6
Juandiku na ndukuntsee ndo sa na kutuꞌua ka ndo ndikii, ntsa na nduu ndo en ñayii xisa xiꞌin sa dakuaꞌa ñaꞌan sa kuu Cristu, san ndidaa juan kuu jaꞌa, sa na kaka ni on ndo san ma naxikokagua nituku ndo xiꞌin ndidaa sa ti vixi kutuꞌua ndo diꞌna, ndidaa sa kida sa xidokuachi ndo sa kuu ndo, sa natauꞌu, xiꞌin sa xininchisa ndo Ndios, 2 sa kutuꞌua ndo sa sendutsa ndo, nasa nchukachi sa sakindodo ndo ku ndaꞌa ndo sata ñayii, sa ndikuu xanaa ndidaa ndii xiꞌin kii dakuidokuachi ñaꞌan oni oni xi ñayii kuiꞌia. 3 San ndidaa jaꞌa kada ndo tu Ndios na kachi ia.4 Kuan ndidaa tsa niꞌi sa dayeꞌe Ndios, niꞌi tsa sa guaꞌa kee andivi xiꞌin niꞌi tsa Espíritu Santu, 5 san niꞌi tsa s-toꞌon guaꞌa Ndios xiꞌin sa niꞌi tsa ndidaa sa tastuni ñuyii vaxi, 6 san tu dandoo tsa xichi Ndios, ma kachi ka naxikoneꞌe ñaꞌan s-tsa sa nata-uꞌu tsa. Kuu kuenta satakaa ñaꞌan nituku tsa yaꞌa ndidaa tsa cruz xi D̶aꞌa Ndios san kida tsa sa na kuakuntsaa ñaꞌan ndidaa ñayii xi ia. 7 Kuenta en ñuꞌu noni noni niꞌi davi, guaꞌa ntseꞌe sakoo tata sa kuxi ñayii kidachiion, san Ndios kada ia sa guaꞌa xi ñuꞌu yaꞌa; 8 Doko ñuꞌu sakoo meni iñu xiꞌin tu yiki, ti nandeꞌe nisadana, san Ndios sa io sa da taꞌnuntsatu ia, san danduu chiñuꞌu ia.
9 Doko kuani kaꞌan da ndidaa da jaꞌa vi xanii, ñoꞌon xanaa da ndidaa da sa dini ndidaa ni ku kuu ni kuenta ñayii nánitaꞌvi kída Ndios. 10 Kuan Ndios kuu ia ndaa, san ma dana ia ndidaa sa kída ni xiꞌin sa xinimani ni ia, sa saꞌa sa xínokuachi ni xi ndidaa ñayii ndada ii ia xiꞌin xinokuachi ni daa ni ntsa vita. 11 Nchoj da ndidaa da sa duꞌua ni na kada ni on ni ndidaa ni xiꞌin nee xanaa ni ntsa na ndeꞌe ndidaa, ndasa na koo seguru ni sa niꞌi ni ndidaa sa ñoꞌon xanaa ni, sa kachi Ndios sa niꞌi ni, 12 ti nchoj da ndidaa da sa nduu ni ndidaa ni en ñayii dusa, guaꞌa ka kada ni sa kida ndidaa tsa xininchisa ñaꞌan xi Ndios, kuan kadi ni ntsatu tsa sa niꞌi tsa sa sadaa Ndios sa niꞌi tsa.
13 Kuenta sadaa Ndios sa kuañaꞌan ia en sa kuañaꞌan ia xi Abraham, san ti ío enka ia kaꞌnu ka sa chonaꞌa ia juandiku chonaꞌa ia mee ia. 14 San kachi ia: Kachindaa ntsu xo sa kada ntsu sa guaꞌa xo ñuyii, san kada ntsu sa na kaya ntseꞌe j-raza yo.a 15 San duꞌua Abraham, kadi ni intsatu tsa, san niꞌi tsa sa kachi Ndios sa niꞌi tsa. 16 Kuan ndidaa ñayii chonaꞌa sa saꞌa enka tsa kaꞌnu ka sa kuj tsa, san kii sa chónaꞌa tsa, ma kada ka sa nayuꞌu tsa. 17 San duꞌua Ndios dadana ñaꞌan ndaa ia sa ma nadama ia s-toꞌon ia, sa kuañaꞌan ia sa sadaa ia sa kuañaꞌan ia, san oni chonaꞌa ia sa saꞌa xi. 18 San duꞌua kachi ndaa ia sa saꞌa ndu kosa yaꞌa, sa ma kachi nadama, san Ndios ti kida naꞌntsa ia, san kukaꞌnu ntseꞌe ku kuanaa ndo ndidaa ndo, ntso ñayii vaxi sa io ia ndasa na koꞌno guaꞌa ñaꞌan ia ku ndo san na teen ndo sa kachi ia sa taxi ia sa niꞌi ndo. 19 San sa ñoꞌon ku kuanaa ndo sa niꞌi ndo sa chonaꞌa ia sa taxi ia, kuu na en nduyu kukuin kutu sa ti kanda, duꞌua kuu xi ku alma ndob, san duꞌua sa ñoꞌon ku kuanaa ndo ya yaꞌia enka ladu titsaa san yii ntsa xiti xi,c 20 sa kuyii Jesús diꞌna nuu sa saꞌa ndo ndidaa ndo, kuan kuu ia dutu kunaꞌnu ndidaa tiempu, kuenta kuu Melquisedec.d