Yoꞌoꞌ kaꞌán xaꞌa̱ꞌ ña̱ kuní a̱ sa̱kaꞌnuꞌ e̱ꞌ Ndiosí
Ya̱a̱ ña̱ ni̱ xi̱ta̱ ne̱ yivi̱ꞌ kii̱ꞌ kuaꞌa̱n ki̱e̱ndu̱u̱ ni̱a̱ ñu̱u̱ Jerusalén.
134
Sa̱kuuꞌ ndoꞌó,
ne̱ xikaꞌ nuuꞌ nuu̱ꞌ Yahvé ndii,
sa̱kaꞌnuꞌ ña̱ꞌaꞌ ndo̱ꞌ,
na sa̱kaꞌnuꞌ ña̱ꞌaꞌ ndoꞌó,
ne̱ xikaꞌ nuuꞌ nuu̱ꞌ a̱ ti̱xi̱n yu̱kunꞌ a̱ ñu̱u.
2 Ndo̱ni̱ꞌi̱ ndo̱ꞌ nda̱ꞌaꞌ ndo̱ꞌ ti̱xi̱n yu̱kunꞌ ja̱a̱nꞌ,
te̱ sa̱kaꞌnuꞌ ndo̱ꞌ Yahvé.
3 Na sa̱ñuꞌuꞌ Yahvé,
ña̱ nduꞌu̱ꞌ nde̱e̱ ñu̱u̱ Sión,
ndoꞌó,
ña̱ ja̱a̱nꞌ nduuꞌ ña̱ ni̱ xa̱ꞌa̱ ndi̱viꞌ xiinꞌ ñu̱ꞌuꞌ i̱i̱n yivi̱ꞌ.