Yoꞌoꞌ kaꞌán David ña̱ Yahvé nduuꞌ nde̱e̱ naa te̱ pa̱xto, te̱ xitoꞌ yooꞌ
Ya̱a̱ ña̱ ni̱ xi̱ta̱ David nuu̱ꞌ Ndiosí.
23
Yahvé nduuꞌ nde̱e̱ naa te̱ pa̱xto,
te̱ xitoꞌ a̱ yuꞌu̱,
te̱ köo̱ꞌ nde̱e̱ i̱i̱n ña̱ꞌa̱ kuní nuu̱ꞌ i̱.
2 Te̱ taxiꞌ a̱ nandiee̱ꞌ i̱ miiꞌ yoo kuaꞌa̱ꞌ ña̱ xaxi̱ꞌ xa̱aꞌ,
te̱ ndiakaꞌ a̱ yuꞌu̱ kuaꞌa̱n a̱ yivi̱ miiꞌ taxi̱nꞌ kaaꞌ te̱ ko̱ꞌo̱ i̱ ti̱kui,
te̱ na̱ndiee̱ꞌ i̱.
3 Taxiꞌ tu̱ a̱ ndi̱e̱e̱ꞌ i̱ kii̱ꞌ xa̱vi va̱ i̱,
te̱ saniaꞌá a̱ yuꞌu̱ ka̱ka̱ i̱ i̱tyiꞌ va̱ꞌa̱,
sa̱kanꞌ te̱ kiꞌinꞌ kaꞌnuꞌ ña̱ꞌaꞌ ne̱ yivi̱ꞌ.
4 Tee̱ꞌ ndee xkaꞌndi̱a̱ i̱ i̱i̱n tyuꞌma̱ kunu va̱ miiꞌ i̱i̱n yaví ndiaa vi̱ꞌ,
te̱ i̱yo̱ va̱ tu̱ kaaꞌ ndii,
kü̱yi̱ꞌvi i̱ nde̱e̱ i̱i̱n ña̱ i̱yo̱,
sa̱kanꞌ ña̱ yoꞌó yoo xiinꞌ i̱,
te̱ xitoꞌ u̱nꞌ yuꞌu̱.
Te̱ ka̱roti,
tunꞌ katuviꞌ u̱nꞌ,
tunꞌ nakasi u̱nꞌ ki̱tiꞌ,
taxiꞌ ña̱ ndi̱e̱eꞌ i̱.
5 Xa̱va̱ꞌa̱ u̱nꞌ ña̱ xaxi̱ꞌ ku̱xi̱ i̱ nuu̱ꞌ te̱ ndasiꞌ taꞌanꞌ xiinꞌ i̱,
te̱ kiꞌinꞌ kaꞌnuꞌ u̱nꞌ yuꞌu̱ xakin u̱nꞌ xa̱ꞌa̱n oliva xavixínꞌ xíniꞌ i̱,
te̱ ndikó xíniꞌ i̱ xaaꞌ u̱nꞌ,
te̱ sañuꞌuꞌ xa̱va̱ꞌa̱ u̱nꞌ yuꞌu̱ xiinꞌ kuaꞌa̱ꞌ va̱ ña̱ va̱ꞌa̱ nde̱e̱ ndoó ndo̱so̱ꞌ vi̱ꞌ a̱ nu̱uꞌ i̱.
6 Ña̱ nda̱ku nduuꞌ a̱ ndii,
ña̱ va̱ꞌa̱ xiinꞌ ña̱ kundani̱ Ndiosí yuꞌu̱ yooꞌ xiinꞌ i̱ nde̱e̱ ndiꞌiꞌ ni̱ kivi̱ꞌ ña̱ xikaꞌ i̱ i̱i̱n yivi̱ꞌ,
te̱ vi̱ꞌe̱ Yahvé ku̱nduꞌu̱ꞌ i̱ nde̱e̱ ndiꞌiꞌ ni̱ kivi̱ꞌ.