Yoꞌoꞌ kaꞌán a̱ xaꞌa̱ꞌ ñu̱u̱ ña̱ ni̱ ndoo̱ nda̱ꞌaꞌ ne̱ vi̱ꞌe̱ Leví
21
Sa̱kanꞌ te̱ ni̱ xaꞌa̱n te̱ kuuꞌ nu̱uꞌ nuu̱ꞌ i̱ꞌi̱n ti̱ꞌvi̱ ne̱ si̱a̱niꞌ xikaꞌ Leví nuu̱ꞌ sutu̱ kaꞌnuꞌ,
te̱ naniꞌ Eleazar,
xiinꞌ nuu̱ꞌ Josué,
siꞌe̱ Nun,
xiinꞌ nuu̱ꞌ sa̱kuuꞌ te̱ xi̱xa̱,
te̱ xaꞌndia tyuunꞌ nuu̱ꞌ i̱nga̱ ti̱ꞌvi̱ ne̱ Israel.
2 Ni̱ xaꞌa̱n ra̱ miiꞌ ndieeꞌ te̱ ja̱a̱nꞌ nde̱e̱ ñu̱u̱ Silo nuu̱ꞌ ñu̱ꞌuꞌ Canaán,
te̱ ni̱ kaꞌa̱n ra̱ ndii:
―Yahvé ni̱ kaꞌa̱n tyuunꞌ xiinꞌ Moisés ña̱ ta̱xi̱ ndo̱ꞌ ñu̱u̱ miiꞌ ku̱ndi̱e̱e̱ ndu̱,
te̱ ta̱xi̱ tu̱ ndo̱ꞌ ñu̱ꞌuꞌ a̱ miiꞌ ko̱o̱ kuꞌu̱ ka̱xi̱ꞌ ki̱tiꞌ sana̱ ndu̱ ―ni̱ katyi̱ ra̱.
3 Xaꞌa̱ꞌ a̱ ja̱a̱nꞌ na ni̱ ta̱xi̱ ne̱ Israel tyaaꞌ ñu̱u̱ xiinꞌ ñu̱ꞌuꞌ a̱,
ña̱ xa̱ ni̱ ndoo̱ nda̱ꞌaꞌ mi̱iꞌ ni̱a̱,
nda̱ꞌaꞌ ne̱ vi̱ꞌe̱ Leví ja̱a̱nꞌ sa̱a̱ niiꞌ xa̱ ni̱ kaꞌa̱n tyuunꞌ Yahvé ña̱ ñu̱ꞌuꞌ ja̱a̱nꞌ xiinꞌ sa̱kuuꞌ ñu̱ꞌuꞌ a̱ ndoo̱ nda̱ꞌaꞌ ne̱ ja̱a̱nꞌ ku̱ndu̱u̱ ña̱ꞌa̱ ni̱a̱.
4 Te̱ ñu̱ꞌuꞌ ña̱ ni̱ ka̱ti̱n nu̱uꞌ ra̱ ndii,
nda̱ꞌaꞌ ne̱ vi̱ꞌe̱ Coat,
ne̱ nduuꞌ si̱a̱niꞌ xikaꞌ sutu̱ Aarón,
te̱ nduuꞌ tu̱ ni̱a̱ ne̱ vi̱ꞌe̱ Leví,
ni̱ ndoo̱ a̱.
Te̱ uxi̱ uni̱ taꞌan kuuꞌ ñu̱u̱ ña̱ ni̱ ndoo̱ nda̱ꞌaꞌ ne̱ ja̱a̱nꞌ ña̱ sa̱kuuꞌ a̱,
te̱ kuenta ne̱ vi̱ꞌe̱ Judá,
xiinꞌ ne̱ vi̱ꞌe̱ Simeón,
xiinꞌ ne̱ vi̱ꞌe̱ Benjamín ni̱ nduu̱ sa̱kuuꞌ ñu̱u̱ ja̱a̱nꞌ.
