Yoꞌoꞌ kaꞌán a̱ ña̱ Yahvé nduuꞌ rey nuu̱ꞌ ne̱ yivi̱ꞌ i̱i̱n yivi̱ꞌ
93
Yahvé nduuꞌ rey,
te̱ yiꞌé nda̱tu̱nꞌ xa̱va̱ꞌa̱ ka̱niiꞌ a̱,
yiꞌé nda̱tu̱nꞌ xa̱va̱ꞌa̱ ka̱niiꞌ a̱,
te̱ kumiꞌ a̱ sa̱kuuꞌ ña̱ ndi̱e̱eꞌ a̱,
te̱ ka̱ꞌndi̱a̱ tyuunꞌ a̱,
te̱ su̱vi̱ tu̱ a̱ ni̱ xa̱a̱ sa̱kanꞌ te̱ kanduꞌu̱ꞌ kutu̱ꞌ ñu̱ꞌuꞌ i̱i̱n yivi̱ꞌ,
te̱ köo̱ꞌ kivi̱ꞌ ku̱nu̱ndiaꞌa̱ ña̱ ja̱a̱nꞌ miiꞌ ni̱ tyi̱nduꞌu̱ꞌ ña̱ꞌaꞌ Ndiosí.
2 Te̱ nde̱e̱ kii̱ꞌ sa̱kanꞌ,
Tákuiꞌe Ndiosí ndii,
i̱i̱n xaanꞌ ku̱i̱ti̱ꞌ iinꞌ tei̱ kaꞌnuꞌ miiꞌ nduꞌu̱ꞌ u̱nꞌ xaꞌndia tyuunꞌ u̱nꞌ,
te̱ yoꞌó ndii,
xa̱ yoo u̱nꞌ nde̱e̱ xta̱ꞌanꞌ kivi̱ꞌ.
3 Tákuiꞌe Yahvé,
ni̱ ku̱kuaꞌa̱ꞌ va̱ ti̱kui i̱ti̱a̱,
te̱ ni̱ ndeꞌi̱ tiꞌeꞌ va̱ savi̱ꞌ kii̱ꞌ ni̱ ku̱u̱n kuiꞌe̱ a̱,
te̱ i̱yo̱ va̱ ni̱ nu̱ta̱ ti̱kui nuu̱ꞌ mi̱ni̱ kaꞌnuꞌ kii̱ꞌ ku̱u̱ kuaꞌa̱ꞌ va̱ ti̱kui.
4 Ndisu̱ yoꞌó,
Tákuiꞌe,
miiꞌ nduꞌu̱ꞌ u̱nꞌ ndi̱viꞌ ndii,
ndi̱e̱eꞌ kuaꞌa̱ꞌ ka̱ u̱nꞌ
te̱ sa̱kanꞌ ndi̱e̱eꞌ niꞌi̱ mi̱ni̱ ja̱a̱nꞌ ña̱ kuaꞌa̱ꞌ va̱ ti̱kui,
te̱ ndi̱e̱eꞌ ka̱ tu̱ u̱nꞌ te̱ sa̱kanꞌ ña̱ niꞌi̱ nutaꞌ ti̱kui nuu̱ꞌ mi̱ni̱ ja̱a̱nꞌ.
5 Tu̱ꞌu̱n nde̱iꞌ u̱nꞌ ña̱ kaꞌán tuní u̱nꞌ ndii,
köo̱ꞌ nde̱e̱ i̱i̱n ne̱ ku̱vi̱ na̱ma̱ nde̱e̱ siee a̱.
Te̱ su̱ꞌu̱n va̱ ña̱ nduuꞌ miiꞌ xaꞌndia tyuunꞌ u̱nꞌ,
Tákuiꞌe Yahvé,
nde̱e̱ ndiꞌiꞌ ni̱ kivi̱ꞌ,
te̱ nde̱e̱ a̱ma̱ ka̱ ni̱.