Yoꞌoꞌ kaꞌán a̱ xaꞌa̱ꞌ ña̱ ni̱ ta̱xi̱ rey Artajerje kuꞌu̱n Nehemías ñu̱u̱ Jerusalén te̱ nda̱sa̱va̱ꞌa̱ ra̱ a̱
2
1 Untaꞌ, yoo̱ꞌ Nisán kii̱ꞌ xa̱ kuaꞌa̱n oko̱ kuiya̱ ña̱ xaꞌndia tyuunꞌ rey Artajerje, te̱ ni̱ ki̱ꞌi̱n i̱ vino, te̱ ni̱ ta̱a̱nꞌ i̱ raꞌ ti̱xi̱n copa ni̱ ta̱xi̱ i̱ nda̱ꞌaꞌ ra̱ ko̱ꞌo̱ ra̱. Te̱ xaꞌa̱ꞌ a̱ ña̱ köo̱ꞌ kivi̱ꞌ ni̱ xi̱ni̱ rey ja̱a̱nꞌ ña̱ sutyiꞌ i̱ni̱ yuꞌu̱ nde̱e̱ i̱i̱n kivi̱ꞌ te̱ ni̱ xaꞌa̱n i̱ nuu̱ꞌ ra̱, 2 na ni̱ kaꞌa̱n ra̱ xiinꞌ i̱ ndii:
―¿Ndiotyun na ndaꞌvi nia kuni u̱nꞌ?
Tuu yuꞌu̱ xitoꞌ i̱ ña̱ kuäsa̱ꞌ kuni ku̱vi̱ u̱nꞌ.
Kueinꞌ yoo i̱i̱n nuu̱ꞌ tu̱ndoꞌo̱ꞌ ña̱ sa̱ndiꞌni̱ nimá u̱nꞌ ―ni̱ katyi̱ ra̱.
―Kaꞌán nimá i̱,
rey,
ña̱ ku̱ti̱a̱ku̱ u̱nꞌ nde̱e̱ ndiꞌiꞌ ni̱ kivi̱ꞌ.
Ña̱ nda̱ku xna̱ꞌa̱ nduuꞌ a̱ ndii,
sutyiꞌ xa̱va̱ꞌa̱ i̱ni̱ i̱ sa̱kanꞌ ña̱ ñu̱u̱ miiꞌ ni̱ na̱taa̱nꞌ ndu̱ yu̱vaꞌ si̱ꞌiꞌ i̱ ndii,
xa̱ ni̱ nduxi̱n ndo̱o̱ a̱,
te̱ xa̱ ni̱ ndi̱ꞌi̱ ndo̱o̱ tu̱ yiꞌeꞌ a̱ ni̱ xixi̱ ni̱ xa̱a̱ ñuꞌu̱ ―ni̱ katyi̱ i̱.
4 Sa̱kanꞌ te̱ ni̱ kaꞌa̱n rey xiinꞌ i̱ ndii:
―¿Sa̱a̱ ku̱vi̱ tyi̱ndi̱e̱eꞌ yuꞌu̱ yoꞌó?
―ni̱ katyi̱ ra̱.
Sa̱kanꞌ te̱ ni̱ kaꞌa̱n i̱ xiinꞌ Ndiosí,
nduꞌu̱ꞌ ndi̱viꞌ,
xiinꞌ nimá i̱,
5 ndi̱ꞌi̱ ja̱a̱nꞌ,
te̱ ni̱ na̱ku̱i̱i̱n i̱ kaꞌán i̱ xiinꞌ rey ndii:
―Tákuiꞌe,
ña̱ kaꞌnuꞌ,
naaꞌ va̱ꞌa̱ yoo a̱ tuu yoꞌó,
te̱ naaꞌ va̱ꞌa̱ tu̱ kuni u̱nꞌ xini u̱nꞌ yuꞌu̱,
te̱ xikaꞌ nuuꞌ nuu̱ꞌ u̱nꞌ ndii,
sa̱a̱ u̱nꞌ ña̱ va̱ꞌa̱ te̱ ta̱xi̱ u̱nꞌ kuꞌu̱n i̱ nuu̱ꞌ ñu̱ꞌuꞌ Judá miiꞌ ñuꞌuꞌ ñu̱ꞌuꞌ ndeꞌi̱ ne̱ xíiꞌ ya̱taꞌ i̱,
te̱ nda̱sa̱va̱ꞌa̱ i̱ ñu̱u̱ ja̱a̱nꞌ ―ni̱ katyi̱ i̱ xiinꞌ ra̱.