5 Te̱ i̱nga̱ ti̱ꞌvi̱ ne̱ vi̱ꞌe̱ Coat kii̱ꞌ ni̱ ka̱ti̱n Josué ndii,
uxi̱ taꞌan ñu̱u̱ ña̱ nduuꞌ kuenta ne̱ vi̱ꞌe̱ Efraín,
xiinꞌ ne̱ vi̱ꞌe̱ Dan,
xiinꞌ taꞌvi̱ꞌ sa̱va̱ ne̱ vi̱ꞌe̱ Manasés ni̱ ndoo̱ nda̱ꞌaꞌ ni̱a̱.
6 Te̱ nda̱ꞌaꞌ ti̱ꞌvi̱ ne̱ si̱a̱niꞌ xikaꞌ Gersón kii̱ꞌ ni̱ ka̱ti̱n Josué ndii,
uxi̱ uni̱ taꞌan ñu̱u̱ ña̱ ñuꞌuꞌ nuu̱ꞌ ñu̱ꞌuꞌ Basán,
ña̱ nduuꞌ kuenta ne̱ vi̱ꞌe̱ Isacar,
xiinꞌ ne̱ vi̱ꞌe̱ Aser,
xiinꞌ ne̱ vi̱ꞌe̱ Neftalí,
xiinꞌ taꞌvi̱ꞌ sa̱va̱ ne̱ vi̱ꞌe̱ Manasés ni̱ na̱ta̱xi̱ Josué nda̱ꞌaꞌ ni̱a̱.
7 Te̱ nda̱ꞌaꞌ ti̱ꞌvi̱ ne̱ si̱a̱niꞌ xikaꞌ Merari ndii,
uxi̱ uvi̱ taꞌan ñu̱u̱ ña̱ nduuꞌ kuenta ne̱ vi̱ꞌe̱ Rubén,
xiinꞌ ne̱ vi̱ꞌe̱ Gad,
xiinꞌ ne̱ vi̱ꞌe̱ Zabulón ni̱ na̱ta̱xi̱ Josué nda̱ꞌaꞌ ni̱a̱.
8 Sa̱kanꞌ na kuiiꞌ ni̱ sa̱xinu̱ ne̱ vi̱ꞌe̱ Israel ña̱ ni̱ kaꞌa̱n tyuunꞌ Yahvé xiinꞌ Moisés,
te̱ xiinꞌ ña̱ kati̱n ni̱ ta̱xi̱ ni̱a̱ sa̱kuuꞌ ñu̱u̱ ja̱a̱nꞌ xiinꞌ ñu̱ꞌuꞌ a̱ nda̱ꞌaꞌ ne̱ vi̱ꞌe̱ Leví.
9 Te̱ ñu̱u̱ xiinꞌ ñu̱ꞌuꞌ ña̱ nduuꞌ kuenta si̱a̱niꞌ xikaꞌ Judá xiinꞌ ña̱ nduuꞌ kuenta ne̱ si̱a̱niꞌ xikaꞌ Simeón ni̱ na̱ta̱xi̱ Josué nda̱ꞌaꞌ
10 ne̱ vi̱ꞌe̱ Coat,
ne̱ nduuꞌ si̱a̱niꞌ xikaꞌ sutu̱ Aarón,
te̱ nduuꞌ tu̱ ni̱a̱ ne̱ vi̱ꞌe̱ Leví,
sa̱kanꞌ ña̱ ne̱ ja̱a̱nꞌ nduuꞌ ne̱ ni̱ ki̱e̱e̱ nu̱uꞌ kivi̱ꞌ ña̱ ne̱ꞌi̱ ni̱a̱ ñu̱ꞌuꞌ kii̱ꞌ ni̱ ka̱ti̱n ra̱ ñu̱ꞌuꞌ ja̱a̱nꞌ.
