Sa xaꞌvi nchisa xi
3
San vita vi xanii, ku-iꞌni ni xi ia kuu ku Toꞌo ndo. Ti ku ñaña da sa tsaa nituku da dini sa tsaa da jni, kuan ndidaa nandeꞌe jni. 2 Guaꞌa ni xiꞌin ndidaa ñayii kida kuenta ina, guaꞌa ni xiꞌin ndidaa ñayii ti xinokuachi ndaa xi Ndios, guaꞌa ni xiꞌin ndidaa ñayii tseyeka ñaꞌan jni sa na kada circuncidara ni. 3 Kuan ntso ndidaa ndo io circuncisión nchisa kuan ku ndo, ndidaa ntso ñayii xinokuachi xi ia xiꞌin Espíritu, san ku iꞌni ndo sa saꞌa Jesucristu, kuan ia yaꞌa kukaꞌnu-ini ndo, adii kukaꞌnu-ini ndo sa kida ndo. 4 San kuani dan io sa kukaꞌnu-ini da mee da ndasa na nanitaꞌvi da. Tu io ñayii nchu kukaꞌnu-ini ndidaa sa kida ndasa na nanitaꞌvi, dan io kuaꞌa ntseꞌe ka sa kukanu-ini da: 5 ndu una kii sa kaku da kida circuncidarb ñaꞌa d̶a, kuu da j-raza Israel, kee da s-tribu Benjamín, c kuu da hebreu nchisa; kúu fariseu san ndaa ntseꞌe xu kada da ndidaa sa kachi ley;d 6 xu ku kuiño ntseꞌe da xi Ndios juandiku xu kuiko da ndidaa ñayii kuu x-congregación Ndios;e san tu kuu ley, ti en xu kaꞌan d̶a kuan ndidaa sa yodotuni xu kada da. 7 Doko didaa sa xu kani-ini da sa xaꞌvi xi, ndidaa juan ti nandeꞌe ka kuan vita xinimani da Jesucristu maska sa kuxi ndidaa juan. 8 Sa ndakuiti kuu sa ndidaa sa xu kani-ini da sa xaꞌvi ntseꞌe xi io d̶a, sani-ini da sa ti xaꞌvi ka xi kuan ti ndu taꞌan xiꞌin sa xini da Jesucristu, ia kuu S-toꞌo da, kuan sa saꞌa Jesucristu dandoo da ndidaa sa xu kani-ini da sa xaꞌvi xi, kuan sani-ini da sa ndidaa jaꞌa kuu miꞌin san ti xaꞌvi ka xi, ndasa na koo da xiꞌin Jesucristu, 9 san na koo da xiꞌin ia san adi sa saꞌa sa xíninchisa da ley maska sa sa saꞌa sa xininchisa da Jesucristu kuan jaꞌa kida sa na kuin ndaa da jnu Ndios; 10 san duꞌua na kini da andu kuu Jesucristu, xiꞌin nchu kini da sa tastuni ia sa senchiion ia kuenta kida ia sa nandoto ia, xiꞌin sa taꞌan da ndidaa sa taꞌan ia, xiꞌin sa ndeꞌe da modo ndeꞌe ia, 11 san ñoꞌon xanaa da sa nandoto da sa io ndidaa ndii.12 Ti nchukachi da sa sa níꞌi da ndidaa jaꞌa, doko nduku ntsee da sa niꞌi da kuan Jesucristu kána ñaꞌan ia d̶a sa na niꞌin da. 13 Xanii, adi sa sa niꞌi da ndidaa jaꞌa; doko jaꞌa kida da: dana da ndidaa sa xu kininchisa sa diꞌna san nduku ntsee da sa niꞌi da sa io jnu xi, 14 ndasa na xinotaꞌan ichi yaꞌa, sa na niꞌi da premiu kachi Ndios sa kuañaꞌan ia xi ndidaa ñayii kána ia sa saꞌa Jesucristu.
15 San duꞌua ntso ndidaa ndo kuenta guaꞌa sa in nstee ndo xiꞌin sa xininchisa ndo, nchoxi sa eni na kani-ini ndo; doko tu dakaa ni sani-ini ni tuku tuku, Ndios kada ia sa na kini ni nasa kada ni. 16 Doko na koo ndo modo kutuꞌua ndo, eni sa na kunchiko ndo ndidaa ndo, san eni na kani-ini ndo ndidaa ndo.
17 Xanii, kada ni sa kida da,f san ntsaꞌa ni ndidaa tsa ndinoo kuenta dan ndidaa da san duꞌua kada ni ndidaa ni. 18 Sa káꞌan da kuaꞌa ntseꞌe viaji, san vita kachi toꞌon nituku da san oni saku da, sa kuaꞌa ñayii ti xinimani sa kída Jesucristu cruz. 19 San sa niꞌi tsa yaꞌa ndidaa tsa kuu sa kuita tsa; kuan j-ndios s-tsa kuu xiti tsa kuan meni sa kaj s-tsa sani-ini tsa; san chiñuꞌu tsa ndidaa sakanuu kida tsa; kuan sani-ini tsa meni sa io ñuyii yaꞌa. 20 Doko ntso ndidaa ndo, ku kiun ndo io andivi, san ntsatu ndo sa ntsa juan ndixi ia kada sa nanitaꞌvi ndo ia kuu Jesucristu. 21 San ia yaꞌa ndada ku kikikoño ndo sa tsaꞌyu ya, ndada ia kuenta ka xikikoño mee ia sa sandutsa, san duꞌua kada ia xiꞌin sa tastuni ia, kuan ndaꞌa ia yeꞌe ndidaa sa io.