Yoꞌoꞌ kaꞌán a̱ xaꞌa̱ꞌ ñu̱ꞌuꞌ ña̱ ni̱ ndoo̱ nda̱ꞌaꞌ ne̱ vi̱ꞌe̱ Judá
15
Te̱ ñu̱ꞌuꞌ ña̱ ni̱ ta̱xi̱ Josué nda̱ꞌaꞌ ne̱ vi̱ꞌe̱ Judá xiinꞌ ña̱ kati̱n sa̱a̱ ka̱ taꞌan kuuꞌ ni̱a̱ ndii,
nde̱e̱ xeꞌinꞌ ñu̱ꞌuꞌ Edom naxaá a̱,
te̱ naxaá tu̱ a̱ nde̱e̱ ndienu̱ miiꞌ i̱tyi kaaꞌ miiꞌ naniꞌ Zin.
2 Te̱ xeꞌinꞌ a̱ ña̱ yoo ndienu̱ ndii,
nakaá a̱ kuaꞌa̱n a̱ nde̱e̱ miiꞌ naá Mi̱ni̱ Uꞌva̱ nde̱e̱ miiꞌ yoo nda̱ꞌaꞌ a̱ ña̱ xtoꞌniꞌ ndienu̱.
3 Te̱ i̱kanꞌ neꞌiꞌ a̱ nakaá a̱ kuaꞌa̱n a̱ te̱ xkaꞌndíá nde̱e̱ nuu̱ꞌ ñu̱ꞌuꞌ ña̱ naniꞌ Acrabim,
te̱ i̱i̱n sa̱kanꞌ xkaꞌndíá a̱ tu̱ a̱ nde̱e̱ nuu̱ꞌ ñu̱ꞌuꞌ Zin.
Te̱ i̱kanꞌ neꞌiꞌ a̱ kuaꞌa̱n ka̱a̱ a̱ naxaá a̱ nde̱e̱ ñu̱u̱ Cades-barnea,
te̱ xkaꞌndíá a̱ nde̱e̱ ñu̱u̱ Hezrón,
te̱ i̱kanꞌ neꞌiꞌ a̱ kuaꞌa̱n ka̱a̱ a̱ nde̱e̱ ñu̱u̱ Adar,
te̱ i̱kanꞌ ndikoꞌ kuiín a̱ kuaꞌa̱n a̱ nde̱e̱ ñu̱u̱ Carca.
4 Te̱ i̱kanꞌ ni̱ ki̱e̱e̱ a̱ te̱ xkaꞌndíá a̱ nde̱e̱ ñu̱u̱ Asmón,
te̱ naxaá a̱ nde̱e̱ i̱ti̱a̱ ña̱ kuaꞌa̱n xeꞌinꞌ ñu̱ꞌuꞌ Egipto,
te̱ xaꞌa̱n ndi̱koꞌ a̱ nde̱e̱ mi̱ni̱ kaꞌnuꞌ ña̱ naniꞌ Mediterráneo.
Ña̱ ja̱a̱nꞌ nduuꞌ xeꞌinꞌ ñu̱ꞌuꞌ ra̱ ña̱ kuaꞌa̱n ndienu̱.
5 Te̱ xeꞌinꞌ ñu̱ꞌuꞌ ra̱ ña̱ kuaꞌa̱n xtoꞌniꞌ miiꞌ ketaꞌ ñu̱ꞌu̱ ndii,
sa̱a̱ kuaꞌa̱n yu̱ꞌuꞌ Mi̱ni̱ Uꞌva̱ xkaꞌndíá a̱ te̱ naxaá a̱ nde̱e̱ yu̱ꞌuꞌ miiꞌ ña̱ naá nuu̱ꞌ ñu̱ꞌuꞌ Galilea,
te̱ nduiinꞌ a̱ xiinꞌ miiꞌ naxinú i̱ti̱a̱ Jordán yu̱ꞌuꞌ mi̱ni̱ kaꞌnuꞌ ja̱a̱nꞌ.