6 Te̱ nduꞌu̱ꞌ tu̱ reina xi̱i̱nꞌ rey kii̱ꞌ sa̱kanꞌ.
Te̱ ni̱ nda̱tuꞌu̱nꞌ ra̱ yuꞌu̱ ndii:
―¿Sa̱a̱ taꞌan kivi̱ꞌ kuꞌu̱n u̱nꞌ?
Te̱ ¿a̱ma̱ vi̱ꞌ na̱ndi̱koꞌ u̱nꞌ?
―ni̱ katyi̱ ra̱.
Sa̱kanꞌ te̱ ni̱ kaꞌa̱n i̱ xiinꞌ ra̱ sa̱a̱ taꞌan kivi̱ꞌ kuꞌu̱n i̱ ñu̱u̱ ja̱a̱nꞌ,
te̱ ni̱ na̱ku̱i̱i̱n yu̱ꞌuꞌ ra̱ ña̱ kuꞌu̱n i̱.
7 Te̱ ni̱ kaꞌa̱n ka̱ i̱ xiinꞌ rey ndii:
―Tákuiꞌe,
ña̱ kaꞌnuꞌ va̱,
naaꞌ nakuitá u̱nꞌ xiinꞌ ña̱ xikán i̱ nuu̱ꞌ u̱nꞌ ndii,
sa̱a̱ u̱nꞌ ña̱ va̱ꞌa̱ te̱ ke̱ꞌi̱ u̱nꞌ i̱i̱n tu̱tu̱ ta̱xi̱ u̱nꞌ nda̱ꞌaꞌ i̱ kuꞌu̱n i̱ te̱ na̱ta̱xi̱ e̱ꞌ a̱ nda̱ꞌaꞌ te̱ xaꞌndia tyuunꞌ tu̱ku̱ taꞌviꞌ yu̱ꞌuꞌ i̱ti̱a̱ Éufrates,
xtoꞌniꞌ miiꞌ ketá ñu̱ꞌu̱,
te̱ ta̱xi̱ ra̱ xkaꞌndi̱a̱ i̱ i̱kanꞌ te̱ na̱xaa̱ i̱ nde̱e̱ nuu̱ꞌ ñu̱ꞌuꞌ Judá.
8 Te̱ sa̱a̱ u̱nꞌ ña̱ va̱ꞌa̱ te̱ ta̱xi̱ tu̱ u̱nꞌ i̱i̱n tu̱tu̱ nda̱ꞌaꞌ i̱ te̱ sa̱na̱kuaꞌa i̱ a̱ nda̱ꞌaꞌ Asaf,
te̱ xitoꞌ kuꞌu̱ xi̱xa̱ miiꞌ xikaꞌ u̱nꞌ rey,
te̱ ta̱xi̱ ra̱ ka̱ꞌndi̱a̱ i̱ i̱tunꞌ,
tunꞌ kuní nuu̱ꞌ i̱ te̱ nda̱sa̱va̱ꞌa̱ i̱ yiꞌeꞌ nama̱ ñu̱u̱ Jerusalén,
xiinꞌ vitu̱ꞌ yiꞌeꞌ yu̱kunꞌ kaꞌnuꞌ,
xiinꞌ yiꞌeꞌ vi̱ꞌe̱ miiꞌ ku̱nduꞌu̱ꞌ mi̱iꞌ i̱ ―ni̱ katyi̱ i̱ xiinꞌ ra̱.
