CARTA CHÍDOTUNI PABLO XI TITO
Kada ntse-ini yo ndidaa yo
1
Ntsuꞌu kuu Pablo tsa xinokuachi xi Ndios xiꞌin x-apóstol Jesucristu, sa saꞌa sa xininchisa, sañaꞌan Ndios xi ndidaa ñayii ndekaxi ia, xiꞌin sa saꞌa sa ndaa dádana ñaꞌa Ndios ku ntsu, sa saꞌa sa xininchisa ntsu ia. 2 kuan ñoꞌon ku kuanaa ndo ndidaa ndo sa niꞌi ndo ñuyii ma ndeꞌe, sa kachi Ndios ia ti kida naꞌntsa, kuan duꞌua kachi ia antika sa kesaꞌa ñuyii. 3 San tiempu nchoxi mee ia dádana ñaꞌan ia s-toꞌon ia, san Ndios ia kida sa nanitaꞌvi ndo táꞌvichion ku ntsu sa na kaꞌan ntsu ndidaa toꞌon guaꞌa yaꞌa. 4 Juandiku tsaa ntsu xo vi Tito nu kuu ku daꞌa nchisa ntsu sa saꞌa sa xininchisa ndo: Ndios ia kuu ku Tata ndo xiꞌin ku Toꞌo ndo Jesucristu, ia kida sa nanitaꞌvi ndo, na taxi ia j-gracia ia xiꞌin sa kunda-ini ia xo xiꞌin toꞌon kaꞌnu-ini xo.Chiion kida Tito Creta
5 Dandoo ñaꞌan ntsu Creta xo ndasa na ndada ndaa yo ndidaa sa ti io ndaa, xiꞌin sa na kani yo tsa kuu jnu xi ndiden congregación, kuenta táꞌvichiion ntsu yo. 6 Tsa kuu jnu xi nchoxi sa ku kuu tsa en ñayii io ndaa, tsa tandaꞌa xiꞌin io xiꞌin endini ña deꞌe, tsa io d̶aꞌa xi nu xininchisa, nu ti kida sa kuiꞌia sa duꞌua xiꞌin nu seniꞌno ñaꞌan xi s-tadeꞌe xi. 7 Kuan nandeꞌe sa tsa kuu jnu xi ya na ku kuu tsa en ñayii ti en da kuidokuachi ñaꞌan xi na modo xinokuachi xi Ndios, ma ku kuu tsa en ñayii nchu kunaꞌnu, ma ku kuu tsa en ñayii nadiko kama ntseꞌe xi, ma ku kuu tsa en tsa xini, nisa en ñayii meni sa nchunaa, nisa ñayii nchoxi sa niꞌi daa tuini. 8 Maska sa nchoxi sa ku kuu tsa, en ñayii sañaꞌan noo xeꞌe xi sa na kendoo ñayii, ñayii taꞌan xanaa xi sa kada sa guaꞌa, ñayii sani-ini ndaa, ñayii kida sa ndaa, ñayii io guaꞌa xiꞌin Ndios, ñayii kuu tastuni ñaꞌan xi mee, 9 ñayii in ndaa xiꞌin sa xininchisa toꞌon guaꞌa dákuaꞌa ñaꞌan xi, kuan ndasa na kuu dakuaꞌa ñaꞌan tsa toꞌon ndaa yaꞌa, san na nakani ndaa tsa ndidaa ñayii nakaꞌnu ñaꞌan.
10 Kuan io kuaꞌa ntseꞌe ka ñayii kuiꞌia ti tediki, tsa kaꞌan meni toꞌon kueꞌe toꞌon duꞌua, ñayii dandaa ñaꞌan xi ñayii, san dii ka ndidaa ñayiia Israel duꞌua kida. 11 Ndidaa tsa yaꞌa nchoxi sa na kadi xuꞌu tsa, kuan dadana tsa nee veꞌe ñayii kuan dadana ñaꞌa tsa sa ti kuu, ndasa na niꞌi daa tsa tuini.
12 San dini enb mee tsa káꞌan: “Ndidaa ñayii Creta kuu tsa tsa naꞌntsa, kuu tsa kuenta kititata, tsa meni sa kaxi yeꞌe d̶iki xi, tsa dusa.” 13 Ndidaa sa kachi tsac yaꞌa kuu sa ndaa. Juandiku nduden s-tsa ndidaa tsa, ndasa na kuin ndaa tsa xiꞌin sa xininchisa tsa, 14 san ma danuu tsa ndidaa x-kuentu ndidaa ñayii Israel xiꞌin ndidaa sa taꞌvichiion ndidaa ñayii ti nchoxi sa ndaa.
15 Kuan ndidaa ñayii io ndaa jnu Ndios ndidaa kuu sa ndaa xi ndidaa ñayii yaꞌa, doko ndidaa ñayii ti xininchisa, ndidaa sa ti io ndaa xi ñayii, kuan ntsa sa sani-ini ñayii ti io ndaa. 16 Kaꞌan tsa ndidaa tsa sa xini tsa Ndios doko ndidaa sa kida tsa ti danaꞌa sa xini tsa Ndios; kuu tsa ñayii xini uꞌu, ñayii ti xininchisa ñaꞌan xiꞌin ñayii ti kachi kada nisa en sa guaꞌa.