Ndi kii ku-iꞌni ni xiꞌin ia kuu ku Toꞌo ndo
4
Juandiku vi xanii, ndidaa dini tsa kida ini ntseꞌe da xiꞌin nchu kini ntseꞌe da, ndidaa dini ñayii kida sa ku iꞌni da xiꞌin ndidaa dini ñayii kuu x-corona da, duꞌua ni koo ndaa ni xi ia kuu ku Toꞌo ndo, ndidaa dini tsa xinimani ñaꞌan ntseꞌe xi.2 Xika da xi Evodia xiꞌin Síntique sa na ndatoꞌon ña nduu ña san eni na kani-ini ña nduu ña sa saꞌa ia kuu ku Toꞌo ndo. 3 San duꞌua ni xika da jni tuku dini tsa kidachiion xiꞌin da tsa ti nayuꞌu, xika da sa na chintsee ñaꞌan ni xi ña xan nduu ña kuan chíntsee ñaꞌan ntseꞌe ña d̶a kuenta xu kaꞌan da toꞌon guaꞌa ya, Clemente xan tuku xiꞌin ndidaa ka tsa kuu tsa kidachiion xiꞌin da, ndidaa tsa sa yodotuni tutu natuu, sa yodotuni ñayii koo ndidaa tiempu xiꞌin Ndios.
4 Ku-iꞌni ni xiꞌin ia kuu ku Toꞌo ndo. Kachi nituku da ¡ku-iꞌni ni! 5 Ndidaa ñayii nakini ñaꞌan jni sa kuu ni en ñayii guaꞌa. ¡Kii ndixi ia kuu ku Toꞌo ndo kuyachi!
6 Ma ndiꞌi xanaa ni sa saꞌa jaꞌa jukua; guaka kaka ni xi Ndios sa saꞌa ndidaa sa nandeꞌe jni, káka ni xiꞌin kokondaꞌvi ni xi ia, san kuañaꞌan ni taxaꞌvi xi ia. 7 San sa koo kadi taxi Ndios, sa ti saa taꞌan xiꞌin ndidaa sa sani-ini ñayii, na koꞌno guaꞌa xanaa ni xiꞌin ndidaa sa sani-ini ni ndidaa ni sa saꞌa Jesucristu.
Kani-ini ni ndidaa sa kuu sa guaꞌa
8 Vita vi xanii, kani-ini ni ndidaa sa kuu sa ndakuiti, ndidaa sa ti dandaa ñaꞌan, ndidaa sa ndaa, ndidaa sa io ndoo, ndidaa sa kuu guaꞌa, ndidaa sa nani sa guaꞌa. Tu io sa kaꞌan guaꞌa, tu io en sa nandeꞌe sa kadakaꞌnu, jaꞌa kani-ini ni ndidaa ni.
9 Sa kutuꞌua ni, sa níꞌi ni, sa tsáku jni xiꞌin xíni ni sa kida da, jaꞌa kada ni ndidaa ni; san Ndios ia kida sa kadi ni nakoo xanaa ni, koo ndikii xiꞌin ni ndidaa ni.
Ndidaa sa tsandaꞌa ndidaa ñayii io ñuu nani Filipo sa kuxi Pablo
10 Ku-iꞌni ntseꞌe da xiꞌin ia kuu ku Toꞌo ndo sa sani-ini nituku ni ndidaa ni sa saꞌa da. Ti nchukachi da sa dána ñaꞌan ni d̶a, doko ti ío modo kada ni sa chintsee ñaꞌa ni ndidaa ni d̶a. 11 Adi kaꞌan da kuan atuu dana sa io d̶a, kuan sa ku ini da sa ku kuu iꞌni da kuani nasa na taꞌan mee da. 12 Xini da sa ndaꞌvi, xiꞌin sa kuika. Kutuꞌua da sa koo da xiti ndidaa jaꞌa, kutuꞌua da sa koo vaa d̶a adi ora ti io nisadana, sa koꞌon chitu da xiꞌin sa taꞌan da doko. 13 Ndidaa jaꞌa kuu kida da kuan Jesucristu chintsee ñaꞌan d̶a. 14 Doko dini ndidaa ni guaꞌa kída sa chintsee ñaꞌan ni ndidaa ni d̶a kuenta táꞌan ntseꞌe da.
15 San ndidaa dini Filipenses, xini ni sa kuenta kesaꞌa káꞌan toꞌon guaꞌa yaꞌa kuenta kee da Masedonia, nisa en congregación ti taxi xiꞌin ti niꞌi, meni dii ni ndidaa ni. 16 Kuan ntsa ora io da Tesalónicaa chintsee ñaꞌan ni on ni kuan ntsa juan tsandaꞌa mediu keꞌen guelta ndasa na kueen da sa nandeꞌe d̶a.b 17 Adii kaꞌan da kuan nchoj d̶a sa na tsandaꞌa ka ni d̶a, sa nchoj d̶a kuu sa na kada ni jaꞌa kuan duꞌua nataꞌan xanaa Ndios sa na kaya ndidaa sa guaꞌa yaꞌa jni san mee ia taxi xaꞌvi ni ndidaa ni. 18 Kuan dan níꞌi da ndidaa sa nandeꞌe d̶a san oni kendoo ka d̶a, sa tsandaꞌa ni d̶a neꞌe Epafrodito ya vaxi, io vaa d̶a. San sa tsandaꞌa ni ya kuu kuenta en sa doko sa saꞌan tami,c sa na taꞌan ntseꞌe xanaa Ndios. 19 J-Ndios d̶a taxi ia ndidaa sa nandeꞌe jni ndidaa ni sa saꞌa Jesucristu, kuenta guaꞌa tastuni ia xiꞌin sa io xi ia. 20 San Ndios ia kuu ku Tata ndo na kukaꞌnu na ku duku ia ndikii. Duꞌua na kuu.
Kada ntse-ini ni ndidaa ni
21 Na kada ntse-ini xi ndidaa ñayii ndada ii Jesucristu. Kada ntse-ini jni ndidaa ni kachi ndidaa ku kiani ndo tsa io jaꞌa. 22 Ndidaa ñayii ndada ii ia kachi sa na kada ntse-ini jni, doko na kada ntse-ini ntseꞌe ka jni ndidaa ni kachi ndidaa tsa io xeꞌe César kuaan.
23 J-gracia ia kuu ku Toꞌo ndo Jesucristu na koo xiꞌin ni ndidaa ni. Duꞌua na kuu.