11 Te̱ yoꞌoꞌ ku̱a̱xi̱ kivi̱ꞌ ñu̱u̱ ña̱ ni̱ ne̱ꞌi̱ ni̱a̱:
ñu̱u̱ Quiriat-arba,
ña̱ naniꞌ tu̱ Hebrón,
ña̱ naá te̱i̱n i̱kuꞌ miiꞌ xikaꞌ ne̱ vi̱ꞌe̱ Judá,
ñu̱u̱ ja̱a̱nꞌ xiinꞌ ka̱niiꞌ ñu̱ꞌuꞌ ña̱ yoo sa̱a̱ xinunduu xi̱i̱nꞌ a̱.
Te̱ Arba ja̱a̱nꞌ ni̱ nduu̱ kivi̱ꞌ i̱i̱n te̱ xii̱ꞌ ya̱taꞌ ne̱ vi̱ꞌe̱ Anac.
12 Ndisu̱ ñu̱ꞌuꞌ miiꞌ kandiká ña̱ kanduꞌu̱ꞌ nuu̱ꞌ ñu̱u̱ xiinꞌ ñu̱u̱ kualiꞌ ña̱ ñuꞌuꞌ ya̱ti̱n ndii,
nda̱ꞌaꞌ Caleb,
siꞌe̱ Jefone,
ni̱ na̱ta̱xi̱ ra̱ ña̱ ja̱a̱nꞌ te̱ ku̱ndu̱u̱ a̱ ña̱ꞌa̱ ra̱.
13 Te̱ ñu̱u̱ ña̱ ni̱ na̱ta̱xi̱ Josué nda̱ꞌaꞌ ne̱ si̱a̱niꞌ xikaꞌ sutu̱ Aarón,
xiinꞌ ñu̱ꞌuꞌ a̱ ndii:
ñu̱u̱ Hebrón nduuꞌ a̱.
Te̱ ñu̱u̱ ja̱a̱nꞌ tu̱ nduuꞌ i̱i̱n ñu̱u̱ ña̱ ni̱ na̱ka̱xi̱n ra̱ ku̱ndi̱e̱e̱ yo̱o̱ ka̱ naaꞌ ni̱ xa̱ꞌni̱ꞌ kueinꞌ ni̱a̱ i̱i̱n ne̱ yivi̱ꞌ.
Te̱ ni̱ ta̱xi̱ tu̱ ra̱ ñu̱u̱ Libna xiinꞌ ñu̱ꞌuꞌ a̱,
14 xiinꞌ ñu̱u̱ Jatir xiinꞌ ñu̱ꞌuꞌ a̱,
xiinꞌ ñu̱u̱ Estemoa xiinꞌ ñu̱ꞌuꞌ a̱,
15 xiinꞌ ñu̱u̱ Holón xiinꞌ ñu̱ꞌuꞌ a̱,
xiinꞌ ñu̱u̱ Debir xiinꞌ ñu̱ꞌuꞌ a̱,
16 xiinꞌ ñu̱u̱ Aín xiinꞌ ñu̱ꞌuꞌ a̱,
xiinꞌ ñu̱u̱ Juta xiinꞌ ñu̱ꞌuꞌ a̱,
xiinꞌ ñu̱u̱ Bet-semes xiinꞌ ñu̱ꞌuꞌ a̱.
Te̱ íin sa̱aꞌ ñu̱u̱ kaa̱ꞌ xiinꞌ ñu̱ꞌuꞌ a̱ ndii,
kuenta ne̱ vi̱ꞌe̱ Judá xiinꞌ ne̱ vi̱ꞌe̱ Simeón nduuꞌ a̱,
te̱ ni̱ ta̱xi̱ ni̱a̱ a̱ nda̱ꞌaꞌ ne̱ si̱a̱niꞌ xikaꞌ sutu̱ Aarón ja̱a̱nꞌ.
