Guaꞌa ndidaa dini tsa kuika
5
San vita kunini ndidaa dini tsa kuika, ndaꞌyu ni san ndaꞌyu ñeꞌna ni kuan sa vaxi sa taꞌan ntseꞌe ni ndidaa ni. 2 Kuan ndidaa sa kuika ni xan tívi san tsáꞌyu san ndidaa d̶oꞌno ni xan yeꞌe tikidi. 3 San ndidaa x-oro ni xiꞌin x-plata ni ndeꞌe kuídi, ti sandutsa ka, san sa kuídi kuaan dakuidokuachi ñaꞌan jni, san kuenta kada ñuꞌu kada xi xikikoño ni. Kuan ndidaa taxuku monton ni sa kuxi ndidaa kii ultimo.a 4 Kuan ndaꞌyu ntseꞌe ndidaa ñayii ndaꞌa ti cháꞌvi ni sa kídachiion xuꞌun ni, san ndidaa sa ndaꞌyu tsa yaꞌa sáa ntsa d̶oꞌo Ndios, ia tastuni ndidaa ejército io.b 5 Kuan ñuyii yaꞌa guaꞌa ntseꞌe io ni, san kida ni ndidaa sa kuiꞌia taꞌan xanaa ni, san saj ni xiꞌi ni kuenta en kititata nduu nduꞌu, san sa io sa kuu. 6 Dini ndidaa ni dákuidokuachi duꞌua ni ñayii kuu xaꞌan Ndios ñayii io ndaa, san sáꞌni ñaꞌan ni san nisa en toꞌon ti káꞌan tsa sa natavi tsa mee tsa.Kuyakui ni xiꞌin kakataꞌvi ni
7 Duꞌua vi xanii, kadinii ni kuntsatu ni ntsa na ndixi ia kuu ku Toꞌo ndo, ntsaꞌa ni na modo sa kuntsatu tsa kidachiion xuꞌun xi sa nakeꞌen tsa tata chóꞌon tsa, xiꞌin na modo sa kuntsatu tsa sa na koon davi diꞌna xiꞌin davi danduu. 8 Duꞌua dini ndidaa ni tuku, kuin ndaa ni san kadinii ni kuntsatu ni sa ndixi ia kuu ku Toꞌo ndo, kuan sa kuyachi kii. 9 Xanii, ma d̶a kuidokuachi taꞌan ni ndidaa mee ni, kuan tu duꞌua na kada ni, san kuidokuachi ni jnu Ndios kuan ia saꞌntsa kuachi sa io sa ndixi ia. 10 Xanii, kuyakui ni ndidaa sa taꞌan ni, kuenta xu kuyakui ndidaa profeta xu kaꞌan s-toꞌon Ndios. 11 San vita, ndidaa ndo naꞌan sa ndidaa ñayii taꞌan ntseꞌe kuu ñayii guaꞌadiko. Kuan tsáku jni namodo kúyakui Jobc ndidaa sa táꞌan ntseꞌe tsa xiꞌin na modo kída ia sta danduu, san modo yaꞌa xini ndo sa Ndios guaꞌa ntseꞌe ia xiꞌin kunda-ini ñaꞌan ntseꞌe ia.d
12 Xanii, ma chonaꞌa ni sa saꞌa andivi nisa sa saꞌa nuꞌu ya, san nisa sa saꞌa enka sa io ñuyii. Guaꞌa ka na ku kuu s-toꞌon ni “on tu on” san “ñaꞌan tu ñaꞌan” ndasa ma kuidokuachi ni.e
13 Tu io en ñayii ndaꞌvi ntseꞌe io xanaa xi sa io ni ndidaa ni xan, na kaka ñayii yaꞌa xi Ndios sa na chintsee ñaꞌan ia. San tu io en ñayii ku iꞌni ntseꞌe sa io ni xan, na kata ñayii yaꞌa sa kidakaꞌnu ñaꞌan xi Ndios. 14 San tu io en ñayii kuꞌu xi sa io ni xan, na kana ñaꞌan ñayii yaꞌa xi en tsa kuu jnu xi io sa nataka ni ndidaa ni xan, san na yoko ñaꞌan tsa aceitef san na kakataꞌvi tsa xiꞌin sa nani ia kuu ku Toꞌo ndo Jesucristu sa saꞌa tsa kuꞌu xi. 15 Kuan sa saꞌa sa xikataꞌvi tsa yaꞌa xiꞌin sa saꞌa sa xininchisa tsa kada sa nanitaꞌvi tsa kuꞌu xi, san ia kuu ku Toꞌo ndo ndaneꞌe ñaꞌan ia; san tu kída tsa dakaa kuachi san koo sakaꞌnu-ini sa saꞌa tsa. 16 Náꞌma taꞌan ni ndidaa ni ndidaa kuachi kida ni, san káka ni xi Ndios sa saꞌa ni ndidaa mee ni, ndasa na nduguaꞌa ni ndidaa ni. Kuan sa xika en ñayii io ndaa jnu Ndios kuaꞌa ntseꞌe kida. 17 Elías kúu tsa kuenta mee ndo ndidaa ndo, san xíkataꞌvi tsa xiꞌin nee xanaa tsa xi Ndios sa ma koon davi, san ti kóon davi uni yodo kuia.g 18 San danduu xíkataꞌvi nituku tsa xi Ndios, san kóon davi, san danduu ío nituku sa kaj tsa ndidaa tsa.h