So̱ꞌo̱ ni̱ xa̱a̱ a̱ kii̱ꞌ ni̱ na̱ku̱ni̱ taꞌanꞌ Booz xiinꞌ Rut miiꞌ xikaꞌ ra̱
3
Untaꞌ ni̱ kaꞌa̱n Noemí xiinꞌ Rut,
xa̱nu̱ aꞌ ndii:
―Si̱ꞌiꞌ miiꞌ i̱,
tuu yuꞌu̱ ndii,
kande̱iꞌ ndu̱kuꞌ i̱ i̱i̱n te̱ yivi̱ꞌ te̱ tu̱ndaꞌa̱ꞌ xiinꞌ u̱nꞌ,
te̱ ko̱o̱ vi̱ꞌe̱ mi̱iꞌ u̱nꞌ,
te̱ na̱ku̱nduꞌu̱ꞌ va̱ꞌa̱ u̱nꞌ.
2 Va̱ꞌa̱,
Booz,
te̱ xiinꞌ ñu̱ꞌuꞌ miiꞌ ni̱ naa̱ u̱nꞌ xatyuunꞌ u̱nꞌ xiinꞌ ña̱ꞌaꞌ,
ne̱ xatyuunꞌ nuu̱ꞌ ra̱ ndii,
te̱ i̱i̱n kuuꞌ xiinꞌ e̱ꞌ nduuꞌ ra̱.
Te̱ ja̱a̱nꞌ ndii,
ñu̱u vi̱ti̱n kuꞌu̱n ra̱ miiꞌ xikaꞌ ra̱,
te̱ sa̱koyó ra̱ ndi̱kinꞌ cebada.
3 Kuaꞌan te̱ ku̱tyi̱ u̱nꞌ,
te̱ sa̱ka̱ꞌ u̱nꞌ ti̱kui xavixínꞌ i̱i̱nꞌ u̱nꞌ,
te̱ na̱kuiꞌnu̱ u̱nꞌ soo̱ꞌ ti̱koo̱ꞌ va̱ꞌa̱ ka̱ ña̱ kumiꞌ u̱nꞌ,
te̱ kuꞌu̱n u̱nꞌ miiꞌ naá ra̱ ja̱a̱nꞌ.
Ndisu̱ tä̱xi̱ u̱nꞌ ku̱ni̱ ra̱ yoꞌó nde̱e̱ ska̱tyiꞌ ndi̱ꞌi̱ ku̱xi̱ ra̱ te̱ ko̱ꞌo̱ ra̱.
4 Te̱ kii̱ꞌ kuꞌu̱n kusu̱n ra̱ ndii,
tyu̱nxaꞌaꞌ u̱nꞌ miiꞌ na̱ka̱nduꞌu̱ꞌ ra̱,
te̱ kuꞌu̱n u̱nꞌ,
te̱ sa̱nu̱ndiaꞌá u̱nꞌ ti̱ka̱tyiꞌ xaꞌa̱ꞌ ra̱,
te̱ na̱ka̱nduꞌu̱ꞌ u̱nꞌ i̱kanꞌ.
Te̱ mi̱iꞌ te̱ ja̱a̱nꞌ kaꞌa̱n xiinꞌ u̱nꞌ ndee ña̱ kuní a̱ sa̱a̱ u̱nꞌ ―ni̱ katyi̱ aꞌ.
5 Sa̱kanꞌ te̱ ni̱ kaꞌa̱n Rut xiinꞌ aꞌ ndii:
―Sa̱a̱ i̱ sa̱kuuꞌ ña̱ ni̱ kaꞌa̱n tyuunꞌ u̱nꞌ xiinꞌ i̱ ja̱a̱nꞌ ―ni̱ katyi̱ aꞌ.
6 Sa̱kanꞌ te̱ ni̱ ke̱ta̱ aꞌ kuaꞌa̱n aꞌ miiꞌ naá Booz ja̱a̱nꞌ,
te̱ ni̱ sa̱xinú aꞌ sa̱kuuꞌ ña̱ ni̱ kaꞌa̱nꞌ tyuunꞌ ñaꞌ ti̱so̱ aꞌ ja̱a̱nꞌ xiinꞌ aꞌ.
7 Te̱ kii̱ꞌ ndi̱ꞌi̱ ni̱ xi̱xi̱ Booz,
te̱ ni̱ xi̱ꞌi̱ ra̱ ndii,
va̱ꞌa̱ va̱ ni̱ ku̱ni̱ nimá ra̱.
Sa̱kanꞌ te̱ ni̱ ke̱ta̱ ra̱ kuaꞌa̱n na̱ka̱nduꞌu̱ꞌ ra̱ kusu̱n ra̱ xi̱i̱nꞌ a̱ miiꞌ ndieeꞌ nu̱ꞌni̱ cebada ja̱a̱nꞌ.
