DIꞌNA NUU CARTA CHÍDOTUNI PEDRU
Kada ntse-ini ni ndidaa ni xani
1
Dan kuu Pedru x-apóstol Jesucristu; chidotuni da xi ndidaa ñayii io xika ku kiun ndo ñayii io ndidaa ndaꞌa ñuu Ponto, Galacia, Capadocia, Asia xiꞌin Bitinia, 2 Sa kuxi ndidaa dini ñayii ndekaxi ia kuu ku Tata ndo kuan duꞌua sani-ini ia ntsa diꞌna. San xiꞌin x-espíritu ia ndada ñaꞌan ia xaꞌan ia ku ndo, ndasa na kada ndo sa nchoxi ia xiꞌin na ndu ndoo ndo sa saꞌa j-niñi Jesucristu: Ndios na taxi ia j-gracia ia xiꞌin sa na koo kadi jni ndidaa ni.En esperanza nchito
3 Na kukaꞌnu Ndios ia ku s-Tata ku Toꞌo ndo Jesucristu, kuan sa saꞌa sa kunda-ini ñaꞌan ia kída sa kaku saa ndo ndasa na koꞌon ku kuanaa ndo sa niꞌi ndo sa kachi ia sa saꞌa sa nandoto Jesucristu sa xiꞌi ia; 4 Jaꞌa kuu herencia niꞌi ni sa ti ndeꞌe, sa ti ku kuiꞌia xiꞌin nisa ti din, sa ñoꞌon guaꞌa andivi xi Ndios sa kuj ni ndidaa ni, 5 tsa ñoꞌon guaꞌa sa saꞌa sa tastuni Ndios sa saꞌa sa xininchisa ñaꞌan ni xi ia, ndasa na nanitaꞌvi ni san jaꞌa ntsatu sa nanuu ntsa ultimo kii ñuyii yaꞌa.
6 Juandiku sa saꞌa xi jaꞌa ku-iꞌni ni ndidaa ni, kuani taꞌan ni nadataꞌan nadatuꞌu sa taꞌan ni, doko saku ni tiempu taꞌan ni, tu duꞌua nchoxi Ndios, 7 sa saꞌa sa xininchisa ni Ndios taꞌan ntseꞌe ni kuan nandeꞌe sa kotuni ñaꞌan xi duꞌua kuenta taꞌan oro ora yaꞌia xiti ñuꞌu. Doko sa xininchisa ni Ndios xaꞌvi ka xi sa kuxi oro, kuan oro kuaan ndeꞌe. Doko duꞌua nandeꞌe sa nayaꞌia ni ndidaa kuan na kaꞌan guaꞌa jni xiꞌin na kadakaꞌnu ñaꞌan jni xiꞌin na chiñuꞌu ñaꞌan jni ora na ndixi ku Toꞌo ndo Jesucristu,
8 ia xinimani ni kuani ti xini ñaꞌan ni san kuenta xininchisa ñaꞌan ni ku iꞌni ntseꞌe ni san nisa ti io toꞌon kaꞌan ni sa naꞌnu tuj ni, 9 san sa saꞌa sa xininchisa ni kada sa niꞌi ni sa nanitaꞌvi ni.
10 Ndidaa profeta kaꞌan sa vaxi x-gracia Ndios jni ndidaa ni, kaꞌvi tsa xiꞌin guaꞌa ntseꞌe nanduku tsa sa kachi sa kuu sa nanitaꞌvi. 11 Nanduku tsa na ñayii xiꞌin na tiempu kachi x-espíritu Jesucristu io s-tsa ndidaa tsa, ia kaꞌan ndaa ndidaa sa taꞌan Jesucristu xiꞌin sa naꞌnu kixi danduu. 12 San sadaa s-tsa ndidaa tsa sa adii sa kuxi mee tsa kuu ndidaa sa nanuu maska sa sa kuj ku mee ndo ndidaa ndo kuu nidaa toꞌon guaꞌa Espíritu Santu sa kee andivi; ndidaa sa nchu kini ntseꞌe ndidaa ángel.
Na koo ndo kuenta ñayii ndekaxi Ndios
13 Juandiku na koo ndaa sa xinituni ni san guaꞌa guaꞌa kani-ini ni, san kuntsatu ni xiꞌin nee xanaa ni ndidaa sa niꞌi ni ora na ndixi Jesucristu. 14 Kuenta en daꞌa xininchisa ma kunchiko ka ni ndidaa sa kuiꞌia xu kunchiko ni kuenta ti xu kini ni sa ndaa. 15 Duꞌua kuenta ia kana ñaꞌan jni kuu ia ii, ku kuu ii ni xiꞌin ndidaa modo io ni. 16 Kuan duꞌua yodotuni: “Ku kuu en ñayii ii ndidaa yo kuan ntsuꞌu kuu ntsu ia ii.”
17 San tu kaꞌan ni “Ta” xi ia ndaka ndaa kuachi xi ndidaa sa kida ni, nandeꞌe sa kueniꞌno ni ia neni yaꞌia ni ñuyii yaꞌa. 18 Kuan xini ni sa Ndios kíneꞌe ñaꞌan jni xiti ndidaa sa kuiꞌia ío ni, ndidaa sa kutuꞌua ni xi s-tadeꞌe ni, sa chaꞌvi Ndios ndasa na kee ni juan adi sa ndeꞌe kuu kuenta oro adi plata, 19 maska sa xiꞌin j-niñi Jesucristu sa xaꞌvi ntseꞌe xi, kuenta en corderu yiki atuu dana sa kuiꞌia neꞌe. 20 ia nitaꞌvi sa duꞌua taꞌan ntsa antika sa kuguaꞌa ñuyii, doko danduu kíxi ia sa saꞌa sa xinimani ñaꞌan ia jni ndidaa ni. 21 Kuan sa saꞌa ia yaꞌa xininchisa ni Ndios, ia kída sa nandoto Jesucristu sa io ndidaa ndii san sañaꞌan Ndios xi ia sa na kukaꞌnu ia, ndasa sa xininchisa ni xiꞌin sa ñoꞌon xanaa ni na kuu sa saꞌa Ndios.
22 Kuan sa ndundoo x-alma ni sa saꞌa sa xíninchisa ni toꞌon ndaa, sa saꞌa Espíritu, ndasa na kada-ini taꞌan nchisa ni, kinimani taꞌan ni ndidaa mee ni, san ma koꞌon sa kuiꞌia xanaa ni; 23 kuan kaku saa ni, san adi xi en tata ndeꞌe maska sa kaku saa ni xi en tata ti ndeꞌe, sa kuu s-toꞌon Ndios sa nchito xiꞌin io ndidaa tiempu. 24 Kuan duꞌua kachi s-tutu ii Ndios:
ndidaa yikikoño ku kuenta kuꞌu,
san ndidaa sa kuu ñayii kuu kuenta xitavili kuꞌu kuaan.
Kuꞌu kuaan yichi, san itavili kuaan koꞌio;
25 doko s-toꞌon Ndios io ndidaa tiempu.
San jaꞌa ku toꞌon guaꞌa káꞌan jni ndidaa ni.