17 Te̱ ñu̱u̱ xiinꞌ ñu̱ꞌuꞌ a̱,
ña̱ nduuꞌ kuenta ne̱ vi̱ꞌe̱ Benjamín,
ña̱ ni̱ na̱ta̱xi̱ Josué nda̱ꞌaꞌ ne̱ si̱a̱niꞌ xikaꞌ sutu̱ ja̱a̱nꞌ ndii,
ñu̱u̱ Gabaón xiinꞌ ñu̱ꞌuꞌ a̱,
xiinꞌ ñu̱u̱ Geba xiinꞌ ñu̱ꞌuꞌ a̱,
18 xiinꞌ ñu̱u̱ Anatot xiinꞌ ñu̱ꞌuꞌ a̱,
xiinꞌ ñu̱u̱ Almón xiinꞌ ñu̱ꞌuꞌ a̱ nduuꞌ a̱,
te̱ ku̱miꞌ saaꞌ ñu̱u̱ kaa̱ꞌ ni̱ ne̱ꞌi̱ ra̱.
19 Te̱ ña̱ sa̱kuuꞌ ñu̱u̱ ña̱ ni̱ ne̱ꞌi̱ sutu̱ si̱a̱niꞌ xikaꞌ Aarón ja̱a̱nꞌ ndii,
uxi̱ uni̱ taꞌan kuuꞌ ñu̱u̱ ja̱a̱nꞌ xiinꞌ ñu̱ꞌuꞌ a̱.
20 Te̱ i̱nga̱ ti̱ꞌvi̱ si̱a̱niꞌ xikaꞌ Leví,
ne̱ nduuꞌ ne̱ vi̱ꞌe̱ Coat ndii,
ñu̱u̱ xiinꞌ ñu̱ꞌuꞌ a̱,
ña̱ nduuꞌ kuenta ne̱ vi̱ꞌe̱ Efraín,
ni̱ na̱ta̱xi̱ Josué nda̱ꞌaꞌ ne̱ ja̱a̱nꞌ.
21 Te̱ ñu̱u̱ ña̱ ni̱ na̱ta̱xi̱ Josué nda̱ꞌaꞌ te̱ ja̱a̱nꞌ xiinꞌ ñu̱ꞌuꞌ a̱ ndii,
ñu̱u̱ Siquem xiinꞌ ñu̱ꞌuꞌ a̱,
ña̱ nduuꞌ kuenta ne̱ vi̱ꞌe̱ Efraín,
te̱ ñu̱u̱ ja̱a̱nꞌ tu̱ nduuꞌ i̱i̱n ñu̱u̱ ña̱ ni̱ na̱ka̱xi̱n ra̱ ku̱ndi̱e̱e̱ yo̱o̱ ka̱ naaꞌ ni̱ xa̱ꞌni̱ꞌ kueinꞌ ni̱a̱ i̱i̱n ne̱ yivi̱ꞌ,
xiinꞌ ñu̱u̱ Gezer xiinꞌ ñu̱ꞌuꞌ a̱.
22 xiinꞌ ñu̱u̱ Kibsaim xiinꞌ ñu̱ꞌuꞌ a̱,
xiinꞌ ñu̱u̱ Bet-horón xiinꞌ ñu̱ꞌuꞌ a̱ nduuꞌ a̱,
ku̱miꞌ sa̱aꞌ ñu̱u̱ ja̱a̱nꞌ xiinꞌ ñu̱ꞌuꞌ a̱.
23 Te̱ ñu̱u̱ ña̱ nduuꞌ kuenta ne̱ vi̱ꞌe̱ Dan xiinꞌ ñu̱ꞌuꞌ a̱ ña̱ ni̱ na̱ta̱xi̱ Josué nda̱ꞌaꞌ ne̱ si̱a̱niꞌ xikaꞌ sutu̱ ja̱a̱nꞌ ndii,
ñu̱u̱ Elteque xiinꞌ ñu̱ꞌuꞌ a̱,
xiinꞌ ñu̱u̱ Gibetón xiinꞌ ñu̱ꞌuꞌ a̱,
24 xiinꞌ ñu̱u̱ Ajalón xiinꞌ ñu̱ꞌuꞌ a̱,
xiinꞌ ñu̱u̱ Gat-rimón xiinꞌ ñu̱ꞌuꞌ a̱ nduuꞌ a̱.