Te̱ xeꞌinꞌ ñu̱ꞌuꞌ ra̱ ña̱ kuaꞌa̱n ndi̱e̱nu̱ ndii,
xa̱ꞌaꞌ a̱ nde̱e̱ nda̱ꞌaꞌ mi̱ni̱ uꞌva̱ miiꞌ naxinú i̱ti̱a̱ Jordán ja̱a̱nꞌ,
6 te̱ kuaꞌa̱n ka̱a̱ a̱ nde̱e̱ ñu̱u̱ Bet-hogla,
i̱kanꞌ te̱ ne̱ꞌi̱ a̱ kuaꞌa̱n ka̱a̱ a̱ ndi̱e̱nu̱ miiꞌ naá ñu̱u̱ Bet-arabá,
te̱ naxaá a̱ nde̱e̱ miiꞌ nduꞌu̱ꞌ ka̱va̱ꞌ ña̱ naniꞌ Bohán.
Te̱ Bohán ja̱a̱nꞌ ni̱ nduu̱ kivi̱ꞌ i̱i̱n tiaa̱ siꞌe̱ Rubén.
7 Te̱ i̱kanꞌ kieeꞌ a̱ te̱ xkaꞌndíá nde̱e̱ yo̱soꞌ Acor,
te̱ naxaá a̱ nde̱e̱ ñu̱u̱ Debir.
Te̱ i̱kanꞌ ndikoꞌ kuiín a̱ ndi̱e̱nu̱ te̱ kuaꞌa̱n a̱ nde̱e̱ ñu̱u̱ Gilgal ña̱ kanduꞌu̱ꞌ xtoꞌniꞌ miiꞌ xkaꞌndíá i̱tyiꞌ ña̱ kuaꞌa̱n ñu̱u̱ Adumín ña̱ kanduꞌu̱ꞌ yu̱ꞌuꞌ yivi̱.
Te̱ xkaꞌndíá a̱ nde̱e̱ ti̱ko̱ꞌyoꞌ ña̱ naniꞌ En-semes,
te̱ naxaá a̱ nde̱e̱ miiꞌ iinꞌ i̱nga̱ ka̱ ti̱ko̱ꞌyoꞌ ña̱ naniꞌ Rogel.
8 Sa̱kanꞌ te̱ xkaꞌndíá xeꞌinꞌ ja̱a̱nꞌ nde̱e̱ yo̱soꞌ miiꞌ xikaꞌ tiaa̱ siꞌe̱ Hinom xi̱i̱nꞌ a̱ ndienu̱ miiꞌ ndieeꞌ ne̱ vi̱ꞌe̱ jebuseo,
te̱ ña̱ ja̱a̱nꞌ nduuꞌ ñu̱u̱ Jerusalén.
Te̱ i̱kanꞌ kieeꞌ a̱ te̱ kuaꞌa̱n ka̱a̱ a̱ nde̱e̱ xíniꞌ i̱kuꞌ ña̱ itaꞌ xtoꞌniꞌ xi̱i̱nꞌ yo̱soꞌ Hinom xtoꞌniꞌ miiꞌ ketaꞌ ñu̱ꞌu̱.
Te̱ ndienu̱ ndii,
so̱ꞌo̱ kuaꞌa̱n na̱kaa̱ꞌ a̱ nde̱e̱ miiꞌ kanduꞌu̱ꞌ yo̱soꞌ ña̱ naniꞌ Refaim.
9 Te̱ xinunduu xeꞌinꞌ ja̱a̱nꞌ nde̱e̱ xíniꞌ i̱kuꞌ,
te̱ naxaá nde̱e̱ yu̱ꞌuꞌ ti̱ko̱ꞌyoꞌ ña̱ naniꞌ Neftoa.
Te̱ i̱kanꞌ kieeꞌ a̱ te̱ kuaꞌa̱n a̱ nde̱e̱ miiꞌ ñuꞌuꞌ ñu̱u̱ ña̱ ñuꞌuꞌ te̱i̱n i̱kuꞌ ña̱ naniꞌ Efrón,
te̱ xinunduu a̱ ñu̱u̱ Baala ña̱ naniꞌ tu̱ Quiriat-jearim.
