CARTA CHÍDOTUNI XI NDIDAA ÑAYII XININCHISA KUU HEBREU
Ndios káꞌan ia sa saꞌa D̶aꞌa ia
1
Kii daa Ndios káꞌan ia xi ndidaa ku tadeꞌe ndo, san xu tsandaꞌa ia ñayii sa na kaꞌan x-kuenta ia, keꞌen modo kaꞌan ia, 2 doko ndidaa tiempu ultimo yaꞌa, Ndios káꞌan ia ku ndo ndidaa ndo sa saꞌa D̶aꞌa ia, kuan sa saꞌa D̶aꞌa ia kídaguaꞌa ia ñuyii, san sañaꞌan ia ndidaa sa kuu xaꞌan ia xi D̶aꞌa ia. 3 San kuenta sandutsa mee ia duꞌua ni kuu D̶aꞌa ia, san ndidaa sa kuu mee ia duꞌua ni kuu D̶aꞌa ia, san xiꞌin sa tastuni s-toꞌon ia kída sa io ndidaa sa io. Sa saꞌa mee ia kida sa ndundoo ku kuachi ndo ndidaa ndo, san kukoo ia ladu kuaꞌa sa intsaku Ndios.D̶aꞌa Ndios kunaꞌnu ka ia sa kuxi ndidaa ángel
4 San jaꞌa nchu kachi sa D̶aꞌa Ndios kunaꞌnu ka ia sa kuxi ndidaa ángel, kuan Ndios sañaꞌan ia sa guaꞌa ka na kunani ia sa kuxi ndidaa ángel. 5 Kuan ti sadaa Ndios xi nisa en ángel kuenta sadaa ia xi D̶aꞌa ia:
Ku daꞌa ntsu kuu yoꞌo;
kii vita kachi ntsu sa kuu ntsu s-Tata yo.a
Nisa en ángel ti duꞌua sadaa ia xi:
Ntsuꞌu ku kuu ntsu s-tata nuyaꞌa;
san nuyaꞌa ku kuu nu ku daꞌa ntsu.b
6 San kuenta ntsaka Ndios ñuyii yaꞌa D̶aꞌa ia nu ti en ndutaꞌan xiꞌin, táꞌvichiion ia:
Ndidaa ángel na chiñuꞌun ñaꞌan jnu.c
7 Doko ora ndaa Ndios s-toꞌon ndidaa ángel káꞌan ia:
Kida ntsu sa ndidaa ku ángel ntsu na ku kuu na tachi,
san ndidaa sa xinokuachi ku nuu ntsu na ku kuu na ñuꞌun.d
8 San ora ndáa ia s-toꞌon D̶aꞌa ia káꞌan ia:
Sa tastuni yo ma ndeꞌe,
san baston yo kuenchiion yo sa kada yo sa ndaa.
9 Xinimani yo sa ndaa san xini uꞌu yo sa kuiꞌia;
Juandiku j-Ndios yo chído ia aceite d̶iki yo
sa juan kida sa ku iꞌni,
san kída ia sa na kunaꞌnu ka yo sa kuxi ndidaa ka nu in-xuku xiꞌin yo.e
10 San sadaa ia xi D̶aꞌa ia tuku:
Toꞌo, diꞌnanuu kídaguaꞌa ni nuꞌu ya,
san andivi ya kídaguaꞌa ni xiꞌin ndaꞌa ni.
11 Ndidaa ndeꞌe,
doko mee ni ma ndeꞌe ni;
ndidaa yee na en doꞌno.
12 Na titsaa natuu niꞌno ni,
san nadama kuenta nadama ñayii d̶oꞌno ñayii.
Doko mee ni dini ni kuu ni,
san x-kuia ni ma yaꞌia.f
13 Ndios ti sadaa ia xi nisa en ángel:
Kukoo ichi ku ladu kuaꞌa ntsu ya,
ntsa na nachiꞌi ntsu ndidaa nu xini uꞌu ñaꞌan xo ndaꞌa yo.g
14 Kuan ndidaa ángel kuu meni sa xinokuachi, san tsandaꞌa ñaꞌan xi sa na chintsee ñaꞌan xi ndidaa ñayii niꞌi sa nanitaꞌvi.