DIꞌNA NUU CARTA CHÍDOTUNI PABLO XI NDIDAA ÑAYII XININCHISA IO ÑUU TESALONICA
Kada ntse-ini ni ndidaa ni
1
Dan kuu Pablo, io da sa io Silvanu xiꞌin Timoteu; chidotuni da carta yaꞌa sa kuxi ndidaa dini ñayii kuu x-congregación Ndios io ñuu Tesalonica, ndidaa dini ñayii kuu xaꞌan Ndios ia kuu ku Tata ndoa xiꞌin ku Toꞌo ndo Jesucristu, ia yaꞌa na taxi j-gracia ia xiꞌin sa na koo kadi ni ndidaa ni.Sa guaꞌa kida ndidaa ñayii xininchisa ñaꞌan xi Jesucristu io Tesalonica
2 Ndikii sañaꞌan da ndidaa da taxaꞌvi xi Ndios sa saꞌa ni ndidaa ni, san nakaꞌan ñaꞌan da jni ndidaa ni ndiden xikataꞌvi da xi Ndios. 3 Ti xavi da nakaꞌan da jnu Ndios ia kuu ku Tata ndo, sa kida ni xiꞌin sa xininchisa ni, chiion kida ni xiꞌin sa kida-ini ni ñayii xiꞌin sa ndukuntsee ni sa ntsatu ni sa niꞌi ni xi ku Toꞌo ndo Jesucristu. 4 Xanii, tsa xinimani Ndios, xini da ndidaa da sa ia yaꞌa ndekaxaꞌan jni ndidaa ni; 5 kuan s-toꞌon guaꞌa Jesucristu sa kaꞌan da ndidaa da jni, ti saa xiꞌin toꞌon duꞌua ni, maska sa saa xiꞌin sa tastuni Espíritu Santu, san dan ndidaa da kaꞌan da kuan xini da sa sa ndaa kuu. Kuan xiniguaꞌa ni ncha kuu da ndidaa da kuenta saꞌan da sa io ni ndidaa ni kuan xinimani ñaꞌan da jni ndidaa ni.
6 Kuan dini ndidaa ni kída ni, duꞌua ni kuenta ni xíni ni na modo io da ndidaa da, xiꞌin modo ío ia kuu ku Toꞌo ndo, san oni ku iꞌni ni ndidaa ni xíninchisa ni kuani daa táꞌan ntseꞌe ni, kuan Espíritu Santu táxi sa na ku-iꞌni ni ndidaa ni, 7 san duꞌua kúu ni ndidaa ni ejemplu xi ñayii xininchisa io Macedonia xiꞌin Acaya. 8 Kuan s-toꞌon Ndios kée ntsa sa io ni ndidaa ni, san adi ni Macedonia ya xiꞌin Acaya ya, maska sa ndidaa xichi ku vaa ku dii na modo xininchisa ni ndidaa ni Ndios, juandiku dan ndidaa da nisa ti nandeꞌe ka sa kaꞌan da; 9 kuan dini ndidaa ñayii yaꞌa nakani na modo kída sa xininchisa ni ndidaa ni xiꞌin na modo nádama ni sa xu kininchisa ni ndidaa sa kuu idolo san na kíninchisa ni xiꞌin xinokuachi ni xi Ndios nchito, ia kuu Ndios nchisa, 10 san ntsatu ni xi d̶aꞌa ia, ia ndixi ntsa andivi, ia ndáneꞌe ñaꞌan xi sa io ndidaa ndii, ia kuu Jesucristu, ia dita sa diko-ini ñaꞌan ntseꞌe Ndios ku ndo, sa kixi kii ndaka ia kuachi.