10 Ndi̱ꞌi̱ ja̱a̱nꞌ te̱ ndikoꞌ kuiín xeꞌinꞌ ja̱a̱nꞌ nde̱e̱ ñu̱u̱ Baala ja̱a̱nꞌ,
te̱ kuaꞌa̱n a̱ nde̱e̱ xiki̱ꞌ Seir xtoꞌniꞌ miiꞌ ketá ñu̱ꞌu̱,
te̱ xkaꞌndíá ndi̱e̱nu̱ xi̱i̱nꞌ i̱kuꞌ ña̱ naniꞌ Jearim.
Te̱ xkaꞌndíá tu̱ a̱ nde̱e̱ miiꞌ naá ñu̱u̱ Quesalón,
te̱ nakaa̱ꞌ a̱ nde̱e̱ ñu̱u̱ Bet-semes,
te̱ xkaꞌndíá a̱ nde̱e̱ ñu̱u̱ Timna.
11 Te̱ i̱kanꞌ kieeꞌ a̱,
te̱ kuaꞌa̱n a̱ nde̱e̱ i̱kuꞌ ndi̱e̱nu̱ miiꞌ kanduꞌu̱ꞌ ñu̱u̱ Ecrón,
te̱ xinuduuꞌ a̱ xi̱i̱n ñu̱u̱ Sicrón,
te̱ xkaꞌndíá a̱ nde̱e̱ te̱i̱n i̱kuꞌ ñu̱u̱ Baala,
te̱ naxaá a̱ nde̱e̱ ñu̱u̱ Jabneel,
i̱kanꞌ te̱ naxinú a̱ nde̱e̱ mi̱ni̱ kaꞌnuꞌ ña̱ naniꞌ Mediterráneo.
12 Te̱ xeꞌinꞌ ña̱ yooꞌ miiꞌ ndiꞌiꞌ ndo̱so̱ꞌ xtoꞌniꞌ miiꞌ ketá ñu̱ꞌu̱ ndii,
mi̱ni̱ kaꞌnuꞌ ña̱ naniꞌ Mediterráneo nduuꞌ a̱.
So̱ꞌo̱ ni̱ xa̱a̱ a̱ kii̱ꞌ ka̱nandoo Caleb te̱ ndieeꞌ ñu̱u̱ Hebrón xiinꞌ te̱ ndieeꞌ ñu̱u̱ Debir
13 Te̱ ni̱ kaꞌa̱n tyuunꞌ Yahvé xiinꞌ Josué ña̱ ta̱xi̱ ra̱ tyaaꞌ ñu̱ꞌuꞌ ne̱ vi̱ꞌe̱ Judá nda̱ꞌaꞌ Caleb,
siꞌe̱ Jefone.
Te̱ ni̱ ta̱xi̱ ra̱ ñu̱u̱ Quiriat-arba,
ña̱ naniꞌ tu̱ Hebrón,
nda̱ꞌaꞌ te̱ ja̱a̱nꞌ.
Te̱ kivi̱ꞌ ñu̱u̱ ja̱a̱nꞌ ni̱ nduu̱ kivi̱ꞌ i̱i̱n te̱ xii̱ꞌ ya̱taꞌ te̱ vi̱ꞌe̱ Anac,
te̱ ni̱ na̱niꞌ tu̱ Arba.
14 Te̱ ni̱ ta̱xiꞌ Caleb uni̱ taꞌan ti̱ꞌvi̱ ne̱ si̱a̱niꞌ xikaꞌ Anac,
ne̱ ni̱ ndiee̱ ñu̱u̱ ja̱a̱nꞌ,
ne̱ vi̱ꞌe̱ Sesai,
xiinꞌ ne̱ vi̱ꞌe̱ Ahimán,
xiinꞌ ne̱ vi̱ꞌe̱ Talmai.
