Guaꞌa ni ma ndekaj ni ñayii
2
Xanii, sa xininchisa ni sa tastuni ntseꞌe ku Toꞌo ndo Jesucristu, na ku kuu sa ndaa san ma ndekaj ni ñayii. 2 Kuan tu veꞌe nataka ni ndidaa ni xan saa en tsayee ñoꞌon en daꞌyu xaꞌvi ntseꞌe xi d̶iki ndaꞌa tsa, san guaꞌa ntseꞌe ndúkutu tsa, san saa en tsayee kundaꞌvi san oni ndaꞌvi kaa d̶oꞌno tsa. 3 San chiñuꞌu ni tsa ndukutu guaꞌa san sadaa ni: “Toꞌo, naꞌa ni ntsa titsayu jnu xi ya kuntsaku ni” san sadaa ni xi tsa kundaꞌvi kuaan: “Xanii, kuin adi kukoo nuꞌu xan”, 4 Adii ndekaj staꞌan ni sa duꞌua kida ni ya ña, san nduu ni kuenta en tsa saꞌntsa kuachi sani-ini meni sa kuiꞌia.5 Xanii, kunini guaꞌa ni toꞌon kaꞌan da jni: Ama ti ndekaxi Ndios ndidaa ñayii kundaꞌvi ndasa nakoo ntseꞌe sa xininchisa tsa xiꞌin na niꞌi tsa koo tsa sa tastuni Ndios, sa kachi ia sa kuañaꞌan ia xi ñayii xinimani ñaꞌan xi ia ña? 6 Doko dini ndidaa ni kida ni sa kuiꞌia xi ndidaa tsa ku ndaꞌvi. Ama adi ndidaa tsa kuika kuu ndidaa tsa kida sa taꞌan ntseꞌe ni ndidaa ni ña? dini ndidaa tsa yaꞌa kuu tsa sakuntsaka ñaꞌan saꞌan jnu ndidaa tsa tastuni. 7 San adi dini ndidaa tsa yaꞌa kuu tsa kaꞌan kuiꞌia xi sa guaꞌa nani ia kuu ku Toꞌo ndo ña?
8 Tu nchisa sa kida ni sa kachi j-ley Rey, sa yodotuni san kachi: “Kadai-ni ñayii kuenta kidai-ni yo mee yo,”a tu duꞌua kida ni san guaꞌa ntseꞌe. 9 Doko tu ndekaj ni ñayii, kida ni kuachi san ley kuaan da kuidokuachi ñaꞌan jni. 10 Kuan ndidaa ñayii kida ndidaa sa taꞌvichiion ley, doko xido ndagua en mandamientu ley ya san xidokuachi sa ti kída nisa en kuani kída dagua ka juan. 11 Kuan Ndios kachi ia: “Ma koo s-tsani yo”,b san kachi ia tuku: “Ma kaꞌni yo ndii.”c San tu ti io s-tsani ni, doko saꞌni ni ndii, xidokuachi ni sa xído ndagua ni j-ley Ndios. 12 Juandiku ndidaa sa na kaꞌan ni xiꞌin ndidaa sa na kada ni, kunaꞌa ni sa ley kida ñaꞌan nchisa libre kuu ndo ndakakuachi jni. 13 Kuan ndakakuachi san ma kunda-ini ñaꞌan xi ndidaa tsa ti kunda-ini ñaꞌan. Doko tsa kunda-ini ñaꞌan xi enka ñayii san Ndios kunda-ini ñaꞌan ia xi ñayii yaꞌa kii juiciu.
Kada ni san ma kaꞌan duꞌua ni sa kada ni
14 Xanii, nasa niꞌi ñayii kachi sa xininchisa ñaꞌan xi Jesucristu, doko ti kida nisa dana sa guaꞌa? Guaꞌa ni kada sa xininchisa ni ñayii sa nanitaꞌvi ñayii ña? 15 Tu en kiani ndo adi en ku kuaꞌa ndo ti io s-titsaa xi adi ti io sa kaxi ndi kii, 16 san sadaa ni xi ñayii yaꞌa: “Naniꞌi taꞌan ndo, guaꞌa guaꞌa kodaꞌa ni kuan ntseꞌe vixi, san guaꞌa kaj ni ntsa na nachitu ni”, doko ti kida ni nisa dana sa saꞌa ñayii yaꞌa, nasa nandeꞌe juan? 17 San duꞌua ni tuku, sa xininchisa tu ti kida sa guaꞌa san xíꞌi.
18 San andu na kachi: “Dini xininchisa ni san dan kida da sa guaꞌa.” Na modo dadana ñaꞌan ni sa xininchisa ni tu ti kida ni sa guaꞌa, kuan dan guaꞌa ni dadana ñaꞌan da jni sa xininchisa da, sa saꞌa sa guaꞌa kida da. 19 Xininchisa ni sa Ndios kuu endini ia ña? Guaꞌa kida ni. Ndidaa tachi kuiꞌia xini sa io endini Ndios tuku san yuꞌu san oni kidi ñaꞌan xi. 20 Nchu kini ndidaa dini tsa ndaꞌa ti sakuituni xanaa xi sa sa xininchisa kuan, tu ti kida sa guaꞌa san xíꞌi ña. 21 Kuan Abraham ku tadeꞌe ndo, Ndios díta ia x-kuachi tsa kuenta xíninchisa tsa san dóko tsa d̶aꞌa tsa Isaac jnu altar.d 22 Ama ti xini ni sa sa xininchisa kuaan kídachiion xiꞌin sa guaꞌa kída Abraham, san sa xíninchisa Abraham ndu ndaa ka sa saꞌa sa guaꞌa kída tsa ña? 23 San xínotaꞌan sa yodotuni, sa kachi: “Abraham xíninchisa ñaꞌan tsa xi Ndios,e san Ndios díta ia x-kuachi tsa” san inani tsa tsa mani xiꞌin ia.f
24 Ntsaꞌa ni ndidaa ni, sa ñayii na kini guaꞌa Ndios kuu ñayii kida sa guaꞌa, san adii ni sa xininchisa ñayii. 25 Duꞌua ni Rahab ñadeꞌe diko mee, kunda-ini ñaꞌan Ndios xan, kuan kunda-ini ña ndidaa tsa kée ñuu Israel, kuenta saꞌan tsa sa koto-ini tsa ñuu Jericó, san chintsee ñaꞌan ña s-tsa sa na kee tsa enka ladu, kuenta kée tsa ñuu yukua.g 26 Kuan duꞌua kuenta ku kikikoño ndo ya tu ti nchito ku kuanaa ndo san kuu en yikikoño xíꞌi, duꞌua ni sa xininchisa ndo ya tuku tu ti kida sa guaꞌa san xíꞌi.