Nasa kuu nduu tratu
8
Sa nchukachi ndidaa sa kaꞌan ndo ya ku jaꞌa: Io en dutu kunaꞌnu ku ndo, san sakuntsaku ia ichi ladu kuaꞌa intsaku Ndios ntsa andivi,a 2 mee ia xinokuachi lugar ii s-tabernaculo Ndios, sa kídaguaꞌa Ndios san adi ñayii. 3 Kuan ndidaa dutu kunaꞌnu sani ñaꞌan s-tsa sa doko tsa jnu Ndios xiꞌin sa kaꞌni tsa kititata xi Ndios; san duꞌua ni ia yaꞌa tuku, nandeꞌe sa koo en sa doko ia. 4 San tu io ia ñuyii yaꞌa, san nisa dutu ma ku kuu ia, kuan sa io dutu sa doko kuenta taꞌvichiion ley. 5 San ndidaa dutu yaꞌa xinokuachi tsa tabernaculo sa kuu x-kondati xiꞌin ndee s-tabernaculo Ndios io andivi, kuan duꞌua sadaa ia, sa guaꞌa guaꞌa nakada Moisés kuenta sa io sa kadaguaꞌa tsa tabernaculo: Kada yo kuenta ni kaa sa dádana ñaꞌan ntsu xo tinduu kuan.b 6 Doko chiion sañaꞌan Ndios xi Jesús guaꞌa ka, kuan sa saꞌa ia yaꞌa níꞌi ndo en tratu guaꞌa ka, kuan vaxi xiꞌin sa guaꞌa ka niꞌi ndo ndidaa ndo, sa kachi ia sa taxi ia.7 Kuan tu diꞌnanuu tratu kida Ndios xiꞌin ndidaa ñayii io ndeꞌe, ti nandeꞌe sa koo enka tratu. 8 Kuan nduden ia san kachi ia:
Ntsaꞌa ka, kixi kii kachi ku Toꞌo ndo,
sa kada ntsu en tratu saa xiꞌin ñayii Israel ya xiꞌin ñayii Judác;
9 san adii kuenta tratu kida ntsu xiꞌin s-tadeꞌe nu ndidaa nu
kii teen ntsu ndaꞌa nu,
sa kíneꞌe ñaꞌan ntsu ñuu Egipto jnu.
San ndasa ndidaa nuyaꞌa ti kida nu tratu kida ntsu xiꞌin nu,
ti danuu ñaꞌan ka ntsu jnu, Duꞌua kachi ia kuu ku Toꞌo ndo.
10 Kuan jaꞌa ku tratu kada ntsu xiꞌin ndidaa ñayii Israel
kii yukua, kachi ia kuu ku Toꞌo ndo:
choꞌon ntsu ku ley ntsu xanaa nu,
san chidotuni ntsu d̶iki nu ndidaa nu.
San ntsuꞌu ku kuu ntsu j-Ndios nu,
san nuyaꞌa ndidaa nu ku kuu nu ñayii ku kiun ntsu;
11 San nisa en ka nu ma dakuaꞌa taꞌan,
nisa ma kadaa ka nu xi ndidaa xani nu: Kini ñaꞌan xi ia kuu ku Toꞌo ndo;
kuan ndidaa nu kini ñaꞌan ku ntsu,
ntsa nu yiki lin xiꞌin tsa savaꞌa.
12 Ntsuꞌu kunda-ini ñaꞌan ntsu jnu san koo ntsu sakaꞌnu-ini xi sa kuiꞌia kída nu,
san ma nakaꞌan ka ntsu ndidaa x-kuachi nu.d
13 Ora kachi Ndios sa io tratu saa, nchu kachi ia sa tratu io diꞌna sa yée xiꞌin ti nandeꞌe ka san sa io sa dita ñaꞌan xi.