Pitorbíːla Jonbí Kiːni Kébaːdo Dakkansuan
4
Édílo Pitorbíːla Jonbí taniːkídíːdém lubildungngan miríkídíːdé, kumli:dém kanggabnékídí:dok keptendé odokké Soddukikídíːdéa bulukkodoːpé gísaːdo. 2 Mélígnamkídíːdé taniːkídíːdém luyírnam légaːpéla Jisubí sikodokké lékod-turkangku émna lugoːbinam légaːpé bulu kínggíːpé aglíngkang. 3 Bulu Pitorméla Jonmé sogapto, odokké yummayírnam légaːpé bulum longkondoːpé makanaːlo tumto. 4 Émpigeːla bojéruːngko taniyé séːkobulu doːyídém tattoji bulu méngkésuto, édémpé bojéko taniyé aːsedla lí:yíng-angngob kíramkopé ikang.5 Longkondo migomkídí:dé, mirokídíːdé odokké luro luyírnékídíːdé Jerusalemdo gíkumsukang. 6 Abíngaryan mirí Annas bí odo dungngai, odokké bík lédílo Kaipasbí, Jonbí, Alegjendarbí odokké abíngaryan mirídok okum-érang tani ékkésin duːtédungngai. 7 Bulu Pitormélang Jonmé buluk pongkodo dagmogeːla bulum tauroptoː "Nolu oko tornamkila oko aminki édé agerdém gerdun?"
8 Odo Pitorbí Angunné Yalolo pí:sí:la bulum luto, "Taniːkídíːsok migomélang mirokídíngǃ 9 Silo lébené taniːkoném ainé agerko gerbinamdém kaːla, bí kapé aikangkun édém kinnam légaːpé nolu ngoluk tayéːlo kébaːbaːdunei? 10 Édémpimílo, nolulaː Israelsok tani appíngéi sém kintok, édé Najareddok Jisu Kiristoké aminno, séːkom nolu kuruslo pítkeka, émpigeːla Ruːnébí bím sikkodokkém turmotoku, bík aminno séː taniːsé ésaːlangkula noluk kanggaːso dagla dung." 11 Bí édéc
'ílíːdé séːkom nolu okum-monékídínga típakkan,
édé ílíːdé okum-moddom tígotpoːnam ílíːpé ikang.
12 Moturbinamé bíkkolomaːmílo séːkkolosin kamang, kapéné doːmír kéíksoːla taniː araːlo séːkkokki ngolu turnamém paːyéji, émdémpin angu aminé kamang.''
13 Édílo bulu Pitorkéla: Jonké ang-pítanamdém kaːton, bulu pogolo gímangai, émmum taniyémín émnamdém kinna bulu méngaksukang. Odokké bulu édé taniːkídíːdé Jisuké lédílo duːmíndungai émna méːbeksuto. 14 Émpigeːla bulu édé ésaːmokunam taniːdém buluk lédílo dagla duːnamdém kaːbegnammé, bulukké odok kekonpé lusetpénammé okkosin katomang. 15 Édémpila bulu bulum kiːni-kébaːdokké gílenpoːdopé lulíkto odokké bulu buluk araːdo ru:suge:la bulu luto. 16 "Séː taniːkídíːsok lédílo ngolu okkom kapé iyen? Bulu méːpílaːmaːnam agerko gerto édém Jerusalemsok duːné appíngéi kinto odokké édém ngolusin lupaglaːma. 17 Émpigeːla taniːkídíːsok araːlo séː doːyiːsém sokké bojéko kinjermaːdopé, bulum édé amindokki lékoda ammem doːyingém kíbimaːdopé lupangém lula lutumpaːyé."
18 Odo bulu binyím goganggeːla Jisuk aminno okkomsin lugoːmaːdopéla okkomsin luyírgoːmaːdopé torgampé lulíkto. 19 Émpigeːla Pitorbíːla Jonbí lulatsutoku, "Nolu aíém méngkaːsula kaːtok okodé kaboyaːdang Ruːnék kanggaːlo bík agomdém tadnamdéːye nolukkédém tadnamdén? 20 Kapéné ngolu okkom kaːtoji odokké tattoji, édémbulum lubimaːpé duːlaːmang." 21 Odok lédupé bulu bulum lékoda aigampé lurídgeːla mélíktoku. Kapéné bulu bínyim mokemoramko binan oko lambékosin paːtomang, kapilaːné okko kapikaji odok tayéːlo appíng taniyé Ruːnémé luyitsula dungngai. 22 Oko taniːdém méngaksukandopé ésaːmotokun bí yíːpi dítakko bojéyaːdagaboi.
Méngkésunékídíːdok Kumnam
23 Pitorméla: Jonmé mélenníkkunam lédupé, bínyi buluk aíké taniːkídíːdoːpé gílattoku odokké abíné miríkídíːdéːla midumkídíːdé bulum okko émtoji édé appíːdém lubitoku. 24 dÉdílo bulu édém tatton, bulu lérékpé jéːsaːla Ruːnék aminno kumto. Odokké bulu luto, "Kínggíːtaríːné Ruːné, no tayéng-among, odokké mo:disémnaː gaːném, odokké odok appíngém ruːnédé. 25 eNo Angunné Yaloki nok pagbo ngoluk abu Debitké nappangki lukaː
'Réngamsé kapila siddíko aglídun
odokké kapila ager-kamaːné agerém ménggola dun?
26 Ruːtumkéla bík írra-mélígnamdokf kekonpé
moːpísok migomkídíːdé lékopé dagrobdung,
odokké igurnékídíːdé buluk kekonpé gíkumsudung.'
27 Arro séː nogorríːso nok írra mélígnam angunné pagbo Jisuké kekonpé Erodbí:laː Pontias Piladbí; Jiudiman tani odokké Israel taniːkídí:dok lédílo lékopé gíkumsuka. 28 Nok tornamkila méːnamki poːpéloːbo okkom iyéji édém ruːségla léːnamdémpé bulu ito. 29 Ruːtuma, suːpag, buluk lurídnamsém tattei, odokké nok pagbokídíːsém nok agomsém lugoːbilaːdopé kínggíːné angém biː. 30 Nok angunné pagbo Jisuké aminno ésaːmola:dokupé, méːpílaːmaːnam agerémna kanggodém léngkannaːdopé nok alagdém maːlentei."
31 Buluk kumnam lédupé, buluk gíkumsula dungkodo rébukang. Odokké bulu appíngé Angunné Yalolo píːsíːla Ruːnék agomdém pésomaːpé lugoːbito.
Méngkésunékídíːdé Buluk Kanamém Orsuto
32 Méngkésun appíːdé ang-asinki lékokang. Séːkosin bík kanamsíːnamdém bíkké émna lusumangai, émpigeːla buluk kanamsíːnam appíngém orsukaːmínsuto. 33 Kínggíːné tornamno mélígnamkídíːdé Ruːtum Jisuk lékod-turkunam doːyiːdém lukanbitíto, odokké bulu appíngé bojéruːngko aséngém paːto. 34 Buluk araːlo ajukaːné taniyé katomang. Kapilaːné ayír ayírro séːkké amongé okumé duːji bulu édémbulum kopageːla paːnam murkoːdém bomkumsudagai. 35 Odokké édémbulum mélígnamkídíːdok alaglo léːdagai, odokké édém séːkoi ajukaːdaggan bíméi bidungai.