Te̱ sa̱kuuꞌ ne̱ ja̱a̱nꞌ ni̱ nduu̱ si̱a̱niꞌ xikaꞌ Anac.
15 Te̱ i̱kanꞌ ni̱ ke̱ta̱ ra̱ te̱ kuaꞌa̱n ka̱a̱ ra̱ te̱ ku̱ntaꞌanꞌ ra̱ xiinꞌ ne̱ ndieeꞌ ñu̱u̱ Debir,
te̱ ñu̱u̱ Debir ja̱a̱nꞌ xta̱ꞌanꞌ ndii,
Quiriat-sefer ni̱ na̱niꞌ a̱.
16 Sa̱kanꞌ te̱ ni̱ kaꞌa̱n Caleb ndii:
―Yo̱o̱ ka̱ kuꞌu̱n ku̱ntaꞌanꞌ xiinꞌ te̱ ndieeꞌ ñu̱u̱ Quiriat-sefer kaa̱ꞌ,
te̱ ka̱ꞌni̱ꞌ ndo̱o̱ ña̱ꞌaꞌ ra̱ ndii,
ta̱xi̱ i̱ ñaꞌ siꞌe̱ i̱ Acsa tu̱ndaꞌa̱ꞌ xiinꞌ ra̱ ―ni̱ katyi̱ ra̱.
17 Te̱ Otoniel,
siꞌe̱ Cenaz,
ña̱ni̱ Caleb nduuꞌ te̱ ni̱ xa̱ꞌni̱ꞌ te̱ ndieeꞌ ñu̱u̱ ja̱a̱nꞌ,
sa̱kanꞌ na kuiiꞌ nda̱ꞌaꞌ te̱ ja̱a̱nꞌ ni̱ ta̱xi̱ Caleb ñaꞌ siꞌe̱ ra̱ Acsa ku̱ndu̱u̱ ñaꞌ siꞌi ra̱.
18 Te̱ kii̱ꞌ ndi̱ꞌi̱ ni̱ tu̱ndaꞌa̱ꞌ ni̱a̱,
te̱ ni̱ ki̱e̱e̱ ni̱a̱ kuaꞌa̱n ni̱a̱ ndii,
ni̱ kaꞌa̱n Otoniel xiinꞌ aꞌ ña̱ kaka̱n aꞌ nuu̱ꞌ yu̱vaꞌ aꞌ ñu̱ꞌuꞌ miiꞌ sa̱tyuunꞌ ra̱.
Sa̱kanꞌ te̱ ni̱ nu̱u̱ aꞌ xata̱ꞌ mburru,
te̱ ni̱ kaꞌa̱n Caleb xiinꞌ aꞌ ndii:
―¿Yo̱o̱ nduuꞌ a̱ ndoꞌoꞌ u̱nꞌ?
―ni̱ katyi̱ ra̱.
19 Te̱ ni̱ na̱ku̱i̱i̱n aꞌ ndii:
―Kuni kaka̱n i̱ i̱nga̱ ña̱ va̱ꞌa̱ nuu̱ꞌ u̱nꞌ.
Xa̱ ni̱ ta̱xi̱ u̱nꞌ ñu̱ꞌuꞌ ñu̱u̱ Neguev nda̱ꞌaꞌ i̱,
ndisu̱ kuní tu̱ i̱ ña̱ ta̱xi̱ u̱nꞌ ñu̱ꞌuꞌ miiꞌ yoo ti̱ko̱ꞌyoꞌ nda̱ꞌaꞌ i̱ ―ni̱ katyi̱ aꞌ.
Sa̱kanꞌ te̱ ni̱ ta̱xi̱ Caleb nda̱ꞌaꞌ aꞌ ñu̱ꞌuꞌ miiꞌ yoo ti̱kui ni̱nu̱ xiinꞌ ninu̱.
