Lajarké Sinam
11
Odo Lajar émnam Betaniːdok tani:ko kila dungngai, Meriːbíːlang bík bírmé Martabí édé taondokkai. 2 Bí édé Meriːbíai séːko Ruːtumké alédo nampon yonsunammé pílíggeːla bík dumítki notpubika, bík bíro Lajarbí kila dungngai. 3 Édémpila bírmékumsudé Jisukoloːpé lupangko lulíkto, "Ruːtuma, séːkom no aipé-méːdang, bí kila dung."4 Édílo Jisubí édém tatpaːsutoji, bí luto, "Séː kinamso bí simaːyé. Édé Ruːnéké amin-gígénam légangépak kidung, odokki Ruːnéké Aoːmé amin-gígémoyé."
5 Jisubí Martamé bík bírmédémnaː Lajarmé aya:daggai. 6 Lajarbí kila dung émna bí tatpaːsudaggom, bí gípoma:pé bík dungkuːdo loːnyikopé duːtetto. 7 Odok lédupé bí luyírsunékídíːdém luto, ''Kajé lékoda Judiaːpé gílatkakui."
8 Bulu luto, "Émpigeːla Rabbi, símsíːro Jiudikídíːdé nom ílíngki gékepé émna magola dung, odokké no odoːpéi gíladyékun?"
9 Jisubí lulatsutoku, "Longédo yíːlaːnyi a:dí:ko kamaːnei? Séːkoi longgém lambégíyéji, bí lésutsumaːyé, kapéné bí séː moːpísok píaːdém kaːpaːdag.a 10 Émpigeːla séːkoi yummém lambégíyéji, bí lésutsuyé, kapilaːné píaːdé bíkkolo kamang." 11 Bí édém lugeːla, odok lédupé bí bulum luto, "Ngoluk ajon Lajarbí yubladung; émpigeːla ngo oloːpé gíla bím urrobye."b
12 Luyírsunékídíːdé bím luto, "Ruːtuma, bí yubladu:mílo, bí ésaːyéku."
13 Jisubí bík sinamdém lubidung, émpigeːla bulu bí aropé yubladung émna méːto. 14 Édémpila bí bulum lukurra lubito, "Lajarbí sikang, 15 odokké noluk légaːpé ngo méːpodag kapéné ngo odo kamangai, odopag nolu méngkésuyépé. Kajé ngolu bíkkoloːpé gíkai."
16 Odo Tomasbí, séːkom opem émdon, bík ajon luyírsunékídíːdém luto, "Kajé ngolusin gíkai, odo ngolu bík lédílo simíndopé."c
Jisubí Lékod-Turkunamdéːla Turnamdé
17 Édílo Jisubí gípíːtoji, Lajarmé+ \fr 11.17 \ft Giriglo bí agodo yunamé loːpikopé idagaboi. 18 Betaniːdé Jerusalemdokké mail annyikíramoːkopé moːtéːdagai, 19 Martamélaː Meriːmé buluk bírodok sinonamdém luyinsukolo bojékopé Jiudiyé gído.d
20 Jisubí gído émna édílo Martabí tattoji, bím ríksukolo bí gílenkang, émpigeːla Meriːbí okumíːdo dungkang. 21 Martabí Jisumé lubito, "Ruːtuma, no sido duːnamkaːmílo, ngok bírodé simaːyai. 22 Odokké ngo kindag suːpaksin no Ruːnékolok okkoméi koyéji Ruːnébí nom biyé."
23 Jisubí bím luto, "Nok bírodé lékoda turyéku."
24 Martabí bím luto, "Ngo kindag gítérsuné longédo lékod-turdokudodo bí turyéku."e
25 Jisubí bím luto, "Ngo lékod-turkunamdéːlaː turnamdé. Séːkobí ngom méngkésudagji, bí sigom, bí turyéku; 26 odokké séːkobí turradun odokké ngom méngkésudagji bí édíloːsin simaːyé. No édém méngkésudoyé?"
27 Bí bím luto, "Arro, Ruːtuma, no Kiristobí, Ruːnéké Aoːdé, séːko moːpísoːpé gídung, édém ngo méngkésudag."f
Jisuké Kabnam
28 Martabí édém lunam lédupé, bí gíla bík bírmé Meriːmé asoːpé gokto, "Luyír-abubí séː dung, odokké bí nom gogdag." 29 Édílo Meriːbí édém tatpaːsutoji, bí bagémpé dagrobgeːla bíkkoloːpé gíkang. 30 Odoloːpé Jisubí doːluːdoːpé gíaːmada, émpigeːla Martabí bím okolo ríksutoji oddung bí dungngai. 31 Édílo Jiudikídíːdé séːkobulu Meriːké lédílo buluk okumdo duːla luyinsul dungngan, bím bagémpé dagrobla gílendopé kaːton, bí aggoloːpé gíla kapkolo gídag émna méːla, bulu bík lédulo gímínto.
