Ñayii kuu d̶aꞌa Ndios kidanar ñaꞌan xi ñuyii
5
Ndidaa ñayii xininchisa sa Jesús kuu Cristu, ñayii yaꞌa kaku xi Ndios, san ndidaa ñayii xinimani ñaꞌan xi Tata xinimani ñaꞌan xi ndidaa d̶aꞌa ia. 2 San duꞌua xini ndo sa kida-ini ndo ndidaa d̶aꞌa Ndios, ora kida-ini ndo Ndios xiꞌin kida ndo sa táꞌvichiion ia. 3 Kuan jaꞌa ku sa kida-ini ndo Ndios: Sa na kada ndo sa táꞌvichiion ia. San sa táꞌvichiion ia ti vixi sa kada ndo. 4 Kuan ndidaa ñayii kaku xi Ndios kidanar ñaꞌan xi ñuyii yaꞌa; san jaꞌa ku sa kídanar ñaꞌan xi ñuyii ya: Sa xininchisa io ku ndo ya. 5 Ndidaa ñayii kídanar ñaꞌan xi ñuyii yaꞌa, kuu ñayii xininchisa sa Jesús ku D̶aꞌa Ndios.Sa kaꞌan Ndios sa kuu D̶aꞌa ia
6 San ia yaꞌa kuu Jesucristu, ia kíxi xiꞌin ndutsa xiꞌin niñi; adii ni xiꞌin ndutsa kíxi ia, maska sa xiꞌin ndutsa xiꞌin niñi. San Espíritu kuu ia naꞌma; kuan Espíritu kuu ia kuu sa ndaa. 7 Kuan uni kuu ia eni kaꞌan ntsa andivi: Ia kuu ku Tata ndo, ia kuu Toꞌon xiꞌin Espíritu Santu; san ndi uni ia yaꞌa kuu eni ia. 8 San uni kuu sa eni kaꞌan nuꞌu ya: Espíritu, ndutsa xiꞌin niñi; san ndi uni enuu ni kaꞌan. 9 Tu teen ndo toꞌon naꞌma ñayii, doko toꞌon kaꞌan Ndios ku sa xaꞌvi ntseꞌe ka xi; kuan jaꞌa ku toꞌon kaꞌan Ndios sa kuu D̶aꞌa ia. 10 Ñayii xininchisa ñaꞌan xi D̶aꞌa Ndios; ñoꞌon ndidaa toꞌon yaꞌa xanaa xi. Doko ñayii ti xininchisa ñaꞌan xi Ndios, ñayii yaꞌa danani ñaꞌan sa naꞌntsa ia, kuan tsa yaꞌa ti xíninchisa sa káꞌan ia sa kuu D̶aꞌa ia. 11 San jaꞌa ku toꞌon kachi ia: Sa Ndios taxi ia vida ma ndeꞌe ku ndo, san vida yukua io xi D̶aꞌa ia. 12 Ñayii io Daꞌa ya xi io vida ma ndeꞌe s-tsa; san ñayii ti io D̶aꞌa Ndios xi ñayii yaꞌa ti io vida ma ndeꞌe xi.
Vida ma ndeꞌe
13 Toꞌon yaꞌa tsáa da d̶ini ndidaa ni tsa xininchisa ñaꞌan xi D̶aꞌa Ndios, kuan ndasa na kini ni ndidaa ni sa io vida ma ndeꞌe jni.
14 San jaꞌa kuu sa kukaꞌnu-ini ndo ia, sa tu nakaka ndo kuenta guaꞌa nataꞌan xanaa ia, san kunini ñaꞌan ia. 15 San tu xini ndo sa sakunini ñaꞌan ia ku ndo nasa na kaka ndo, xini ndo sa niꞌi ndo sa xika ndo xi ia.
16 Tu andu xini sa xani xi kida kuachi, sa ti nandeꞌe sa kuu sa saꞌa xi jaꞌa, na kaka xi Ndios sa saꞌa tsa yaꞌa, san Ndios kuañaꞌan ia vida xi xani tsa; jaꞌa kuu sa kuxi ndidaa tsa kida kuachi sa ti nandeꞌe sa kuu sa saꞌa xi. Doko io kuachi sa nandeꞌe sa kuu sa saꞌa xi, san sa saꞌa kuachi yukua ti kaꞌan da sa na kaka xi Ndios. 17 Ndidaa sa kuiꞌia kuu kuachi, doko io kuachi sa ti nandeꞌe sa kuu sa saꞌa xi.
18 Xini ndo sa ndidaa ñayii káku xi Ndios, ti kida kuachi, kuan Jesucristu ia kuu d̶aꞌa Ndios natavi ñaꞌan, san sakakuiꞌia kuan atuu dana sa kida xi ñayii yaꞌa.
19 Xini ndo sa kuu ndo d̶aꞌa Ndios san nee ñuyii ya yeꞌe ndaꞌa sakakuiꞌia.