Te̱ ni̱ xi̱i̱n rey ta̱xi̱ ra̱ sa̱kuuꞌ ña̱ ni̱ xika̱n i̱ nuu̱ꞌ ra̱,
sa̱kanꞌ ña̱ mi̱iꞌ Ndiosí ni̱ tyi̱ndi̱e̱eꞌ yuꞌu̱ xaꞌa̱ꞌ a̱ ña̱ kuvita i̱ni̱ a̱ xaꞌa̱ꞌ i̱.
9 Sa̱kanꞌ te̱ ni̱ ke̱ta̱ i̱ kuaꞌa̱n i̱ miiꞌ ndieeꞌ te̱ xaꞌndia tyuunꞌ,
te̱ ndieeꞌ tu̱ku̱ taꞌviꞌ yu̱ꞌuꞌ i̱ti̱a̱ Éufrates,
xtoꞌniꞌ miiꞌ ketá ñu̱ꞌu̱,
te̱ ni̱ na̱ta̱xi̱ i̱ nda̱ꞌaꞌ ra̱ tu̱tu̱ ña̱ ni̱ ti̱ꞌviꞌ rey ja̱a̱nꞌ.
Te̱ ni̱ ta̱xi̱ tu̱ rey kiꞌinꞌ te̱ xíinꞌ kuuꞌ nu̱uꞌ kuaꞌa̱n xiinꞌ i̱,
te̱ kuaꞌa̱n tu̱ kiꞌinꞌ te̱ xíinꞌ te̱ yoso̱ꞌ kuei xitoꞌ ra̱ yuꞌu̱.
10 Ndisu̱ kii̱ꞌ ni̱ xi̱ni̱ Sambalat,
te̱ ñu̱u̱ Horón,
xiinꞌ Tobías,
te̱ xaꞌndia tyuunꞌ kuuꞌ nu̱uꞌ nuu̱ꞌ te̱ vi̱ꞌe̱ amonita,
kuento xaꞌa̱ꞌ ña̱ ni̱ xa̱a̱ i̱ te̱ tyi̱ndi̱e̱eꞌ i̱ ne̱ vi̱ꞌe̱ Israel,
ne̱ taꞌanꞌ i̱ ndii,
ni̱ na̱saa̱ꞌ xa̱va̱ꞌa̱ ra̱.
Yoꞌoꞌ kaꞌán a̱ xaꞌa̱ꞌ ña̱ na̱ka̱sa̱ꞌa̱ Nehemías nama̱ ñu̱u̱ Jerusalén
11 Te̱ kii̱ꞌ ni̱ xa̱a̱ i̱ ñu̱u̱ Jerusalén ndii,
ni̱ ndiatu̱ i̱ uni̱ taꞌan kivi̱ꞌ,
12 te̱ ni̱ ndo̱koo̱ i̱ ñu̱u xiinꞌ i̱i̱n uvi̱ te̱ yivi̱ꞌ,
ndisu̱ nï̱ kaꞌa̱n i̱ xiinꞌ nde̱e̱ i̱i̱n te̱ ndieeꞌ ñu̱u̱ ja̱a̱nꞌ ña̱ ni̱ sa̱kaꞌán Ndiosí nimá i̱ sa̱a̱ i̱ xaꞌa̱ꞌ ñu̱u̱ Jerusalén.
Te̱ i̱i̱n nda̱a̱ꞌ soꞌoꞌ mburru,
tiꞌ yoso̱ꞌ yuꞌu̱,
ku̱i̱ti̱ꞌ ndiakaꞌ ndu̱ kuaꞌa̱n ndu̱,
sa̱kanꞌ ña̱ te̱ yivi̱ꞌ ja̱a̱nꞌ ndii,
kuaꞌa̱n xaꞌaꞌ ra̱.
