Jisubí Ní:yíːlanyiko Mélígnam
10
Odok lédupé Ru:tumbí akon tani ní:yiːlanyikom balengeːla bí oko oko taondo:pélaː doːluːdoːpé gípé émna méːladuːji, annyi annyikopé bulum méno:líkto. 2 Bí bulum luto, "Arígé bojéruːngko, émpigeːla gatsíngkunné ajjiko; odok-légaːpé aríg Ruːtumkoloːpé kumtoka bík arígdoːpé gatsíngkunném mélígdopé. 3 Nolu gíkang! émpigeːla kangkíto, ngo nolum lampiyang ara:lo meːr-ao kísa:pé mélígdung. 4 Murkong léːnan payég, sogén manggom létagém bomyok; odokké séːkomésin lambédo kumríksugoyok.+ \fr 10.4 \ft Jiudilok kumríksunamdém airuːpé araikédag, bulu takamém tadbíndanna taddag odokké légaːpé kumríksuddom bojérungko ayírém lagidag émpila Jisubí kumríksuyoka émna luto 5 Oko okumnoi nolu gíaːdoji, oddoi lupolang, 'Séː okumso asin-ansíngé dungka:langka.' 6 Asin-ansíngkané taniːko édé okumdo du:mílo, noluk asin-ansí:dé bík tayéːlo du:yé; kama:mílo, édé nolukkoloːpé gíladyéku. 7 Odokké édé okumí:do du:lang, bulu okkoméi biyéji édéméi dola-tí:lang, kapéné ager-gernédé bík pa:pénam arédém paːpaːdo. Okumkolokké okum songkonpé baggoyok. 8 Édílo nolu taonkoloːpé gíaːdoji odo bulu nolum boríksumílo, okkomei nolum dodopé biyéji édémei dolang. 9 Odok kilaramna duːném ésaːmolang odokké, "Ru:nék migomdokodé noluk kéra:pé gíadung" émna bulum lubilang. 10 Émpigeːla édílo nolu taonkoloːpé gíaːdoji, nolum boríksumaːmílo, odok lambékídíːdoːpé gígeːla lulang, 11 'Noluk taonsok ngoluk alékídí:sok lékamémsin noluk kekonpé lépaksudung. Émgom sém kinnang: 'Ru:nék migomdokodé aninkaːbo.' 12 Ngo nolum lubidung, a:péné longédo Sodom taondé édé taondémyang anpopoyaːyé.Méngkésuman Taon
(Moti 11.20-24)
13 Korajinikídínga, nolukkoloːpé méːdíré! Betsedanga nolukkoloːpé méːdíré! Kapéné nolukkolok inam méːpíla:ma:nam agerkídíːdém Tayardoːla Sidon moːtagdo inamkaːmílo, bulu édílaibo toilangém géla médbulo tedla, méngkutsuiya:kubopé.+ \fr 10.13 \ft Jiudié airuːpé bottépé méːngkutsuːmílo poːpélokkébo inam kísapé toilangém géla medbulo teddagai 14 Émpige:la kébaːbaːdo longédo Tayarbíːlaː Sidonbí nolumyang anpopoyaːyé. 15 Odokké nolu, Kaparnauma, nom do:mír tayéːtoːpei joːsaːlígyén? No uiːkoruboːpépag gítogyé.
16 Sé:kobí noluk agomém taddagji bí ngok agomém taddag; sé:kobí nolum lupagyéji bí ngomsin lupagdag; émpigeːla sé:kobí ngom lupagdagji bí ngom mélígnédémsin lupagdag."
Níːyíːla:nyidok Gílatkunam
17 Níːyíːlaːnyi:dé mé:pola gíladgekula lubitoku, "Rutuma, nok aminno ui:yé ngolukkolo kéígamsukang."
18 Bí lulatsutoku, "Uiːké tayéng-amo:tokké yari:émpé arpaglednamdém ngo ka:to. 19 Tabbémna: tabíːtarumém sammígla:do:pélaː Soitan, miruːdéa airuːpé kínggí:daggom bím motabla:dopé ngo nolum ilang-gílangém bidung; okkosin nolum atíkosin ilaːmaːyé. 20 Ui:yé nolum kéíksukang émna méːpoyok, émpige:la noluk aminém tayéng-amo:té adgabla lé:tag émnapag mé:polang."
