Jesucristu kunaꞌnu ka ia sa kuxi Moisés
3
Juandiku xanii ndidaa dini tsa ndu ii, ndidaa dini tsa kana Ndios ntsa andivi. Kani-ini guaꞌa ni sa Jesucristu kuu tsa tsandaꞌa Ndios xiꞌin dutu kunaꞌnu xininchisa ndo. 2 San xinokuachi ndaa ia xi Ndios ia sañaꞌan chiion yaꞌa, duꞌua kuenta xinokuachi ndaa Moisés kuenta sani ñaꞌan ia sa na tastuni tsa xuun ia.a 3 Doko Ndios kidakaꞌnu ñaꞌan ka ia xi Jesús sa kuxi Moisés. Kuan kuu kuenta en tsa kidaguaꞌa en veꞌe, tsa kidaguaꞌa veꞌe xaꞌvi ka tsa sa kuxi veꞌe. 4 Kuan ndidaa ñayii kidaguaꞌa veꞌe, doko Ndios kuu ia kídaguaꞌa ndidaa ndituꞌu sa io. 5 Moisés xínokuachi ndaa tsa jnu xuun Ndios, kuenta ñayii xinokuachi, san juan dadana ñaꞌan sa kaꞌan Ndios danduu. 6 Doko Jesucristu, kuu D̶aꞌa Ndios san chintsee ia ñayii kuu xuun Ndios. Sa ñuu yukua kuu ntsoo ndidaa ndo. Tu na kininchisa ni on ndo xiꞌin na ku-iꞌni ndo sa niꞌi ndo sa ñoꞌon ku kuanaa ndo.Sa ndexavi sañaꞌan Ndios xi xuun ia
7 Kuan Espíritu Santu kachi:
Tu na tsaku xo ndidaa yo s-toꞌon Ndios kuan vita,
8 ma kada ntsee diki yo ndidaa yo
kuenta kída ndidaa ñayii nduntseꞌe san xítotuni ñaꞌan xi ia desiertu kuan,
9 Xítotuni ñaꞌan tsa ndidaa tsa
san ubi diko kuia xíni ndidaa s-tadeꞌe yo io diꞌna ndidaa milagru kída ntsu.
10 San nádiko ku ntsu xiꞌin ndidaa ñayii ío tiempu yukua,
san kachi ntsu: Mee ni sa nchoj mee yo ndidaa yo kida yo,
san ti tediki yo ichi kachi ntsu.
11 Juandiku nádiko ku ntsu san chónaꞌa ntsu:
Ma taj ntsu sa ndexavi yo.b
12 Guaꞌa ni ndidaa ni xanii, ma koo nisa en ñayii ñoꞌon sa kuiꞌia xanaa xi xiꞌin ti xininchisa sa io ni ndidaa ni xan, san dandoo Ndios nchito. 13 Guaꞌa ka chintsee taꞌan ni ndidaa ni ndikii, neni kudii kii vita; chintsee taꞌan ni ndasa ma dandaa ñaꞌan kuachi kuaan jni, san nduu ntsee xanaa ni. 14 Tu nakuin ndaa ndo xiꞌin sa xininchisa ndo ntsa diꞌna, san duꞌua ni ndaa nakuin ndo ntsa na ndeꞌe ndidaa, san modo yaꞌa kini ndo sa sa niꞌi ndo sa io xi Cristu.
15 Kuenta kachi s-toꞌon Ndios:
Tu vita na tsaku xo s-toꞌon ia,
ma kada ntsee diki yo ndidaa yo
kuenta kída ndidaa ñayii nduntseꞌe.
16 Kuan andu kuu ndidaa tsa da diko-ini ñaꞌan xi ia kuenta dika tuꞌu tsaku s-tsa sa kaꞌan Ndios. Ndidaa tsa kineꞌen Moisés ñuu Egipto kuan kuu tsa duꞌua kída. 17 San andu idiko-ini Ndios ndi uvidiko kuia. Ndidaa tsa kída kuachi san xíꞌi tsa ndidaa tsa desiertu. 18 San andu chonaꞌa Ndios sa ma niꞌi sa ndexavi taxi ia? ndidaa tsa ti xininchisac. 19 Juandiku xini ndo sa ndidaa tsa yaꞌa ti níꞌi tsa sa saꞌa sa ti xíninchisa tsa.