13 Xa̱ ñu̱u sa̱kanꞌ tu̱ ni̱ ke̱ta̱ i̱ yiꞌeꞌ ña̱ naniꞌ Yo̱soꞌ,
xtoꞌniꞌ miiꞌ naá mi̱ni̱ siee ña̱ naniꞌ Dragón ya̱ti̱n yooꞌ yiꞌeꞌ ña̱ naniꞌ Miiꞌ Xitíá Mi̱ꞌiꞌ,
te̱ ni̱ xi̱to̱ ndiꞌi̱ i̱ kaniiꞌ nama̱ ñu̱u̱ Jerusalén ña̱ xa̱ ni̱ ndu̱va̱ ndo̱o̱ a̱,
te̱ ni̱ xi̱ni̱ tu̱ i̱ ña̱ xa̱ ni̱ xixi̱ ndo̱o̱ tu̱ vitu̱ꞌ yiꞌeꞌ a̱ ni̱ xa̱a̱ ñuꞌu̱.
14 Ndi̱ꞌi̱ ja̱a̱nꞌ te̱ ni̱ xaꞌa̱n i̱ miiꞌ yooꞌ i̱i̱n yiꞌeꞌ naniꞌ Ti̱ko̱ꞌyoꞌ,
te̱ ni̱ xkaꞌndi̱a̱ i̱ miiꞌ naá mi̱ni̱ siee ña̱ naniꞌ Rey,
ndisu̱ nï̱ ku̱vi̱ xkaꞌndi̱a̱ i̱ xiinꞌ mburru,
tiꞌ yoso̱ꞌ i̱,
kuaꞌa̱n i̱ i̱kanꞌ.
15 Sa̱kanꞌ na kuiiꞌ kusaaꞌ ti̱kuiin ka̱ te̱ ni̱ ka̱a̱ i̱ yu̱ꞌuꞌ yivi̱ kuaꞌa̱n i̱,
te̱ xitoꞌ ndiꞌi̱ i̱ miiꞌ ni̱ ndu̱va̱ nama̱ ñu̱u̱ ja̱a̱nꞌ,
ndi̱ꞌi̱ ja̱a̱nꞌ te̱ ni̱ na̱ndi̱koꞌ i̱,
te̱ ni̱ xkaꞌndi̱a̱ i̱ miiꞌ iinꞌ yiꞌeꞌ ña̱ naniꞌ Yo̱soꞌ.
16 Te̱ nï̱ xi̱ni̱ te̱ xaꞌndia tyuunꞌ i̱kanꞌ miiꞌ ni̱ xaꞌa̱n i̱,
ni̱ nde̱e̱ nï̱ xi̱ni̱ tu̱ ra̱ yo̱o̱ nduuꞌ a̱ ni̱ xaꞌa̱n xa̱a̱ i̱.
Sa̱kanꞌ ña̱ tiäa̱ꞌan kaꞌa̱n i̱ xiinꞌ nde̱e̱ i̱i̱n te̱ taꞌanꞌ i̱,
te̱ kuuꞌ kaꞌnuꞌ,
ña̱ xaaꞌ i̱,
ni̱ nde̱e̱ xiinꞌ sutu̱,
ni̱ nde̱e̱ xiinꞌ te̱ kuuꞌ nu̱uꞌ,
ni̱ nde̱e̱ xiinꞌ te̱ xaꞌndia tyuunꞌ,
ni̱ nde̱e̱ xiinꞌ sa̱kuuꞌ te̱ xatyuunꞌ miiꞌ kuaꞌa yu̱kunꞌ kaꞌnuꞌ ñu̱u̱ ja̱a̱nꞌ.
17 Sa̱kanꞌ na ni̱ kaꞌa̱n i̱ xiinꞌ te̱ ja̱a̱nꞌ ndii:
―Ndoꞌó nduuꞌ ne̱ xiní kaxiꞌ ka̱ sa̱kuuꞌ nuu̱ꞌ ña̱ ndoꞌoꞌ yooꞌ,
ku̱a̱tyi̱ ndii xa̱ ni̱ nduxi̱n ndo̱o̱ ñu̱u̱ Jerusalén yoꞌoꞌ,
te̱ xa̱ ni̱ xixi̱ ndo̱o̱ tu̱ yiꞌeꞌ a̱ ni̱ xa̱a̱ ñuꞌu̱.