Yoꞌoꞌ ku̱a̱xi̱ kivi̱ꞌ ñu̱u̱ miiꞌ ni̱ ta̱xi̱ Josué ku̱ndi̱e̱e̱ ne̱ vi̱ꞌe̱ Judá
20 Ña̱ yo̱ꞌo̱ꞌ nduuꞌ ñu̱ꞌuꞌ ña̱ ni̱ ndoo̱ nda̱ꞌaꞌ i̱ꞌi̱n ti̱ꞌvi̱ ne̱ vi̱ꞌe̱ Judá nduuꞌ ña̱ꞌa̱ ni̱a̱.
21 Te̱ sa̱kuuꞌ ñu̱u̱ ne̱ vi̱ꞌe̱ Judá,
ña̱ ñuꞌuꞌ sa̱a̱ kuaꞌa̱n xeꞌinꞌ ni̱a̱ ninu̱ miiꞌ naá ñu̱ꞌuꞌ Edom ndii:
ñu̱u̱ Cabseel,
xiinꞌ ñu̱u̱ Edar,
xiinꞌ ñu̱u̱ Jagur,
22 xiinꞌ ñu̱u̱ Cina,
xiinꞌ ñu̱u̱ Dimona,
xiinꞌ ñu̱u̱ Adada,
23 xiinꞌ ñu̱u̱ Cedes,
xiinꞌ ñu̱u̱ Hazor,
xiinꞌ ñu̱u̱ Itnán,
24 xiinꞌ ñu̱u̱ Zif,
xiinꞌ ñu̱u̱ Telem,
xiinꞌ ñu̱u̱ Bealot,
25 xiinꞌ ñu̱u̱ Hazor-hadata,
xiinꞌ ñu̱u̱ Queriot,
xiinꞌ ñu̱u̱ Hezrón,
(ña̱ naniꞌ tu̱ Hazor),
26 xiinꞌ ñu̱u̱ Amam,
xiinꞌ ñu̱u̱ Sema,
xiinꞌ ñu̱u̱ Molada,
27 xiinꞌ ñu̱u̱ Hazar-gada,
xiinꞌ ñu̱u̱ Hesmón,
xiinꞌ ñu̱u̱ Bet-pelet,
28 xiinꞌ ñu̱u̱ Hazar-sual,
xiinꞌ ñu̱u̱ Beerseba,
xiinꞌ ñu̱u̱ Bizotia,
29 xiinꞌ ñu̱u̱ Baala,
xiinꞌ ñu̱u̱ Iim,
xiinꞌ ñu̱u̱ Esem,
30 xiinꞌ ñu̱u̱ Eltolad,
xiinꞌ ñu̱u̱ Quesil,
xiinꞌ ñu̱u̱ Horma,
31 xiinꞌ ñu̱u̱ Siclag,
xiinꞌ ñu̱u̱ Madmana,
xiinꞌ ñu̱u̱ Sansana,
32 xiinꞌ ñu̱u̱ Lebaot,
xiinꞌ ñu̱u̱ Silhim,
xiinꞌ ñu̱u̱ Aín,
xiinꞌ ñu̱u̱ Rimón,
sa̱kuuꞌ oko̱ íin taꞌan ñu̱u̱ kaa̱ꞌ xiinꞌ sa̱kuuꞌ nda̱ꞌaꞌ a̱ ni̱ na̱ꞌi̱ ni̱a̱ nduuꞌ ña̱ꞌa̱ ni̱a̱.
33 Te̱ sa̱kuuꞌ ñu̱u̱ ne̱ vi̱ꞌe̱ Judá ña̱ ñuꞌuꞌ yo̱soꞌ ndii:
ñu̱u̱ Estaol,
xiinꞌ ñu̱u̱ Zora,
xiinꞌ ñu̱u̱ Asena,
34 xiinꞌ ñu̱u̱ Zanoa,
xiinꞌ ñu̱u̱ En-ganim,
xiinꞌ ñu̱u̱ Tapúa,
xiinꞌ ñu̱u̱ Enam,
35 xiinꞌ ñu̱u̱ Jarmut,
xiinꞌ ñu̱u̱ Adulam,
xiinꞌ ñu̱u̱ Soco,
xiinꞌ ñu̱u̱ Azeca,
36 xiinꞌ ñu̱u̱ Saaraim,
xiinꞌ ñu̱u̱ Aditaim,
xiinꞌ ñu̱u̱ Gedera,
xiinꞌ ñu̱u̱ Gederotaim,
sa̱kuuꞌ uxi̱ ku̱miꞌ saaꞌ ñu̱u̱ kaa̱ꞌ xiinꞌ sa̱kuuꞌ nda̱ꞌaꞌ a̱ ni̱ na̱ꞌi̱ ni̱a̱ nduuꞌ ña̱ꞌa̱ ni̱a̱.
