CARTA KU UU CHÍDOTUNI JUAN
Kada ntse-ini jni ndidaa ni
1
Dan tsa savaꞌa tsaa da xi dini ña ndekaxaꞌan xi xiꞌin ndidaa d̶aꞌa ni, ndidaa ña xinimani nchisa da. San adi dan ni, maska sa ndidaa ñayii xíni sa ndaa, 2 sa saꞌa xi sa ndaa io ku ndo ndidaa ndo, san duꞌua ni koo ndidaa kii ku ndo: 3 Ndios ia kuu ku Tata ndo xiꞌin D̶aꞌa ia ku Toꞌo ndo Jesucristu na taxi ia ni ndidaa ni sa xinimani xiꞌin sa kunda-ini xiꞌin toꞌon kaꞌnu-ini ni, sa saꞌa sa ndaa xiꞌin sa xinimani ia.Koo ni kuenta taꞌvichiion sa ndaa
4 Ku iꞌni ntseꞌe da kuan nanitaꞌan da xiꞌin uu d̶aꞌa ni san kida nu sa ndaa, duꞌua kuenta taꞌvichiion ia kuu ku Tata ndo. 5 Vita sakundaꞌvi da jnu ni, adi sa tsaa saa sa taꞌvichiion ni, maska sa dini sa taꞌvichiion ku ndo ntsa diꞌna kuu, sa na kinimani taꞌan ndo en ndo xiꞌin en ndo. 6 San jaꞌa kuu sa xinimani: Sa na kada ndo sa taꞌvichiion ia. San jaꞌa kuu sa taꞌvichiion ia: Sa na kinimani taꞌan ni, duꞌua kuenta tsaku ni ntsa diꞌna.
7 Kuan kuaꞌa ntseꞌe tsa naꞌntsa ndinoo ñuyii ya, san ti na kininchisa tsa sa Jesucristu kixi ia xiꞌin yikikoño. Ñayii duꞌua kida kuu anticristu xiꞌin kuu ñayii naꞌntsa 8 Guaꞌa ni ndidaa ni, kuan na kuita duꞌua x-chiion ni, kuan na niꞌi ni ndidaa sa guaꞌa kachi sa niꞌi ni san na niꞌi ndeꞌe ni.
9 Andu kuu mee ñayii dandoo sa ndaa, san ti nchox ka sa dakuaꞌa ñaꞌan Jesucristu, ti kuu eni xiꞌin Ndios; doko ñayii kida sa dakuaꞌa ñaꞌan Jesucristu, ñayii yukua kuu eni ia kuu ku Tata ndo xiꞌin D̶aꞌa ia. 10 Tu andu vaxi sa io ni, san ti neꞌe toꞌon guaꞌa yaꞌa, ma dayaꞌia ñaꞌan ni xeꞌe ni, san nisa ma kuemani ñaꞌan ni, 11 Kuan ñayii semani ñaꞌan xi ndidaa ñayii yaꞌa taꞌan-ini ndidaa sa kuiꞌia kida ñayii yaꞌa.
Kada ntse-ini ni ndidaa ni
12 Kuaꞌa ntseꞌe sa io sa chidotuni da ni, doko ti nchu tsaa da xiꞌin tutu xiꞌin tinta, kuan nchu kiꞌin da ku koto ñaꞌan da ni ndidaa ni. San ndatoꞌon ndo ndidaa ndo sa io ni xan, kuan na ku iꞌni ntseꞌe ndo.
13 Ndidaa d̶aꞌa x-kuꞌu ni ña ndekaxaꞌan xi kachi sa na kada ntse-ini jni.