Tabernaculo kaa modo kaa sa sani-ini Ndios sa kagua
9
San duꞌua tratu diꞌna nuu kuan xu taꞌvichiion na modo nchoxi sa chiñuꞌu ñaꞌan xi Ndios, san táxi en lugar ii ñuyii yaꞌa. 2 San duꞌua kuguaꞌa s-tabernaculo Ndios:a san diꞌnanuu lugar ío xiti xi inani lugar ii, sa ín en kantilerub xiꞌin mesa xu kodo ita-stila xu doko xi Ndios.c 3 San sata enka titsaa kaꞌnu kuaan yaꞌia enka lugar nani, lugar ii ntseꞌe ka,d 4 juan in en sa kayu dusa duku oro f xiꞌin en caja luchi duku oro sata xi xiꞌin xiti xi sa ñoꞌon s-tratu Ndios.g San xiti caja kuan kaniꞌno en tindoꞌo kuu meni oro ñoꞌon maná,e san xiti caja kuan tuku kaniꞌno vara Aarón sa ndu kuiih xiꞌin uu yuu yadi, sa yodotuni s-tratu Ndios.i 5 San sata xi indodo ubi querubin, san sa sandutsa Ndios io sa io juan nduu, san tavi nchixi xi s-tapa caja sa kuu lugar xukoo sa kaꞌnu-ini.j Doko vita ma kaꞌan ka ndo nasa nchukachi kachi ndidaa jaꞌa.6 Duꞌua io ndidaa jaꞌa s-tabernaculo Ndios: Ndidaa dutu yii tsa ndikii, sa kuinokuachi tsa diꞌna nuu lugar sa kuu lugar ii.k 7 Doko lugar ku uu sa kuu lugar ii ntseꞌe ka, yii meni dutu kunaꞌnu endini kii ndiden kuia, san ora yii tsa sa kuneꞌe tsa j-niñi kiti tata, sa doko tsa sa saꞌa x-kuachi mee tsa diꞌna ka, san danduu doko tsa sa kuxi x-kuachi ñuu, ndidaa kuachi kida ñayii ti xini.l 8 San duꞌua Espíritu Santu kida sa na kukuituni ku kuanaa ndo sa ichi yii lugar ii ntseꞌe, ti nuna tu io daa diꞌna nuu lugar sa nani lugar ii. 9 San ndidaa juan dadana ñaꞌan vita sa ndidaa ñayii duꞌua senchiion, sa doko xiꞌin sa saꞌni kititata xi Ndios ti kida sa nduu sa sani-ini ñayii, modo sáni-ini Ndios sa ku kuu tsa ndidaa tsa, 10 kuan kaꞌan ni nasa kuu sa guaꞌa ni kaxi ñayii ña nasa koꞌo ñayii, xiꞌin ndidaa modo nandeꞌe sa ndundoo ñayii xiꞌin ndutsa, xiꞌin ndidaa sa taꞌvichiion sa nandeꞌe ni xi yikikoño, ndidaa jaꞌa io ntsa na saa kii nadama Ndios.
11 Doko Cristu sa kíxi ia, san vita ia yaꞌa kuu dutu kunaꞌnu xi ndidaa sa guaꞌa kixi, sa saꞌa tabernaculo sa guaꞌa ka, sa kuguaꞌa kuenta sani-ini Ndios sa ku kuu, kuan ti kuguaꞌa xiꞌin ndaꞌa ñayii, kuan adi ñuyii yaꞌa io, 12 san endini guelta kuyii ia lugar ii nsteꞌe, xiꞌin j-niñi mee ia san duꞌua cháꞌvi ia oni oni sa saꞌa ñayii, san adi xiꞌin j-niñi chatu san nisa j-niñi toro yiki, maska sa xiꞌin j-niñi mee ia. 13 Kuan tu xiꞌin j-niñi ndidiꞌyu adi xiꞌin j-niñi toro,m ña xáa vaca ndee káyu,n dakitintsaa ñaꞌan xi ndidaa tsa ti io ndoo, san xiꞌin jukua xu ndundoo xikikoño ñayii. 14 Tu duꞌua xu kada ndidaa jaꞌa, vika tuku j-niñi Cristu ma kachi ndadandoo sa sani-ini ni ndidaa ni, ndidaa sa kida sa xido kuachi sa kuu ni, kuan ti ío x-kuachi ia, san doko ia mee ia xi Ndios sa saꞌa Espíritu io ndikii, ndasa na kuinokuachi ni xi Ndios nchito.
