Sa xaꞌvi xi kuu sa xinimani
13
Kuani na kaꞌan da nadataꞌan nadatuꞌu daꞌan kaꞌan ñayii io nee ñuyii adi daꞌan kaꞌan ndidaa ángel, doko tu atuu sa xinimani da, san kuu da na en lata kantsa adi en kaa kantsa duꞌua. 2 Tu kaꞌan da profecia adi tu xini da sa yeguaꞌa xi ia doko ti io sa xinimani da, san nisadana ti nandeꞌe. San tu io ntseꞌe sa xininchisa da Ndios san oni na kada da sa na kani ndidaa tinduu.a Doko tu ti io sa xinimani da san nisadana ti kuu da. 3 San tu na kuañaꞌan da ndidaa sa io d̶a ndasa na niꞌin sa kaxi ndidaa ñayii kundaꞌvi, san tu na kuañaꞌan da mee da ndasa na dakayu ñaꞌan d̶a, doko tu ti io sa xinimani da san nisadana ti nandeꞌe.4 Ñayii xinimani ndidaa kuyakui, san ndikii kuu guaꞌa ñayii. Ñayii xinimani ti io sa kuadu xi ñayii, san nisa ti ku naꞌnu ka ñayii sa kuxi ndidaa ka ñayii. San nisa ti iꞌni ñayii. 5 Ti kida sa kuiꞌia, ti nduku sa kuxi mee. Ti nadiko xi, san ti choꞌon xanaa xi. 6 Ti ku-iꞌni xiꞌin sa kuiꞌia, maska sa ku-iꞌni xiꞌin sa ndaa. 7 Ñayii xinimani kuyakui ndidaa sa taꞌan, ndidaa xininchisa, ndidaa saku ntsatu, ndidaa kuyakui.
8 Sa xinimani ti ndeꞌe. Doko ndidaa profecía ndeꞌe, san ndeꞌe ndidaa daꞌan táxi x-espíritu Ndios, san ndeꞌe ndidaa don sa tediki. 9 Kuan taꞌa ni xini ndo san taꞌa ni sa xini ndo kaꞌan ndo; 10 doko ora na kixi sa kuu sa ndakuiti, san ndeꞌe sa taꞌa ni xini ndo.
11 Kuenta kúu da nuliin, xu kaꞌan da na nuliin, xu kani-ini da na nuliin, xu ku kuu da na nuliin; doko vita kuu da ñayii naꞌnu, san dandoo da sa kida nuliin. 12 Kuan kuu kuenta sa ntsaꞌa ndo en s-peju san yaa yaa tuu ku nuu ndo, doko kii yukua kini ndo Ndios. Kuan vita ti xini ñaꞌan ndaa da; doko kii yukua kini ñaꞌan da xi ia kuenta xini ñaꞌan ia xi mee da. 13 San vita io, sa xininchisa ndo Ndios, sa ñoꞌon ku kuanaa ndo sa kada ia sa kachi ia, xiꞌin sa xinimani, san ndi uni jaꞌa sa kaꞌnu ka kuu sa xinimani.