Sa̱kanꞌ te̱ kuiee va̱ ni̱ xa̱a̱ Rut miiꞌ kanduꞌu̱ꞌ ra̱ ja̱a̱nꞌ,
te̱ ni̱ sa̱nu̱ndiaꞌá aꞌ ti̱ka̱tyiꞌ ndixinꞌ ra̱ xaꞌa̱ꞌ ra̱,
te̱ ni̱ na̱ka̱nduꞌu̱ꞌ aꞌ i̱kanꞌ.
8 Te̱ kii̱ꞌ ni̱ ku̱u̱ nañu̱u ndii,
ni̱ ndo̱to̱ Booz,
te̱ kii̱ꞌ ni̱ ndi̱ko̱ kuiín ra̱ ndii,
ni̱ xi̱ni̱ ra̱ kanduꞌu̱ꞌ i̱i̱n ña̱ꞌaꞌ xaꞌa̱ꞌ ra̱ miiꞌ kanduꞌu̱ꞌ ra̱ kixín ra̱.
9 Te̱ ni̱ kaꞌa̱n ra̱ xiinꞌ aꞌ ndii:
¿Yo̱o̱ nduuꞌ yoꞌó?
―ni̱ katyi̱ ra̱.
Te̱ ni̱ kaꞌa̱n aꞌ xiinꞌ ra̱ ndii:
―Rut,
ñaꞌ xikaꞌ nuuꞌ nuu̱ꞌ u̱nꞌ,
nduuꞌ i̱.
Yoꞌó nduuꞌ te̱ i̱i̱n kuuꞌ ya̱ti̱n ka̱ xiinꞌ i̱,
sa̱kanꞌ na kuiiꞌ kande̱iꞌ ko̱to̱ u̱nꞌ yuꞌu̱.
Sa̱a̱ u̱nꞌ ña̱ va̱ꞌa̱ te̱ ti̱saꞌvi̱ u̱nꞌ yuꞌu̱ xiinꞌ yu̱ꞌuꞌ ti̱ka̱tyiꞌ ndixinꞌ u̱nꞌ ñaa̱ꞌ ―ni̱ katyi̱ aꞌ.
10 Sa̱kanꞌ te̱ ni̱ kaꞌa̱n Booz xiinꞌ aꞌ ndii:
―Na sa̱ñuꞌuꞌ na Yahvé yoꞌó,
pi̱a̱ꞌun,
sa̱kanꞌ ña̱ ña̱ va̱ꞌa̱ ka̱ nduuꞌ ña̱ ni̱ xa̱a̱ u̱nꞌ vi̱ti̱n te̱ sa̱kanꞌ ña̱ ni̱ xa̱a̱ u̱nꞌ ña̱ nu̱uꞌ.
Sa̱kanꞌ ña̱ nï̱ xaꞌa̱n na̱ndu̱kuꞌ u̱nꞌ i̱i̱n te̱ sa̱va̱ ka̱ te̱ sa̱kanꞌ yuꞌu̱,
naaꞌ te̱ vikaꞌ nduuꞌ ra̱,
̱ uun naaꞌ te̱ ndaꞌvi kuuꞌ nduuꞌ ra̱.
11 Te̱ vi̱ti̱n ndii,
kuäa̱n yiꞌvi ka̱ u̱nꞌ,
pi̱a̱ꞌun,
sa̱kanꞌ ña̱ sa̱kuuꞌ ne̱ ñu̱u̱ yoꞌoꞌ xiní ña̱ i̱i̱n ña̱ꞌaꞌ,
ñaꞌ va̱ꞌa̱ nimá,
nduuꞌ u̱nꞌ,
sa̱kanꞌ na kuiiꞌ tyi̱ndi̱e̱eꞌ i̱ yoꞌó xiinꞌ yo̱o̱ ka̱ nduuꞌ ña̱ kaka̱n u̱nꞌ nuu̱ꞌ i̱.
12 Tee̱ꞌ ndee ña̱ nda̱ku nduuꞌ a̱ ña̱ te̱ i̱i̱n kuuꞌ xiinꞌ u̱nꞌ nduuꞌ i̱,
ndisu̱ yoo i̱nga̱ te̱ i̱i̱n kuuꞌ ya̱ti̱n ka̱ xiinꞌ u̱nꞌ te̱ sa̱kanꞌ yuꞌu̱.
13 Ku̱vi̱ ndoo̱ u̱nꞌ yoꞌoꞌ kusu̱n u̱nꞌ,
te̱ kii̱ꞌ kitu̱ꞌ te̱ ku̱ni̱ e̱ꞌ naaꞌ ku̱i̱i̱n i̱nga̱ te̱ i̱i̱n kuuꞌ xiinꞌ u̱nꞌ ja̱a̱nꞌ tyi̱ndi̱e̱eꞌ ra̱ yoꞌó.
Naaꞌ tyi̱ndi̱e̱eꞌ ra̱ yoꞌó ndii,
va̱ꞌa̱ yoo a̱.
Ndisu̱ naaꞌ kuï̱i̱nꞌ ra̱ ndii,
taxiꞌ i̱ kuento i̱ nuu̱ꞌ Yahvé ña̱ yuꞌu̱ tyi̱ndi̱e̱eꞌ yoꞌó.