Ku̱miꞌ sa̱aꞌ ñu̱u̱ ja̱a̱nꞌ xiinꞌ ñu̱ꞌuꞌ a̱.
25 Te̱ ñu̱u̱ ña̱ nduuꞌ kuenta taꞌvi̱ꞌ sa̱va̱ ne̱ vi̱ꞌe̱ Manasés xiinꞌ ñu̱ꞌuꞌ a̱,
ña̱ ni̱ na̱ta̱xi̱ Josué nda̱ꞌaꞌ ne̱ si̱a̱niꞌ xikaꞌ sutu̱ ja̱a̱nꞌ ndii,
ñu̱u̱ Taanac xiinꞌ ñu̱ꞌuꞌ a̱,
xiinꞌ ñu̱u̱ Gat-rimón xiinꞌ ñu̱ꞌuꞌ a̱ nduuꞌ a̱,
uvi̱ sa̱aꞌ ñu̱u̱ ja̱a̱nꞌ xiinꞌ ñu̱ꞌuꞌ a̱.
26 Sa̱kanꞌ na kuiiꞌ ña̱ sa̱kuuꞌ ñu̱u̱ xiinꞌ ñu̱ꞌuꞌ a̱,
ña̱ ni̱ na̱ta̱xi̱ Josué nda̱ꞌaꞌ ne̱ vi̱ꞌe̱ Coat ndii,
uxi̱ taꞌan kuuꞌ a̱ xiinꞌ ñu̱ꞌuꞌ a̱.
27 Te̱ ñu̱u̱ ña̱ ni̱ ta̱xi̱ Josué nda̱ꞌaꞌ ti̱ꞌvi̱ ne̱ si̱a̱niꞌ xikaꞌ Gersón,
ne̱ nduuꞌ ne̱ vi̱ꞌe̱ Leví xiinꞌ ñu̱ꞌuꞌ a̱,
ña̱ nduuꞌ kuenta taꞌvi̱ꞌ sa̱va̱ ne̱ vi̱ꞌe̱ Manasés ndii,
ñu̱u̱ Golán,
ña̱ kanduꞌu̱ꞌ nuu̱ꞌ ñu̱ꞌuꞌ Basán,
nduuꞌ a̱,
te̱ ñu̱u̱ ja̱a̱nꞌ tu̱ nduuꞌ i̱i̱n ñu̱u̱ ña̱ ni̱ na̱ka̱xi̱n Josué ku̱ndi̱e̱e̱ yo̱o̱ ka̱ naaꞌ ni̱ xa̱ꞌni̱ꞌ kueinꞌ ni̱a̱ i̱i̱n ne̱ yivi̱ꞌ,
xiinꞌ ñu̱u̱ Beestera xiinꞌ ñu̱ꞌuꞌ a̱ nduuꞌ a̱,
uvi̱ sa̱aꞌ ñu̱u̱ ja̱a̱nꞌ xiinꞌ ñu̱ꞌuꞌ a̱.