Xaꞌa̱ꞌ a̱ ja̱a̱nꞌ na kuiiꞌ ndu̱i̱i̱n e̱ꞌ te̱ na̱ka̱sa̱ꞌa̱ xa̱aꞌ e̱ꞌ nama̱ ña̱ ndasi i̱ꞌnu̱ ñu̱u̱ e̱ꞌ,
Jerusalén yoꞌoꞌ,
sa̱kanꞌ te̱ köo̱ꞌ sa̱ndi̱ꞌi̱ ka̱ xiinꞌ e̱ꞌ ―ni̱ katyi̱ i̱.
18 Sa̱kanꞌ te̱ ni̱ kaꞌa̱n i̱ xiinꞌ sa̱kuuꞌ te̱ yivi̱ꞌ ja̱a̱nꞌ sa̱a̱ ni̱ tyi̱ndi̱e̱eꞌ Ndiosí yuꞌu̱,
te̱ ni̱ kaꞌa̱n tu̱ i̱ xiinꞌ ra̱ sa̱kuuꞌ ña̱ ni̱ kaꞌa̱n rey xiinꞌ i̱.
Te̱ ni̱ kaꞌa̱n sa̱kuuꞌ ra̱ xiinꞌ i̱ ndii:
―Toꞌo̱ꞌ kiꞌi̱ꞌ e̱ꞌ te̱ xa̱ꞌaꞌ e̱ꞌ na̱ka̱sa̱ꞌa̱ e̱ꞌ nama̱ ñu̱u̱ Jerusalén yoꞌoꞌ ―ni̱ katyi̱ ra̱.
Xa̱kaꞌán e̱ꞌ sa̱kanꞌ te̱ va̱ꞌa̱ xa̱va̱ꞌa̱ kuni sa̱kuuꞌ ra̱ ni̱ xa̱ꞌaꞌ ra̱ xatyuunꞌ ra̱.
19 Ndisu̱ kii̱ꞌ ni̱ xi̱ni̱ Sambalat,
te̱ ñu̱u̱ Horón,
xiinꞌ Tobías,
te̱ xaꞌndia tyuunꞌ nuu̱ꞌ te̱ vi̱ꞌe̱ amonita,
xiinꞌ Gesem,
te̱ árabe ndii,
ni̱ xa̱ndi̱ꞌi̱ ra̱ xiinꞌ ndu̱ kaꞌán ityi̱ ra̱ ndatuꞌúnꞌ ra̱ ndii:
―¿Yo̱o̱ nduuꞌ a̱ xaaꞌ ndoꞌó?
¿Ñáá xanini ndo̱ꞌ na̱kuita̱ teiꞌ ndo̱ꞌ nuu̱ꞌ rey?
―ni̱ katyi̱ ra̱.
20 Sa̱kanꞌ te̱ ni̱ kaꞌa̱n i̱ xiinꞌ ra̱ ndii:
―Ndiosí,
ña̱ nduꞌu̱ꞌ ndi̱viꞌ,
tyi̱ndi̱e̱eꞌ nduꞌu̱ te̱ saxinu̱ ndu̱ tyu̱u̱n yoꞌoꞌ,
sa̱kanꞌ ña̱ te̱ xikaꞌ nuuꞌ nuu̱ꞌ a̱ nduuꞌ ndu̱,
te̱ vi̱ti̱n xa̱ꞌaꞌ ndu̱ nda̱sa̱va̱ꞌa̱ ndu̱ nama̱ ñu̱u̱ yoꞌoꞌ.
Te̱ ndoꞌó ndii,
köo̱ꞌ nde̱e̱ i̱i̱n xaꞌa̱ꞌ ña̱ tyi̱ꞌni̱ xiinꞌ miiꞌ ndo̱ꞌ yoꞌoꞌ,
ni̱ nde̱e̱ köo̱ꞌ tu̱ nde̱e̱ i̱i̱n nde̱iꞌ ki̱xi̱n ko̱to̱ ndo̱ꞌ,
ni̱ nde̱e̱ näkaꞌanꞌ tu̱ ndo̱ꞌ xaꞌa̱ꞌ ña̱ ni̱ ndo̱ꞌo̱ ñu̱u̱ Jerusalén yoꞌoꞌ ―ni̱ katyi̱ i̱.