37 Te̱ sa̱kanꞌ tu̱ ni̱ na̱ꞌi̱ ni̱a̱ ñu̱u̱ Zenán,
xiinꞌ ñu̱u̱ Hadasa,
xiinꞌ ñu̱u̱ Migdal-gad,
38 xiinꞌ ñu̱u̱ Dileán,
xiinꞌ ñu̱u̱ Mizpa,
xiinꞌ ñu̱u̱ Jocteel,
39 xiinꞌ ñu̱u̱ Laquis,
xiinꞌ ñu̱u̱ Boscat,
xiinꞌ ñu̱u̱ Eglón,
40 xiinꞌ ñu̱u̱ Cabón,
xiinꞌ ñu̱u̱ Lahmam,
xiinꞌ ñu̱u̱ Quitlis,
41 xiinꞌ ñu̱u̱ Geredot,
xiinꞌ ñu̱u̱ Bet-dagón,
xiinꞌ ñu̱u̱ Naama,
xiinꞌ ñu̱u̱ Maceda,
xaꞌu̱n i̱i̱n sa̱aꞌ ñu̱u̱ kaa̱ꞌ xiinꞌ sa̱kuuꞌ nda̱ꞌaꞌ a̱ ni̱ na̱ꞌi̱ ni̱a̱ nduuꞌ ña̱ꞌa̱ ni̱a̱.
42 Te̱ sa̱kanꞌ tu̱ ni̱ na̱ꞌi̱ ni̱a̱ ñu̱u̱ Libna,
xiinꞌ ñu̱u̱ Eter,
xiinꞌ ñu̱u̱ Asán,
43 xiinꞌ ñu̱u̱ Jifta,
xiinꞌ ñu̱u̱ Asena,
xiinꞌ ñu̱u̱ Nezib,
44 xiinꞌ ñu̱u̱ Keila,
xiinꞌ ñu̱u̱ Aczib,
xiinꞌ ñu̱u̱ Maresa,
íin sa̱aꞌ ñu̱u̱ kaa̱ꞌ xiinꞌ sa̱kuuꞌ nda̱ꞌaꞌ a̱ ni̱ na̱ꞌi̱ ni̱a̱ nduuꞌ ña̱ꞌa̱ ni̱a̱.
45 Te̱ sa̱kanꞌ tu̱ ni̱ na̱ꞌi̱ ni̱a̱ ñu̱u̱ Ecrón,
xiinꞌ sa̱kuuꞌ ñu̱u̱ ña̱ nduuꞌ nda̱ꞌaꞌ a̱,
xiinꞌ i̱i̱n ka̱niiꞌ nuu̱ꞌ ñu̱ꞌuꞌ a̱.
46 Te̱ nde̱e̱ ñu̱u̱ Ecrón ja̱a̱nꞌ te̱ naxaá a̱ nde̱e̱ mi̱ni̱ kaꞌnuꞌ ña̱ naniꞌ Mediterráneo xiinꞌ ka̱niiꞌ nuu̱ꞌ ñu̱ꞌuꞌ ya̱ti̱n miiꞌ naá ñu̱u̱ Asdod xiinꞌ sa̱kuuꞌ nda̱ꞌaꞌ a̱ ni̱ na̱ꞌi̱ ni̱a̱ nduuꞌ ña̱ꞌa̱ ni̱a̱.