28 Te̱ ñu̱u̱,
ña̱ ni̱ ta̱xi̱ Josué nda̱ꞌaꞌ ti̱ꞌvi̱ ne̱ vi̱ꞌe̱ Leví xiinꞌ ñu̱ꞌuꞌ a̱,
ña̱ nduuꞌ kuenta ne̱ vi̱ꞌe̱ Isacar ndii,
ñu̱u̱ Cisón xiinꞌ ñu̱ꞌuꞌ a̱,
xiinꞌ ñu̱u̱ Daberat xiinꞌ ñu̱ꞌuꞌ a̱,
29 xiinꞌ ñu̱u̱ Jarmut xiinꞌ ñu̱ꞌuꞌ a̱,
xiinꞌ ñu̱u̱ En-ganim xiinꞌ ñu̱ꞌuꞌ a̱ nduuꞌ a̱,
ku̱miꞌ sa̱aꞌ ñu̱u̱ ja̱a̱nꞌ xiinꞌ ñu̱ꞌuꞌ a̱.
30 Te̱ ñu̱u̱ ña̱ ni̱ ta̱xi̱ Josué nda̱ꞌaꞌ ti̱ꞌvi̱ ne̱ si̱a̱niꞌ xikaꞌ ne̱ vi̱ꞌe̱ Leví xiinꞌ ñu̱ꞌuꞌ a̱,
ña̱ nduuꞌ kuenta ne̱ vi̱ꞌe̱ Aser ndii,
ñu̱u̱ Miseal xiinꞌ ñu̱ꞌuꞌ a̱,
xiinꞌ ñu̱u̱ Abdón xiinꞌ ñu̱ꞌuꞌ a̱,
31 xiinꞌ ñu̱u̱ Helcat xiinꞌ ñu̱ꞌuꞌ a̱,
xiinꞌ ñu̱u̱ Rehob xiinꞌ ñu̱ꞌuꞌ a̱ nduuꞌ a̱,
ku̱miꞌ sa̱aꞌ ñu̱u̱ ja̱a̱nꞌ xiinꞌ ñu̱ꞌuꞌ a̱.
32 Te̱ ñu̱u̱ ña̱ ni̱ ta̱xi̱ Josué nda̱ꞌaꞌ ti̱ꞌvi̱ ne̱ vi̱ꞌe̱ Leví xiinꞌ ñu̱ꞌuꞌ a̱,
ña̱ nduuꞌ kuenta ne̱ vi̱ꞌe̱ Neftalí ndii,
ñu̱u̱ Cedes,
ña̱ kanduꞌu̱ꞌ nuu̱ꞌ ñu̱ꞌuꞌ Galilea,
xiinꞌ ñu̱ꞌuꞌ a̱,
te̱ ñu̱u̱ ja̱a̱nꞌ tu̱ nduuꞌ i̱i̱n ñu̱u̱ ña̱ ni̱ na̱ka̱xi̱n ra̱ ku̱ndi̱e̱e̱ yo̱o̱ ka̱ naaꞌ ni̱ xa̱ꞌni̱ꞌ kueinꞌ ni̱a̱ i̱i̱n ne̱ yivi̱ꞌ,
xiinꞌ ñu̱u̱ Hamot-dor xiinꞌ ñu̱ꞌuꞌ a̱,
xiinꞌ ñu̱u̱ Cartán xiinꞌ ñu̱ꞌuꞌ a̱,
uni̱ sa̱aꞌ ñu̱u̱ ja̱a̱nꞌ xiinꞌ ñu̱ꞌuꞌ a̱.
33 Sa̱kanꞌ na kuiiꞌ ña̱ sa̱kuuꞌ ñu̱u̱ xiinꞌ ñu̱ꞌuꞌ a̱,
ña̱ ni̱ na̱ta̱xi̱ Josué nda̱ꞌaꞌ ne̱ vi̱ꞌe̱ Gersón ja̱a̱nꞌ ndii,
uxi̱ uni̱ taꞌan kuuꞌ a̱ xiinꞌ ñu̱ꞌuꞌ a̱.
