Yoꞌoꞌ ku̱a̱xi̱ ña̱ ni̱ kaꞌa̱n David xiinꞌ Ndiosí, ni̱a̱ꞌa̱ kii̱ꞌ i̱ni̱ ra̱ xini ña̱ꞌaꞌ ra̱
Ya̱a̱ ña̱ ni̱ xi̱ta̱ David kii̱ꞌ xinuꞌ ra̱ nuu̱ꞌ siꞌe̱ ra̱ Absalón.
3
Tákuiꞌe Yahvé,
ni̱ ku̱u̱ kuaꞌa̱ꞌ va̱ te̱ yivi̱ꞌ ndasiꞌ yuꞌu̱,
te̱ kuaꞌa̱ꞌ va̱ te̱ yivi̱ꞌ kuni ka̱ꞌni̱ꞌ yuꞌu̱.
2 Kuaꞌa̱ꞌ va̱ tu̱ ne̱ yivi̱ꞌ kaꞌán xaꞌa̱ꞌ i̱ ndii:
“Sä̱kakú Ndiosí te̱ kaa̱ꞌ”,
katyi ni̱a̱.
Selah
3 Ndisu̱ yoꞌó,
Yahvé,
nduuꞌ nde̱e̱ naa ka̱a̱ tiꞌeꞌ ña̱ tiasi yuꞌu̱ nuu̱ꞌ ña̱ i̱yo̱ sa̱a̱ xinundu̱u̱ xi̱i̱nꞌ i̱ miiꞌ ka̱ kuaꞌa̱n i̱.
Te̱ su̱vi̱ tu̱ u̱nꞌ nduuꞌ ña̱ kiꞌinꞌ kaꞌnuꞌ yuꞌu̱,
te̱ nataxiꞌ tukuuꞌ u̱nꞌ ña̱ kaꞌnuꞌ i̱ nda̱ꞌaꞌ i̱.
4 Ni̱ kaꞌa̱n ndaꞌvi tiꞌeꞌ i̱ xiinꞌ Yahvé,
te̱ ni̱ na̱ku̱i̱i̱n a̱ ña̱ kaꞌán i̱ xiinꞌ a̱ nde̱e̱ miiꞌ iinꞌ i̱kuꞌ su̱ꞌu̱n,
ña̱ nduuꞌ kuenta a̱.
Selah
5 Ni̱ na̱ka̱nduꞌu̱ꞌ i̱,
te̱ ni̱ kixi̱n i̱,
te̱ ni̱ ndo̱to̱ tu̱ i̱ sa̱kanꞌ ña̱ Yahvé xitoꞌ yuꞌu̱.
6 Kuäsa̱ꞌ yiꞌvi i̱ tee̱ꞌ ndee kuaꞌa̱ꞌ va̱ mií te̱ xíinꞌ ku̱nu̱ndu̱u̱ sa̱a̱ kuaꞌa̱n xi̱i̱nꞌ i̱,
te̱ kuni ka̱ꞌni̱ꞌ ra̱ yuꞌu̱.
7 Tákuiꞌe Yahvé,
Ndiosí ña̱ xakaꞌnuꞌ i̱,
ni̱a̱ꞌa̱ kiꞌi̱ꞌ te̱ sa̱kakú u̱nꞌ yuꞌu̱,
sa̱ꞌndiaꞌ kiꞌi̱ꞌ nuu̱ꞌ sa̱kuuꞌ te̱ ndasiꞌ yuꞌu̱,
te̱ kaꞌnu̱ u̱nꞌ sa̱kuuꞌ nu̱ꞌu̱ te̱ xaaꞌ ña̱ ni̱a̱ꞌa xiinꞌ i̱.
8 Yahvé,
i̱i̱n nda̱a̱ꞌ yoꞌó ku̱i̱ti̱ꞌ nduuꞌ ña̱ sakakú ne̱ yivi̱ꞌ,
te̱ na sañuꞌuꞌ u̱nꞌ sa̱kuuꞌ ne̱ nduuꞌ kuenta u̱nꞌ.
Selah