Nandeꞌe sa kakataꞌvi ndo xi Ndios ndidaa ndo
2
Juandiku taꞌvichiion ntsu sa na kaka yo ndidaa yo xi Ndios, xiꞌin na kukondaꞌvi yo xi ia xiꞌin na kuañaꞌan yo taxaꞌvi xi ia sa saꞌa ndidaa ñayii; 2 káka xi Ndios sa saꞌa ndidaa rey xiꞌin sa saꞌa ndidaa tsa io chiion, kuan ndasa kadi vii ni nakoo ndo xiꞌin na ku kuu ndo ñayii kunda ini xiꞌin ñayii ndaa. 3 Kuan jaꞌa kuu sa guaꞌa xiꞌin sa nataꞌan xanaa Ndios ia kida sa nanitaꞌvi ndo, 4 ia nchoxi sa ndidaa ñayii na nanitaꞌvi xiꞌin nakini ñayii ndidaa sa ndaa. 5 Kuan io endii ni Ndios xiꞌin endini ni ia ndada mani ñaꞌan xi ñayii xiꞌin Ndios, Jesús ia kuu Cristu ia ndúu ñayii ñuyii yaꞌa, 6 ia nakuañaꞌan xuyii xi, ndasa na kee ñayii ndaꞌa kuachi san jaꞌa kuu toꞌon sáñaꞌan ia xi nee ñuyii meru ni ora nandeꞌe. 7 Juandiku ntsuꞌu kuu ntsu en tsa kaꞌan toꞌon yaꞌa, kuan Ndios taꞌvichiion ia sa na ku kuu ntsu x-apóstol Jesús xiꞌin Maestru xi ndidaa ñayii ti kuu ñuu Israel xiꞌin sa na dadana ñaꞌan ndaa ntsu toꞌon ndaa sa kuu sa xininchisa. San jnu Jesucristu kaꞌan ntsu ndidaa sa ndaa yaꞌa; ndasa na kini yo ndidaa yo sa ti kida naꞌntsa ntsu.a8 San nchoj ntsu sa ndidaa tsie na kakataꞌvi xi Ndios ndidaa xichi, san na ndaneꞌe tsa ndaꞌa tsa san na koo ndoo san nisa ma naa tsa san nisa ma ku diko s-tsa. 9 San duꞌua ni ndidaa ñadeꞌe na ndukutu yeñuꞌu ña, san na ku kuu yeñuꞌu ña san ma choꞌon iꞌni ña diki ña, san ma ndukutu ña titsaa xaꞌvi ntseꞌe xi, san nisa diki oro adi yuub xaꞌvi ntseꞌe xi ma kuntsaku ña,c 10 ma kada ndidaa jaꞌa nduku ña guaꞌa ka na kada ña sa guaꞌa, kuenta nandeꞌe sa kada ndidaa ñadeꞌe xininchisa ñaꞌan xi Ndios. 11 Ndidaa ñadeꞌe kadi ni na kunini ña xiꞌin na kutuꞌua ña san na ku kuu yeñuꞌu ña; 12 kuan ti semani ntsu sa ñadeꞌe na dakuaꞌa ñaꞌan ña, nisa sa tastuni ñaꞌa ña xi tsie, maska sa kadi ni na chodoꞌo ña. 13 Kuan diꞌna ka Adán kuan kuguaꞌa,d danduu Eva;e 14 san Adán ti dandaa ñaꞌan s-tsa; maska sa ñadeꞌe kuan, san kuenta dandaa ñaꞌan xan, kída ña kuachi.f 15 Doko ndidaa ñadeꞌe nanitaꞌvi ña ndidaa ña tu io d̶aꞌa ña, tu xininchisa ña, tu io sa xinimani ña, tu io ña modo io ndidaa ñayii ndada ii Ndios, xiꞌin tu kuu ña en ñayii ku vii.