34 Te̱ i̱nga̱ ti̱ꞌvi̱ ne̱ vi̱ꞌe̱ Leví,
ne̱ nduuꞌ ne̱ vi̱ꞌe̱ Merari ndii,
ni̱ ta̱xi̱ Josué nda̱ꞌaꞌ ra̱ ñu̱u̱ xiinꞌ ñu̱ꞌuꞌ,
ña̱ nduuꞌ kuenta ne̱ vi̱ꞌe̱ Zabulón,
ñu̱u̱ Jocneam xiinꞌ ñu̱ꞌuꞌ a̱,
xiinꞌ ñu̱u̱ Carta xiinꞌ ñu̱ꞌuꞌ a̱,
35 xiinꞌ ñu̱u̱ Dimna xiinꞌ ñu̱ꞌuꞌ a̱,
xiinꞌ ñu̱u̱ Naalal xiinꞌ ñu̱ꞌuꞌ a̱,
ku̱miꞌ sa̱aꞌ ñu̱u̱ ja̱a̱nꞌ xiinꞌ ñu̱ꞌuꞌ a̱.
36 Te̱ ñu̱u̱ ña̱ ni̱ ta̱xi̱ Josué nda̱ꞌaꞌ ti̱ꞌvi̱ ne̱ vi̱ꞌe̱ Leví xiinꞌ ñu̱ꞌuꞌ a̱,
ña̱ nduuꞌ kuenta ne̱ vi̱ꞌe̱ Rubén ndii,
ñu̱u̱ Beser xiinꞌ ñu̱ꞌuꞌ a̱,
xiinꞌ ñu̱u̱ Jahaza xiinꞌ ñu̱ꞌuꞌ a̱,
37 xiinꞌ ñu̱u̱ Cademot xiinꞌ ñu̱ꞌuꞌ a̱,
xiinꞌ ñu̱u̱ Mefaat xiinꞌ ñu̱ꞌuꞌ a̱,
ku̱miꞌ sa̱aꞌ ñu̱u̱ ja̱a̱nꞌ xiinꞌ ñu̱ꞌuꞌ a̱.
38 Te̱ ñu̱u̱ ña̱ ni̱ ta̱xi̱ Josué nda̱ꞌaꞌ ti̱ꞌvi̱ ne̱ vi̱ꞌe̱ Leví xiinꞌ ñu̱ꞌuꞌ a̱,
ña̱ nduuꞌ kuenta ne̱ vi̱ꞌe̱ Gad ndii,
ñu̱u̱ Ramot,
ña̱ kanduꞌu̱ꞌ nuu̱ꞌ ñu̱ꞌuꞌ Galaad xiinꞌ ñu̱ꞌuꞌ a̱.
Te̱ ñu̱u̱ ja̱a̱nꞌ tu̱ nduuꞌ i̱i̱n ñu̱u̱ ña̱ ni̱ na̱ka̱xi̱n ra̱ ku̱ndi̱e̱e̱ yo̱o̱ ka̱ naaꞌ ni̱ xa̱ꞌni̱ꞌ kueinꞌ ni̱a̱ i̱i̱n ne̱ yivi̱ꞌ,
xiinꞌ ñu̱u̱ Mahanaim xiinꞌ ñu̱ꞌuꞌ a̱,
39 xiinꞌ ñu̱u̱ Hesbón xiinꞌ ñu̱ꞌuꞌ a̱,
xiinꞌ ñu̱u̱ Jazer xiinꞌ ñu̱ꞌuꞌ a̱,
ku̱miꞌ sa̱aꞌ ñu̱u̱ ja̱a̱nꞌ xiinꞌ ñu̱ꞌuꞌ a̱.
40 Sa̱kanꞌ na kuiiꞌ ña̱ sa̱kuuꞌ ñu̱ꞌuꞌ ña̱ ni̱ ndoo̱ nda̱ꞌaꞌ ne̱ vi̱ꞌe̱ Merari ndii,
uxi̱ uvi̱ taꞌan kuuꞌ a̱.