15 Sa saꞌa xi sa kída Cristu juandiku kuu ia, ia saꞌntsa dagua tratu saa, kuan sa xíꞌi ia kída sa chaꞌvi ia sa saꞌa ndidaa ñayii kida kuachi nee ío tratu diꞌna nuu, ndasa ndidaa tsa kana ñaꞌan xi na niꞌi tsa ndidaa, san kuañaꞌan ia ñuyii ma ndeꞌe. 16 Ora dandoo en ñayii en tutu, nandeꞌe sa kuu ñayii yaꞌa ndasa na niꞌi kada nasa yodotuni tutu.o 17 Kuan ti xaꞌvi xi tratu yodo tutu yukua, tu nchito daa tsa kídaguaꞌa, xaꞌvi xi tu sa xiꞌi tsa. 18 San juandiku tratu ío diꞌna sani saꞌa xiꞌin j-niñi kititata tuku. 19 Kuan kuenta tuꞌu kaꞌvi Moisés xi nee ñuu ndidaa sa táꞌvichiion, sa yodotuni ley, san teen tsa j-niñi ndidaa toro xiꞌin j-niñi ndidaa ndidiꞌyu san nadaka tsa xiꞌin ndutsa, san danduu teen tsa en nuꞌni hisopop san duku niꞌno tsa xidi ndikachi kaꞌyu sa kuaꞌa, chotoo tsa xiti niñi, san dakitintsaa tsa sa ley, sa yodotuni sa táꞌvichiion Ndios xiꞌin dakitintsaa tsa nee ñuu. 20 San kachi Moisés: Jaꞌa ku niñi tratu, sa táꞌvichiion Ndios jni ndidaa ni.q 21 San duꞌua ni dakitintsaa tsa niñi tabernaculo xiꞌin ndidaa sa xu kuenchiion tsa sa chiñuꞌu tsa.r 22 Kuan ley taꞌvichiion sa kuaꞌa ntseꞌe ndundoo xiꞌin niñi, kuan tu ti io niñi san atuu modo keyaꞌvi kuachi.s
Sa xiꞌi Jesucristu kída sa dita kuachi
23 San duꞌua, nandeꞌe sa ndidaa sa io tabernaculo io nuꞌu, sa ndee sa io andivi nandeꞌe sa duꞌua ndundoo xiꞌin j-niñi kititata. Doko sa io andivi nandeꞌe sa doko niñi guaꞌa ka. 24 Kuan Cristu ti kuyii ia lugar ii ntseꞌe sa ku guaꞌa xiꞌin ndaꞌa ñayii, sa ndee sa kuu sa nchisa, maska sa kuyii ndaa ni ia ntsa andivi, ndasa na kuin ia jnu Ndios sa saꞌa ndo. 25 San Cristu ti sayii ia sa doko ia mee ia noni noni, kuenta xu kada ndidaa ka dutu kunaꞌnu xu yii tsa lugar ii ntseꞌe en kii ndiden kuiꞌia, sa doko tsa niñi ti kuu j-niñi mee tsa. 26 Doko tu duꞌua kuu, Cristu nandeꞌe sa noni noni táꞌan ia sa kuu ia ntsa kuguaꞌa ñuyii, doko vita ndidaa kii ultimo yaꞌa, kíxi ia san doko ia mee ia endini guelta san duꞌua kída ia ndasa na dita ia kuachi. 27 Sa ndaa kuu: Sa duꞌua kuenta ndidaa ñayii kuu ñayii endini guelta, danduu kixi sa ndakakuachi ia. 28 San duꞌua ni tuku, Cristu doko ia mee ia endini guelta san dita ia x-kuachi kuaꞌa ntseꞌe ñayii. San ndij nituku ia doko adi sa dita nituku ia kuachi. Ndixi ia sa kada ia sa nanitaꞌvi ndidaa ñayii ntsatu ñaꞌan xi ia.