Pokírné Menejardém Luyisula Lubinam
16
Jisubí bíkkol luyírsunékídí:dém lubito: "Mirémné tani:kolokké menejarko dungngai, sék tayéːlo bík ompotiém mosemoyé dung émna lugénamko pa:to. 2 Édémpila bí bím gogge:la tauto, 'Sémbulum ngo okkom tatpaːsudun? Nok agerkídíːdok sabgabnamkídí:dém soːpé bi:, kapila:né no menejarpé geryarpoːlamaːbo.' 3 Édé menejardé aíém lusuto, ‘Ngo kapé iyyan? Ngok ru:tumbí ngok menejar agersém laːpagdungku. Ngo kínggíné agerémsin gerramaːbo, odokké kogola dopénamdémsin anyisudung. 4 Ngo kindag ngo okkom ipénammén, édémpimílo ngo édílo menejarpé iyarmaːboːji odo taniyé ngom buluk okumkídíːdo boríksuyé.' 5 Édémpila bí bík ruːtumkolok narpo:né taniːkídíːdém ako akopé gokto. Odokké bí gíangarpoːndém tauto, 'Nokké éddíko ruːtummé bikupénamé dun?' 6 Bí lulatsuto, 'Líːyíng aum litarkopé olib tulangém bikupénamé dung." Menejardé bím luto, "Nok adgabnamsém langgeːla lomdanna tedrasugeːla yíngoko émna atto.'' 7 Odokké bí akondém tauto, 'Nokkéka éddíko bikupénamé dun?' Bí lulatsuto, 'Líːyíng annyi kuntelko aːmém.' Bí bím luto, 'Nok adgabnamsém langgeːla édém yíːlaːpi kuntelko émna atto.' 8 Ru:tumdé méːjuːbma:né menejardém luyitsuto, kapilaːné bí appíng agerém pokírné taniːkísapé yampo-roːkédém méːnoːla gerto. Kapéné arolok-duːné ommangémyaːsin séː moːpísok ommangkídíːdé buluk inam-saːnamno pokíryaːdag.9 Ngo nolum lubidung, moːpísok noluk kanamsíːnamki akoném kaːdumsula ajoném laːlennang. Odokké édílo moːpísok noluk kanamsíːnamdé kamaːyéboji, odo nolum turyarra dungkodoːpé boríksuyé. 10 Sé:koméi ajjiːoné ager tayéːdo méːtinsulaːyéji, bím botténé ager tayéːloːsin méːtinsulaːyé; odokké séːkomé ajjiːoné ager tayéːlo méːtinsulaːmaːji bím botténédoːsin méːtinsulaːmang. 11 Édémpila nolum moːpísok ompoti tayéːloi méːtinsulaːmaːmílo, sé:kobí nolum aroné mirémdém tolígyén? 12 Séːkkai akonké ompoti tayéːlo nolum méːtinsulaːma:mílo, sé:kobí nolum aíké ompotidém biyen?
13 Pagbo aːko ru:tum annyikolok agerém-gerbila:mang. Kapéné bí aːkom aipé-méːyaːyé odokké akondém méːsoméːleyé, bí akolok agerém kabopé gerbiyé odokké akondém méːyaméːsa:la gerbiyé. Nolusin Ru:nékélang murkongké agerém gerrusula gerramang."
Jisuké Lunam Ékké
(Moti 11.12-13; 5.31-32; Mark 10.11-12)
14 Murkongém méːboné Parosikídí:dé, édé appíːdém tadge:la bulu Jisumé lukaːto. 15 Jisubí bulum luto, "Nolu taniːlok kanggaːlo aíém aíé arolok-duːné émna léngkansudag; émpigeːla Ruːnébí noluk asiném kindag. Taniːlok araːlo aipé arré kadag émna sabnamdém Ruːnéké kanggaːlo tayumkandag.
16 Jonké gímangoːdapé Ruːnéké Lurodéːla lungor-lunékídí:dok lugoːbinamkídíːdé dungngai. Odo ayírdokkébo Ru:nék migomdokodok tatpon lutaddém lugoːbika, odokké appíngé édé lambédok bolbodapé gíaːpé émna ikídung. 17 Tayéng-amongélaː mo:písé yoglaːdo émpigeːla Ruːnéké Luroːdok bígnam abígkídíːdok apirkosin yogmaːyé.
18 Séːkoi bík yamné:dém mépagge:la yamnéko la:yekuji bí benggonépé idag, odokké milbong mépagnam néːdém laːné milboːdéːsin benggonépé idag.a
Mirémné Tani:déːla Lajarasbí
19 Mírémné tani:ko dungngai sé:kobí ba:yomné+ \fr 16.19 \ft Jiudi mirémné taniːyé édémpin attarém gédagai galuk-gasorémna: ainé tíbuːnam attarém gédagai odokké lo:dém murkongém pitsepidyela méːpomandaggai. 20 Bík séːturdo tarétapé domígnam Lajar émnam kogoné tani:ko tedla duːdagai. 21 Odo bí mirémné tani:dok dokodok oledné dopidnammém dopa:pé émna duːdagai. Ikiyesinéi gía:la bík tarékídí:dém yakkíbidagai. 22 Sidímoːdí ayíré aːla kogonédé sikang odokké tayéng-yaːmeyé bím Abraamké dungkodoːpéb gísa:bokangku. Mirémné tani:déːsin sila bím yusíːto. 23 Mirémné taniːdé uiːamoboc kínggí:pé mokemoramém paːla, bí ngesa:la kaːnamé Abraammé kaːbekto odokké Lajarbí bík kéraːdo du:dopé ka:to. 24 Édémpila bí jéːla gokto, 'Abu Abraam, ngom aya:tei, odokké Lajarmé bík lagné tuːyídokki asilo sudjíngge:la ngok ayosém ansímodopé soːpé mélíktei, kapilaːné ngo umí araːso ukkosula dígla siyebo.' 25 Émpige:la Abraambí luto, 'Aoːa, nok turra duːdodo nok méːnam appíngém no pangapto odokké Lajarbí aimangoːném pangka, émpigeːla bí suːpag méːpola dung odokké no mokemoramém paːladung. 26 Odokké odok tayéːpésin, ngolukkélaː nok pongkogdo oːrí:né korungko dung, édémpila sokké nokkodoːpé gípé méːdaggom gíkola:mang, odokké nok dungkodokkésin séːkosin soːpé gíkola:mang.' 27 Bí lulatsutoku, 'Émpémílo ngo nom kumdung, abu, Lajarmé ngok baːbuké okum-ératoːpé mélíktei, 28 ngokké bírro anggoko dung, bí bulukkoloːpé gíla séː mokemoram pangkosok lupaːdém lubiyépé, émmamílo bulusin soːpé gípéké.' 29 Émpigeːla Abraambí luto, 'Bulukké Ruːnéké Luroélaː lungor-lunné dung; bulum buluk lubinamdém tadmotok.' 30 Bí luto,' Abu Abraam, édémpé luyok,' émpigeːla sinékídíːsok ara:sokké sé:kai akoné bulukkolo:pé gímílo, bulu méngkutsuyéku.' 31 Abraambí bím luto, 'Bulu Ruːnéké Lurodémnaː lungor-lunékídí:dém tadma:mílo, sikolokké séːkai turdakkugom bulu arro émna méːmaːyé.' "