47 Te̱ sa̱kanꞌ tu̱ ni̱ na̱ꞌi̱ ni̱a̱ nde̱e̱ ñu̱u̱ Asdod ja̱a̱nꞌ xiinꞌ sa̱kuuꞌ ñu̱u̱ ña̱ nduuꞌ nda̱ꞌaꞌ a̱,
xiinꞌ i̱i̱n ka̱niiꞌ nuu̱ꞌ ñu̱ꞌuꞌ a̱,
xiinꞌ nde̱e̱ ñu̱u̱ Gaza,
xiinꞌ sa̱kuuꞌ ñu̱u̱ ña̱ nduuꞌ nda̱ꞌaꞌ a̱,
xiinꞌ i̱i̱n ka̱niiꞌ nuu̱ꞌ ñu̱ꞌuꞌ a̱,
te̱ ni̱ xaꞌa̱n ndi̱koꞌ a̱ nde̱e̱ i̱ti̱a̱ Egipto,
xiinꞌ sa̱a̱ kuaꞌa̱n yu̱ꞌuꞌ mi̱ni̱ ña̱ naniꞌ Mediterráneo nduuꞌ ña̱ꞌa̱ ni̱a̱.
48 Te̱ ni̱ na̱ꞌi̱ tu̱ ne̱ vi̱ꞌe̱ Judá ñu̱ꞌuꞌ ña̱ nduuꞌ kuenta ñu̱u̱ ña̱ ndieeꞌ te̱i̱n i̱kuꞌ:
ñu̱u̱ Samir,
xiinꞌ ñu̱u̱ Jatir,
xiinꞌ ñu̱u̱ Soco,
49 xiinꞌ ñu̱u̱ Dana,
xiinꞌ ñu̱u̱ Quiriat-sana,
ña̱ naniꞌ tu̱ Debir,
50 xiinꞌ ñu̱u̱ Anab,
xiinꞌ ñu̱u̱ Estemoa,
xiinꞌ ñu̱u̱ Anim,
51 xiinꞌ ñu̱u̱ Gosén,
xiinꞌ ñu̱u̱ Holón,
xiinꞌ ñu̱u̱ Gilo,
uxi̱ i̱i̱n sa̱aꞌ ñu̱u̱ kaa̱ꞌ xiinꞌ sa̱kuuꞌ nda̱ꞌaꞌ a̱ ni̱ na̱ꞌi̱ ni̱a̱ nduuꞌ ña̱ꞌa̱ ni̱a̱.
52 Te̱ ni̱ na̱ꞌi̱ tu̱ ne̱ vi̱ꞌe̱ Judá ñu̱ꞌuꞌ ña̱ nduuꞌ kuenta ñu̱u̱ Arab,
xiinꞌ ñu̱u̱ Duma,
xiinꞌ ñu̱u̱ Esán,
53 xiinꞌ ñu̱u̱ Janum,
xiinꞌ ñu̱u̱ Bet-tapúa,
xiinꞌ ñu̱u̱ Afeca,
54 xiinꞌ ñu̱u̱ Humta,
xiinꞌ ñu̱u̱ Quiriat-arba,
ña̱ naniꞌ tu̱ Hebrón,
xiinꞌ ñu̱u̱ Sior,
íin sa̱aꞌ ñu̱u̱ kaa̱ꞌ xiinꞌ sa̱kuuꞌ nda̱ꞌaꞌ a̱ ni̱ na̱ꞌi̱ ni̱a̱ nduuꞌ ña̱ꞌa̱ ni̱a̱.