Te̱ vi̱ti̱n ndii,
kanduꞌu̱ꞌ te̱ kusu̱n u̱nꞌ nde̱e̱ kitu̱ꞌ ―ni̱ katyi̱ ra̱.
14 Sa̱kanꞌ na i̱kanꞌ ni̱ ndoo̱ aꞌ ni̱ kixi̱n aꞌ ya̱ti̱n xaꞌa̱ꞌ ra̱ ja̱a̱nꞌ nde̱e̱ ni̱ kitu̱ꞌ.
Te̱ ni̱a̱ꞌa̱ va̱ kii̱ꞌ ñumaꞌ ka̱,
te̱ ni̱ ndo̱koo̱ aꞌ,
sa̱kanꞌ ña̱ ni̱ kaꞌa̱n Booz xiinꞌ nimá ra̱ ndii:
―Va̱ꞌa̱ ka̱ naaꞌ kü̱ni̱ nde̱e̱ i̱i̱n ne̱ yivi̱ꞌ ña̱ ni̱ ki̱xi̱n i̱i̱n ña̱ꞌaꞌ miiꞌ naá i̱ sakoyó i̱ ndi̱kinꞌ cebada yoꞌoꞌ ―ni̱ katyi̱ ra̱.
15 Te̱ ni̱ kaꞌa̱n ra̱ xiinꞌ aꞌ ndii:
―Ndi̱ka̱ toto̱ ña̱ ndisuku̱ꞌ u̱nꞌ,
te̱ ka̱ta̱ni̱ u̱nꞌ u̱n ―ni̱ katyi̱ ra̱.
Te̱ kii̱ꞌ ni̱ ndi̱ka̱ ñaꞌ ja̱a̱nꞌ toto̱ ja̱a̱nꞌ,
te̱ ni̱ ka̱ta̱ni̱ aꞌ nuu̱ꞌ ra̱ ndii,
ni̱ tyu̱ꞌu̱n ra̱ oko̱ kilo ndi̱kinꞌ cebada,
te̱ ni̱ ta̱a̱nꞌ ra̱ a̱ ti̱xi̱n toto̱ aꞌ ja̱a̱nꞌ,
i̱kanꞌ te̱ ni̱ ti̱a̱a̱ ra̱ a̱ xata̱ꞌ aꞌ,
te̱ ni̱ ke̱ta̱ aꞌ kuaꞌa̱n nuꞌu̱ꞌ aꞌ ñu̱u̱.
16 Te̱ kii̱ꞌ ni̱ xa̱a̱ aꞌ miiꞌ nduꞌu̱ꞌ ñaꞌ ti̱so̱ aꞌ,
te̱ ni̱ kaꞌa̱n ñaꞌ ja̱a̱nꞌ xiinꞌ aꞌ ndii:
―¿Sa̱a̱ ni̱ ke̱ta̱ u̱nꞌ miiꞌ ni̱ xaꞌa̱n u̱nꞌ,
si̱ꞌiꞌ i̱?
―ni̱ katyi̱ aꞌ.
Sa̱kanꞌ te̱ ni̱ xa̱ꞌaꞌ Rut kaꞌán aꞌ sa̱kuuꞌ ña̱ ni̱ xa̱a̱ Booz xaꞌa̱ꞌ aꞌ.
17 Te̱ ni̱ kaꞌa̱n ka̱ aꞌ ndii:
―Sa̱kuuꞌ ndi̱kinꞌ ña̱ oko̱ kilo yoꞌoꞌ ni̱ ta̱xi̱ ra̱ nda̱ꞌaꞌ i̱,
kaꞌán ra̱ xiinꞌ i̱ ndii:
“Ko̱ni̱ꞌi̱ ña̱ yo̱ꞌo̱ꞌ te̱ kü̱nuꞌu̱ꞌ nda̱ꞌaꞌ xikoꞌ u̱nꞌ vi̱ꞌe̱ ñaꞌ ti̱so̱ u̱nꞌ”,
ni̱ katyi̱ ra̱ xiinꞌ i̱ ―ni̱ katyi̱ aꞌ.
18 Sa̱kanꞌ te̱ ni̱ kaꞌa̱n Noemí xiinꞌ aꞌ ndii:
―Yoꞌoꞌ ndiatuꞌ u̱nꞌ,
si̱ꞌiꞌ miiꞌ i̱,
te̱ ku̱ni̱ e̱ꞌ nde̱e̱ ña̱ xkaꞌndi̱a̱.
Sa̱kanꞌ ña̱ tuu yuꞌu̱ ndii,
nä̱ndiee̱ꞌ te̱ yivi̱ꞌ ja̱a̱nꞌ nde̱e̱ ska̱tyiꞌ sa̱ku̱niani̱ ra̱ sakuuꞌ ña̱ ndoꞌoꞌ e̱ꞌ kaa̱ꞌ ―ni̱ katyi̱ aꞌ.