Yoꞌoꞌ kaꞌán a̱ xaꞌa̱ꞌ a̱ ña̱ kuní a̱ i̱ni̱ e̱ꞌ ku̱ni̱ e̱ꞌ Ndiosí nde̱e̱ naa xaaꞌ ne̱ kualiꞌ i̱ni̱ ni̱a̱ xini ni̱a̱ yu̱vaꞌ siꞌiꞌ ni̱a̱
Ya̱a̱ ña̱ ni̱ xi̱ta̱ ne̱ kuaꞌa̱n ki̱e̱ndu̱u̱ ñu̱u̱ Jerusalén.
131
Tákuiꞌe Yahvé,
süu̱ꞌ te̱ ñuñuꞌ nimá nduuꞌ i̱,
ni̱ nde̱e̱ ndüuꞌ tu̱ i̱ te̱ kaniꞌiꞌ xiinꞌ miiꞌ i̱.
Te̱ kuäsa̱ꞌ tu̱ ndiꞌni̱ i̱ xaꞌa̱ꞌ ña̱ ku̱ndu̱u̱ i̱ te̱ kaꞌnuꞌ va̱,
ni̱ nde̱e̱ kuäsa̱ꞌ tu̱ ndiꞌni̱ i̱ ña̱ sa̱a̱ i̱ ña̱ nandani̱ va̱ ne̱ yivi̱ꞌ ña̱ kü̱vi̱ na̱niꞌi̱ꞌ i̱ sa̱a̱ i̱.
2 Süu̱ꞌ ja̱a̱nꞌ ndii,
yoo taxi̱nꞌ nimá i̱,
te̱ taxi̱nꞌ tu̱ nduꞌu̱ꞌ i̱
nde̱e̱ naa i̱i̱n ña̱ kuañuꞌu̱ ña̱ kuäsa̱ꞌ ka̱ tyityinꞌ xaaꞌ si̱ꞌiꞌ a̱,
te̱ kuäsa̱ꞌ ka̱ tu̱ xakuꞌ a̱ xaꞌa̱ꞌ a̱ ña̱ kuni tyi̱tyinꞌ a̱.
Nde̱e̱ naa xaaꞌ ña̱ kuañuꞌu̱ ña̱ kuäsa̱ꞌ ka̱ tyityinꞌ ja̱a̱nꞌ nduuꞌ yuꞌu̱.
3 Ndoꞌó,
ne̱ taꞌanꞌ i̱,
ne̱ vi̱ꞌe̱ Israel,
Yahvé ku̱i̱ti̱ꞌ i̱ni̱ ndo̱ꞌ ku̱ni̱ ndo̱ꞌ,
nde̱e̱ vi̱ti̱n,
te̱ nde̱e̱ ndiꞌiꞌ ni̱ kivi̱ꞌ.