32 Édílo Meriːbí Jisuké dungkodoːpé gípínggeːla bím kaːton, bí bík alédo oaːla luto, "Ruːtuma, no sido duːnamkaːmílo, ngok bírodé simaːyai."
33 Édílo Jisubí bík kabnamdémna: bík lédulok gímínné Jiudikídíːdok kabnamdém kaːtoji, bík asiné airuːpé kila bí ngasarsulatomang." 34 Odokké Jisubí luto, "Okolo nolu bím léːtang?"
Bulu bím lulatsutoku, "Ruːtuma, gímmína kaːta."
37 Émpigeːla bulukkodok akke luto, "Bí miglun taniːdém amig darmokunédé séː taniːsémsin simoːmaːpé ilaːmangaːnei?"
Lajarmé Turmokunam
38 Odo Jisubí, lékoda asiné airuːpé kila, agodoːpé gíto. Édé diːrumkai, odokké édém ílíngko pérkabla léːtag. 39 Bí luto, "Ílíːdém pérpakto."
Sinéːdok bírmé Martabí luto, ''Ruːtuma, Suːloːpé namyébo, kapéné bím yunamé loːpiko ikaːbo."
40 Odo Jisubí bím luto, "Ngo nom lumangalang nolu méngkésumílo, nolu Ruːnék unjígdém kaːbegyé émna?" 41 Édémpila bulu ílíːdém pérpakto. Odo Jisubí tayéːtoːpé ngesanggeːla luto, "Abu, no ngok agomém tadnam légaːpé ngo nom aipai bidung. 42 Ngo kindag no loːdém ngok agomém tadbidag, émpigeːla séː dagla duːné taniːkídíːsok légangé no ngom mélíktag émna bulu méngkésuyépé émna ngo séː agomsém ludung." 43 Édém Jisubí lunam lédupé, bí bottépé jéːla gokto, "Lajar, gílentokuǃ" 44 Siné taniːdé, bík alé-alagdém asong-onnolok gayinki yedla léːdopélaː migmodém sémígné-gayinki yeddopé gílendoku. Jisubí bulum luto, "Bím taːsarbigeːla gímotoku."
Jisumé Mokepé Émna Ruːsunam
(Moti 26.1-5; Mark 14.1-2; Luk 22.1-2)
45 Odok-légaːpé, Jiudikídíːdok bojéko séːkobulu Meriːmé kangkol gíkan odokké okkom Jisubí itoji édém kaːnékídíːdé bím méngkésuto. 46 Émpigeːla odok akedé Parosikídíːdoːpé gíla Jisubí okkom itoji édém bulum lubito. 47 Édémpila abíné miríkídíːdéːla Parosikídíːdé Kiːni-kébaːdém goggeːla luto, "Ngolu okkarém ipénammén? Kapéné séː taniːsé bojéruːngko méːpílaːmaːnam kanggodém léngkandung. 48 Ngolu bím sémmíːpé iyarmomílo, appíngé bím méngkésuyé, odokké Ruman taniːkídíːdé gíla ngoluk kumliːsémnag ngoluk réngamsém momíkpagyé."
49 Kaipas, séːko édé ayírdok abíngaryan mirídé, bí luto, "Nolu okkom ludun édém nolu kinmangǃ 50 Nolu méngkaːla kangkímaːnei? ngoluk appíng réngamsé sitaying taniː aːko sibimíloiyém aiyaːyén." 51 Bí édém aíkkolokké lumang, édé dítagdok abíngaryan mirí kísapé bí lungorém luto Jisubí tani réngam appíngké légangé sibiyé, 52 odokké buluk réngamdok légangoːpéma émpigeːla Ruːnéké dukpit-dugritsula duːné ommangkídíːdém lékopé gíkumosumokunam légaːpésin.
53 Édémpila édé longédokkéi bulu bím kapé mokepé émna lambéko mago:to. 54 Odok-légaːpé, Jisubí Jiudikídíːdok araːlo kaːdeːpé gígotokumang. Émpigeːla bí sullipota kérangké Ipraim émnam doːlungkoloːpé gíto, okolo bí bíkkol luyírsunékídíːdok lédílo duːmínto.
55 Édílo Jiudikídíːdok Gíboːla donam gíːdíːdé píngadaggabon, odokké Gíboːla donam gíːdíːdém domangoːdapé bojéruːngko taniyé doːlungkídíːdokké Jerusalempé bulu aíkídíːdé pídesukolo gísangkang.h 56 Odo bulu Jisumé mago:to odokké kumli:do daggeːla akoné akoném taukaːmínsuto, "Nolu okko émna méːdang? Bí séː gíːdísoːpé gímaːyénei?" 57 Émpigeːla abíné miríkídídéːla Parosikídíːdé lulígnamko lulíkto, séːkobíi okolai Jisubí dung émna kinmílo, bí édém bulum lupapé lagidag, odo bulu bím sogablaːyépé.