Jisubí Méːpokang
(Moti 11.25-27;13.16-17)
21 Odo ayírdo Jisubí, Angunné Yalolo airu:pé mé:pola luto, "Abu, ngo nom luyitsudung, tayéng-amongkélaː mo:písok Ru:tuma, kapilaːné no sémbulum méːjoːné taniːlokélaː kinnépa:nélokkém kupsila léːtag, odokké ajjiné ko:kangém édém kinmotag. Arro, Abu, kapéné édé nok airuːpé méːyumsunamé.
22 Ngok Baːbubí ngok alaglo appíngém bitag. Aoːbí sé:kon édém séːkosin kinmang, Abbobí bím kindag, odokké Abubí séːkon, édém Aoːdé odokké sé:komé Aoːdé léngkanpé émna balentuji bíːo kindag."
23 Odo bí luyírsunékídí:dém ngelatsuge:la ammem-kinmomaːpé luto,"Nolu okkom ka:begdu:ji édém ka:begné amikkídí:dé ayang-pa:né. 24 Kapéné ngo nolum lubidung bojéru:ngko lungor-lunné odokké migomé nolu okkom ka:paːdu:ji édém ka:líːdaggai émpigeːla bulu kaːpaːtomang, odokké nolu okkom tadbegduːji édém bulu tadlíːdaggai émpigeːla tadbektomang."
Ainé Somoriadém Luyisubinam
25 Odokké kangkítok, luroːém luyírnéko gísaːla Jisumé luyetpé méngkíla bí tauto, "Luyír-abu, turyarné turnamdém paːnam légaːpé ngo okkarém ipa:yén?"
26 Bí lulatsutoku,"Ruːnék lurodo okko émna attang? No édém kapé popa:sukítang?"
27 Bí lulatsutoː "Nok Ru:né Ruːtummé no nok appíng asinki, nok appíng iji-yaloki nok appíng tornamki odokké nok appíng méːlotki aipé-méːlang. Odokké nok kumrém nok aíkémpé aipé-méːlang.' "
28 Jisubí lulatsutoku, "Arro no lugaptag. Édémpé itaku oddoi no turyépé."
29 Émpige:la bí aídé aíém aidag émna léngkansupé méːla, bí Jisumé tauto, "Émpém ngok kumríkídíːdé sé:kon?"
30 Lulatsulangkula Jisubí luto: "Tani:koné Jerusalemdokké Jerikoːpé gítogla duːdodém, bím rodgon taniyé lambédo paːto. Bík génam-bonamkídí:dém bulu la:pagamto, odokké bím sikíramdopé démge:la mépagla gíkangku. 31 Édé lambí:dok miríko gítogla gído, odokké édílo bí tani:dém kaːtoji, bí kaːmaːnémpé gíyodla gíkang. 32 Édémí:pé Lebiːko gído, édílo bí odo:pé gípíːla bím ka:toji, bíːsin kaːmaːnémpé gíyodla gíkang. 33 Émpige:la Somoria taniːkoné gíla du:dodém, édé taniːdok dungkodoːpé gípíːto; odokké édílo bí bím ka:toji, bí bím aya:pé-méːto. 34 Bí bíkkodoːpé gígeːla bím démjokkokídí:do tulangémnaː tí:namém pílíggeːla gombito. Odokké bím bík aíké gadoːdo bosalíggeːla mibo-dungko okumkolo:pé gíbogeːla bím ka:sí:mosí:to. 35 Longkondo bí murkolok murkong anír piryiko la:lenge:la édém mibo-okumdém kaːsí:nédém bige:la luto, "Bím ka:síːmosíːbipolang, odokké kaːsíːréːém bisetpénam kamílo ngo édílo gíladyékuji odo bikupé.'
36 Séː aumsok nok méngkípé séːko rodgon taniːpaːnam taniːdok kumríːdé émna méːdon?"
37 Luroːém kinjígla kinnédé lulatsutoku, "Sé:kobí bím ayangém léngkantoji."
Jisubí bím luto, "Gílangkula édémí:pé itaku."
Jisubí Martakélaː Meriké Okumpé Gínam
38 Odok lédupé bulu gíla du:dodém, bí do:lungkoloːpé gía:to okolo Marta émnam miméko:né bík okumdo bím boríksuto. 39 Bíkké Meri émnam bírméko dungngai, sé:kobí Ru:tumké lépo ru:yido tedgeːla bík luyírnamkídíːdém tadla dungngai. 40 Émpigeːla Martaːbí bojéruːngko kéːpéréppénammé duːnamé méːrítsula Jisukodoːpé gíla luto, "Ru:tuma, no kaːmimaːnei ngok bírmédé ngom atéroːngém ila:sa:la bidopé mépagnamsém? Bí ngom idumsudopé luteipénǃ"