41 Sa̱kanꞌ na kuiiꞌ ña̱ sa̱kuuꞌ ñu̱u̱ ña̱ ni̱ ndoo̱ nda̱ꞌaꞌ ne̱ vi̱ꞌe̱ Leví te̱i̱n ñu̱ꞌuꞌ,
ña̱ nduuꞌ kuenta ne̱ vi̱ꞌe̱ Israel,
ne̱ taꞌanꞌ ni̱a̱ ndii,
uvi̱ xi̱ko̱ uni̱a̱ kuuꞌ ñu̱u̱ xiinꞌ ñu̱ꞌuꞌ a̱.
42 Te̱ i̱ꞌi̱n ñu̱u̱ ja̱a̱nꞌ ndii,
xikaꞌ taꞌnuꞌ te̱ ñuꞌuꞌ i̱ꞌi̱n a̱,
te̱ xa̱ ni̱ yoo̱ xa̱ ni̱ yoo̱ ñu̱ꞌuꞌ i̱ꞌi̱n a̱ sa̱a̱ xinunduu xi̱i̱nꞌ a̱.
Yoꞌoꞌ saxinú Yahvé kuento a̱ ña̱ ni̱ ta̱xi̱ a̱ ñu̱ꞌuꞌ nda̱ꞌaꞌ ne̱ vi̱ꞌe̱ Israel ku̱ndi̱e̱e̱ ni̱a̱
43 Sa̱kanꞌ ni̱ xa̱a̱ Yahvé,
te̱ ni̱ ta̱xi̱ a̱ ka̱niiꞌ ñu̱ꞌuꞌ ja̱a̱nꞌ nda̱ꞌaꞌ ne̱ vi̱ꞌe̱ Israel ku̱ndu̱u̱ ña̱ꞌa̱ ni̱a̱,
ña̱ ni̱ ta̱xi̱ a̱ kuento nuu̱ꞌ te̱ xii̱ꞌ ya̱taꞌ ni̱a̱ ta̱xi̱ a̱ nda̱ꞌaꞌ ra̱,
te̱ ni̱ ne̱ꞌi̱ ni̱a̱ a̱,
te̱ ni̱ xi̱ku̱ndiee̱ ni̱a̱ nuu̱ꞌ a̱.
44 Te̱ ni̱ ta̱xi̱ Yahvé ña̱ ni̱ ndiee̱ mani̱ꞌ ni̱a̱ i̱i̱n ka̱niiꞌ nuu̱ꞌ ñu̱ꞌuꞌ ja̱a̱nꞌ sa̱a̱ niiꞌ ni̱ ta̱xi̱ a̱ kuento a̱ nuu̱ꞌ ne̱ xii̱ꞌ ya̱taꞌ ni̱a̱.
Te̱ nde̱e̱ i̱i̱n te̱ ndasiꞌ taꞌanꞌ xiinꞌ ni̱a̱ nï̱ ku̱vi̱ ka̱nandoo ña̱ꞌaꞌ,
sa̱kanꞌ ña̱ mi̱iꞌ Yahvé ni̱ tyi̱ndi̱e̱eꞌ ña̱ꞌaꞌ,
te̱ ni̱ ke̱ta̱ va̱ꞌa̱ ni̱a̱ xiinꞌ te̱ ndasiꞌ taꞌanꞌ xiinꞌ ni̱a̱ ja̱a̱nꞌ.
45 Te̱ ni̱ sa̱xinu̱ Yahvé sa̱kuuꞌ ña̱ va̱ꞌa̱ ña̱ ni̱ kaꞌa̱n a̱ ta̱xi̱ a̱ nda̱ꞌaꞌ ne̱ xii̱ꞌ ya̱taꞌ ne̱ vi̱ꞌe̱ Israel ja̱a̱nꞌ kii̱ꞌ ni̱ ta̱xi̱ a̱ kuento a̱ nuu̱ꞌ ni̱a̱,
te̱ nde̱e̱ i̱i̱n a̱ nï̱ na̱ko̱o̱ a̱.