5
Ndidaa dutu kunaꞌnu ndekaxaꞌan xi sa io ndidaa ñayii, niꞌi tsa chiion yaꞌa sa kuinokuachi tsa jnu Ndios sa saꞌa ndidaa ñayii, ndasa na doko tsa xiꞌin sa kaꞌni tsa kititata sa sañaꞌan ñayii xi Ndios, sa saꞌa ndidaa kuachi. 2 San ndidaa dutu yaꞌa, kuyakui ñaꞌan tsa xi ndidaa ñayii kida kuachi, kuan ti xini sa guaꞌa xiꞌin ndidaa ñayii ti nchu kaka ichi ndaa, kuan ndidaa dutu yaꞌa kuu tsa ñayii diꞌntsa tuku. 3 San sa saꞌa xi sa diꞌntsa tsa nandeꞌe sa kaꞌni tsa en kititata sa saꞌa x-kuachi mee tsa tuku xiꞌin sa saꞌa x-kuachi ndidaa ka ñayii.a4 San adi mee tsa nchoxi sa ku kuu tsa dutu kunaꞌnu, Ndios kuu ia sani ñaꞌan, duꞌua kuenta sani ñaꞌan ia xi Aarón.b 5 San duꞌua Cristu ti kidakaꞌnu ia mee ia ndasa na ku kuu ia dutu kunaꞌnu, maska sa Ndios kidakaꞌnu ñaꞌan ia kuenta sadaa ia:
Ku daꞌa ntsu kuu yoꞌo;
kii vita kachi ntsu sa kuu ntsu s-Tata yo.c
6 Kuan duꞌua yodotuni s-toꞌon Ndios:
Yoꞌo kuu dutu ndidaa tiempu
kuenta kúu Melquisedec.d
7 Kuenta io Cristu ñuyii yaꞌa, san oni kana ia xiꞌin ndaꞌyu ia xikataꞌvi ia, san xika ia sa na dita Ndios sa kuu ia,e kuan Ndios io sa tastuni ia sa kada ia. San na koꞌno ia mee ia ndaꞌa Ndios, juandiku Ndios tsáku xi ia san kída ia sa xikataꞌvi Cristu. 8 Kuani kuu ia D̶aꞌa Ndios, doko taꞌan ntseꞌe ia sa kutuꞌua ia sa xininchisa ñaꞌan. 9 San kuenta tuꞌu yaꞌia ia ndidaa jaꞌa, nduu ia ia sañaꞌan sa nanitaꞌvi ndidaa ñayii xininchisa ñaꞌan xi Ndios, 10 kuan Ndios sani ñaꞌan ia san na ku kuu Cristu dutu kunaꞌnu kuenta kuu Melquisedec.
Ma dana ndo andu xininchisa ndo
11 Kuaꞌa ntseꞌe io sa kaꞌan ndo xi ndidaa jaꞌa doko vixi ntseꞌe sa kaꞌan da jni, kuan ntseꞌe ntsee d̶iki ni ndidaa ni. 12 Kuan sa kuu naꞌa ntseꞌe xini ni s-toꞌon Ndios, san sa nandeꞌe sa dakuaꞌa ni ñayii, doko kada nandeꞌe sa dadana ñaꞌan nituku ndidaa sa ti vixi tsaku jni diꞌna nuu xi s-toꞌon Ndios. Kuan kuu ni na daꞌyiki dika kaku sadi meni dikui san vita kachi ka kaxi. 13 Kuan ndidaa nu yiki dika kaku sadi nu meni dikui san ti xini nu sa ndaa xiꞌin sa kuiꞌia, kuan kuu daa nu daꞌyiki.f 14 Doko ñayii sa ku saxi kuu ñayii naꞌnu, ñayii sa kutuꞌua sa nakini nasa kuu sa guaꞌa xiꞌin sa kuiꞌia.