55 Te̱ ni̱ na̱ꞌi̱ tu̱ ne̱ vi̱ꞌe̱ Judá ja̱a̱nꞌ ñu̱ꞌuꞌ ña̱ nduuꞌ kuenta ñu̱u̱ Maón,
xiinꞌ ñu̱u̱ Carmel,
xiinꞌ ñu̱u̱ Zif,
xiinꞌ ñu̱u̱ Juta,
56 xiinꞌ ñu̱u̱ Jezreel,
xiinꞌ ñu̱u̱ Jocdeam,
xiinꞌ ñu̱u̱ Zanoa,
57 xiinꞌ ñu̱u̱ Caín,
xiinꞌ ñu̱u̱ Gabaa,
xiinꞌ ñu̱u̱ Timna,
uxi̱ sa̱aꞌ ñu̱u̱ kaa̱ꞌ xiinꞌ sa̱kuuꞌ nda̱ꞌaꞌ a̱ ni̱ na̱ꞌi̱ ni̱a̱ nduuꞌ ña̱ꞌa̱ ni̱a̱.
58 Te̱ sa̱kanꞌ tu̱ ni̱ na̱ꞌi̱ ne̱ vi̱ꞌe̱ Judá ja̱a̱nꞌ ñu̱ꞌuꞌ ña̱ nduuꞌ kuenta ñu̱u̱ Halhul,
xiinꞌ ñu̱u̱ Bet-sur,
xiinꞌ ñu̱u̱ Gedor,
59 xiinꞌ ñu̱u̱ Maarat,
xiinꞌ ñu̱u̱ Bet-anot,
xiinꞌ ñu̱u̱ Eltecón,
iñu̱ sa̱aꞌ ñu̱u̱ kaa̱ꞌ xiinꞌ sa̱kuuꞌ nda̱ꞌaꞌ ni̱ na̱ꞌi̱ ni̱a̱ nduuꞌ ña̱ꞌa̱ ni̱a̱.
60 Te̱ sa̱kanꞌ tu̱ ni̱ na̱ꞌi̱ ne̱ vi̱ꞌe̱ Judá ja̱a̱nꞌ ñu̱ꞌuꞌ ña̱ nduuꞌ kuenta ñu̱u̱ Quiriat-baal,
ña̱ naniꞌ tu̱ Quiriat-jearim,
xiinꞌ ñu̱u̱ Rabá,
uvi̱ sa̱aꞌ ñu̱u̱ kaa̱ꞌ xiinꞌ sa̱kuuꞌ nda̱ꞌaꞌ a̱ ni̱ na̱ꞌi̱ ni̱a̱ nduuꞌ ña̱ꞌa̱ ni̱a̱.
61 Te̱ sa̱kanꞌ tu̱ ni̱ na̱ꞌi̱ ne̱ vi̱ꞌe̱ Judá ja̱a̱nꞌ ñu̱ꞌuꞌ ña̱ nduuꞌ kuenta ñu̱u̱ ña̱ ñuꞌuꞌ miiꞌ i̱tyi kaaꞌ,
ñu̱u̱ Bet-arabá,
xiinꞌ ñu̱u̱ Midín,
xiinꞌ ñu̱u̱ Secaca,
62 xiinꞌ ñu̱u̱ Nibsán,
xiinꞌ Ñu̱u̱ Miiꞌ Yoo Ii̱nꞌ,
xiinꞌ ñu̱u̱ En-gadi,
iñu̱ sa̱aꞌ ñu̱u̱ kaa̱ꞌ xiinꞌ sa̱kuuꞌ nda̱ꞌaꞌ a̱ ni̱ na̱ꞌi̱ ni̱a̱ nduuꞌ ña̱ꞌa̱ ni̱a̱.
63 Ndisu̱ ne̱ vi̱ꞌe̱ jebuseo,
ne̱ ni̱ ndiee̱ ñu̱u̱ Jerusalén ndii,
nï̱ ku̱vi̱ ka̱nandoo ña̱ꞌaꞌ te̱ vi̱ꞌe̱ Judá,
sa̱kanꞌ na kuiiꞌ ni̱ ndoo̱ ne̱ vi̱ꞌe̱ jebuseo ja̱a̱nꞌ ndieeꞌ na̱ te̱i̱n ne̱ vi̱ꞌe̱ Judá ja̱a̱nꞌ ñu̱u̱ Jerusalén nde̱e̱ kivi̱ꞌ vi̱ti̱n.