísém ruːmaːdapébo ngoluk unjígnam légaːpé balenbitag. 8 Séː ayírsok migomkídíːdok séːkosin édém kintomang; bulu kinnamka:mílo, unjígné Ruːtummé bulu kuruslo pítkemaːyai. 9 Émpigeːla, édém kapé attang,
"Oko amigésin kangkímang,
oko yerungésin tatkímang, oko asinésin méngkímang,
okkom Ru:nébí bím aipé-mé:nékídí:dok légaːpé mosísuno:bitang,"c
10 émpigeːla Ru:nébí édém bík Yaloki ngolum léngkanbitag. Kapéné Yalodé appíngém magoːdag, Ru:néké oːrí:né méːjoːnamdémsin magoːdag. 11 Kapéné tani araːlok séːkobí séːkkaiké méːla duːnamém kindang, taniːdok aíké araːdok duːné yalodéːmíné kindang? Édémí:pé Ru:néké méːnamdém séːkosin kinmang, émpigeːla bík Yallo:dé kindag. 12 Ngolu moːpísok yallom toríksumangai, émpige:la Ruːnéké yalodém toríksutag, odo ngolum binam Ruːnéké amankídíːdém ngolu kinnaːyé.
13 Ngolu édémbulu lugoːbidodo, taniːlok méːjoːnam kísapé luyírbimang; émpigeːla Ru:néké Yaloké luyírbinamém paːla Yalolok doːyíngém kindopé yalolok agompé luyírbido. 14 Ruːnéké yalo kaman taniːdéd Ruːnéké yalodok gílenné agomkídíːdém toríksumaːyé; kapéné édébulu bíkképé makkornélok doːyíngé; odokké bí édémbulum kinnasinma, kapéné Yalodé okkon bulu édém kinmang. 15 Séːkkoloi Yalobí duːji, bí appí:lok arédém kangkindag, émpigeːla séːkkolo yalobí kamaːji bí yalo kané taniːdém kangkinnamang. 16 "Séːkobí Ruːtumké asiném kinnayén, séːko bím luyírbilaːyén?"e
Émpigeːla Kiristoké asin-méːnamdé ngolukkolo dung.