4
Neni io daa sa kachi Ndios sa niꞌi ndo, sa ndexavi taxi ia, na yuꞌu ndo ndidaa ndo, kuan na kada dakaa ni ma niꞌi sa ndexavi yukua. 2 Kuan ntso ndidaa ndo kaꞌan ku ndo toꞌon guaꞌa, san duꞌua ni kaꞌan xi ndidaa ñayii ñuu Israel. Doko ti nandeꞌe sa tsáku s-tsa kuan ti xíninchisa tsa. 3 Doko ntso kuenta guaꞌa xininchisa ndo, niꞌi ndo sa ndexavi ndo sa taxi ia. Kuan duꞌua chonaꞌa Ndios xi ndidaa ñayii ti xininchisa:Kuenta nadiko ku ntsu kachi ntsu
sa ma yii nu sa ndexavi nu sa io ntsu;a
kuani ndidaa sa kidaguaꞌa ia sa xino kuenta kuguaꞌa ñuyii. 4 Kuan yodotuni s-toꞌon Ndios sa kachi ia sa kuu kii ku usa: Kii ku usa ndexavi Ndios xi ndidaa sa kídaguaꞌa ia.b 5 San duꞌua yodotuni tuku: Ma kuañaꞌan ntsu sa ndexavi nu.c 6 Doko kuaꞌaka ñayii kida sa niꞌi sa ndexavi yukua, doko ndidaa tsa tsaku xi diꞌnanuu toꞌon guaꞌa ti xininchisa tsa juandiku ti niꞌi tsa sa ndexavi yukua, 7 Juandiku Ndios sáni ia enka kii, san kii yukua kuu vita, san sa yáꞌia kuaꞌa ntseꞌe tiempu san dini ndidaa toꞌon yaꞌa káꞌan ia san senchiion ia David sa na kaꞌan tsa:
Tu na tsaku yo s-toꞌon ia vita,
ma kada ntsee diki yo ndidaa yo.d
8 Kuan tu Josué sañaꞌan tsa sa ndexavi ndidaa ñayii yaꞌa, san Ndios ma kaꞌan ka ia sa io enka kii ndexavi taxi ia. 9 San duꞌua, io en kii ii ndexavi ndidaa ñayii kuu xuun Ndios. 10 Kuan ñayii niꞌi sa ndexavi yaꞌa ndexavi xi x-chiion xi, duꞌua kuenta Ndios ndéxavi ia xi x-chiion ia.e
11 Na nduku ntsee ndo sa niꞌi ndo sa ndexavi yaꞌa tavin, san nisa en ni ma ku kuu kuenta ndidaa ñayii ti xininchisa tiempu yukua.
12 Kuan s-toꞌon Ndios nchito, san ntsee ntseꞌe. San deen ka sa kuxi en espada uu jnu xi. San yii ntsa sa io espíritu xiꞌin ku alma ndo san ntsa yiki ntsa ñuñu diti, san kida sa ketuu ndidaa sa sani-ini ñayii xiꞌin ntsa ndeꞌe ndidaa sa nchukada ñayii. 13 Kuan atuu dana sa io sa yedaꞌvi xi ia. Kuan ndidaa ntsaꞌa ia, san ndidaa io nchala jnu ia, ia nakua ñaꞌan ndo kuenta xi.
Jesús, Daꞌa Ndios, kuu dutu kunaꞌnu
14 Jesús kuu D̶aꞌa Ndios, ia yaꞌa kuu dutu kunaꞌnu ku ndo, ia kundaa andivi. Juandiku nchoxi sa ndukuntsee ndo xiꞌin sa xininchisa ndo Ndios. 15 Kuan ku dutu kunaꞌnu ndo xini ia sa ti yakui ndo, kuan mee ia táꞌan ia sa taꞌan ndo ndikii, kuan xítotuni ñaꞌan xi ia duꞌua kuenta ni taꞌan ndo ndidaa ndo, doko ti kída ia kuachi. 16 Juandiku xiꞌin nee ku nuu ndo na kuyachi ndo jnu Ndios, sa intsaku ia, san na niꞌi ndo j-gracia ia xiꞌin sa kunda-ini ia, san duꞌua xiꞌin gracia yukua na niꞌi ni ndo sa chintsee ñaꞌan ia ku ndo.