3
Juandiku ti kída ka sa kuntsatu da sa ti xini ñaꞌan da jni ndidaa ni, san ndatoꞌon da ndidaa da sa kendoo da ndidaa ni mee da ñuu Atenas,a 2 san tsandaꞌa da ndidaa da Timoteu ya, nu kuu ku kiani ndo ndidaa ndo, nu xinokuachi xi Ndios xiꞌin nu kidachiion xiꞌin da toꞌon guaꞌa sa kuu s-toꞌon Jesucristu, ndasa na na kadakaꞌnu nu xanaa ni ndidaa ni xiꞌin na chintsee ñaꞌan nu jni sa na kuindaa ni xiꞌin sa xininchisa ni, 3 kuan ndasa nisa en ni ma nayuꞌu sa saꞌa ndidaa sa taꞌan ni; kuan xini guaꞌa ni ndidaa ni sa duꞌua nandeꞌe sa taꞌan ndo. 4 Kuan kuenta ío da sa io ni xan, kachi da sa taꞌan ndo. San duꞌua taꞌan nchisa ni ndidaa ni. 5 Juandiku, ti kída ka sa kuntsatu da ndidaa da, juandiku tsandaꞌa da Timoteu ya, ndasa na kachi toꞌon nu d̶a ndidaa da ncha kuu ni ndidaa ni xiꞌin sa xininchisa ni, kuan na kada kototuni ñaꞌan sakakuiꞌia san ndidaa chiion kída da ndidaa da kada duꞌua da.6 Doko kuenta ndee Timoteu xuun ni ndidaa ni, san nasaa nu sa io da ndidaa da xiꞌin toꞌon guaꞌa, kuan nakani nu sa xininchisa ni on ni xiꞌin xinimani ni, san nakaꞌan ñaꞌan ni d̶a ndidaa ni san nchu kini ñaꞌan ni, kuenta dan ndidaa da nchu kini ñaꞌan da jni tuku. 7 Xanii, juandiku kuani daa taꞌan da ndidaa da adi io ntseꞌe nisidaa da doko kukaꞌnu xanaa da sa niꞌi toꞌon da sa xininchisa ni on ni ndidaa ni; 8 oni kukaꞌnu xanaa da ndidaa da sa ni toꞌon da sa in ndaa ni ndidaa ni xiꞌin sa xininchisa ni ia kuu ku Toꞌo ndo. 9 Juandiku atuu toꞌon kaꞌan da ndidaa da sa kuañaꞌan da taxaꞌvi xi Ndios sa saꞌa ndidaa sa guaꞌa taxi ia sa na ku iꞌni da sa saꞌa ni. 10 Nduu xiꞌin niñu xika da ndidaa da xi Ndios sa na kini ñaꞌan da jni ndidaa ni, san na chintsee ñaꞌan ka da sa na kininchisa ka ni.
11 Doko Ndios ia kuu ku Tata ndo xiꞌin ku Toꞌo ndo Jesucristu, na koꞌno ichi ñaꞌan ia d̶a ndidaa da ndasa na kini ñaꞌan da jni ndidaa ni. 12 San ia kuu ku Toꞌo ndo Jesucristu na dakaya ia xiꞌin na kada ia sa na kinimani taꞌan ni ndidaa mee ni xiꞌin na kinimani ni ndidaa ka ñayii, kuenta xinimani ñaꞌan mee da ndidaa da jni, 13 kuan ndasa na koo ndaa xanaa ni ndidaa ni, san nee tuꞌu ni na ku kuu xaꞌan Ndios san ma en sa kuidokuachi ni ndidaa ni jnu ia, ia kuu ku Tata ndo, kii na ndixi Jesucristu xiꞌin ndidaa ñayii ndada ii ia.