DIꞌNA NUU CARTA CHÍDOTUNI JUAN
Toꞌon sa kuu vida
1
Ndaa da s-toꞌon ia duꞌua ni io, ia xíni da xiꞌin inini da, xíni ñaꞌan da xiꞌin jnu da xiꞌin xu te ndaꞌa taꞌan da xiꞌin ia kuu Toꞌon taxi vida. 2 Kuan vida ketuu san dan ndidaa da xíni da, san nakani da, xiꞌin kaꞌan da sa kuu ñuyii ma ndeꞌe, sa kuu sa io xiꞌin ia kuu ku Tata ndo, san ketuu d̶a ndidaa da. 3 Sa xíni da xiꞌin sa tsaku d̶a ndidaa da, juan kaꞌan da jni ndidaa ni, ndasa eni na kininchisa ndo ndidaa ndo; san na nduu nchisa ndo ndidaa ndo eni ka xiꞌin ia kuu ku Tata ndo xiꞌin Jesucristu ia kuu D̶aꞌa ia. 4 Ndidaa toꞌon yaꞌa tsaa da ndidaa da jni kuan na ku iꞌni ntseꞌe ni ndidaa ni.Ndios kuu luz
5 Jaꞌa ku toꞌon tsáku d̶a ndidaa da sa káꞌan Jesucristu, san kaꞌan da jni ndidaa ni: Ndios kuu luz, san nisa en sa naa ti io xi ia. 6 Kuan tu kaꞌan ndo sa eni kuu ndo xiꞌin ia, san io naa ndo, kida naꞌntsa ndo, san ti kida ndo sa ndaa. 7 Doko tu io ndo sa io luz, kuenta mee ia kuu luz, san eni kuu ndo ndidaa ndo, san jniñi Jesucristu ia kuu D̶aꞌa Ndios dandoo ndidaa ku kuachi ndo.
8 Tu kaꞌan ndo sa atuu ku kuachi ndo, dandaa ndo mee ndo, san ti kaꞌan ndaa ndo. 9 Tu naꞌma ndo ku kuachi ndo jnu Ndios, ia yukua ku ia guaꞌa xiꞌin ia ndaa sa koo ia sa kaꞌnu-ini sa saꞌa ku kuachi ndo, xiꞌin sa dandoo ia ndidaa sa kuiꞌia kída ndo. 10 San tu kaꞌan ndo sa ti kída ndo kuachi, danani ñaꞌan ndo sa naꞌntsa ia, tu duꞌua kida ndo san ti xininchisa ndo s-toꞌon ia.