Ndidaa sa ti kída ndaa Israel
10
Xanii, nakaꞌan ni sa ndidaa ku ta deꞌe ndo io diꞌna na modo taꞌantsa tsa ndidaa tsa mar x-kaꞌa en víko.a 2 San sa saꞌa sa xu ndinoo tsa xiꞌin Moisés séndutsa tsa xiꞌin viko xiꞌin mar. 3 San ndidaa tsa sáxi comida espiritual sañaꞌan Ndios,b 4 xiꞌin ndidaa tsa xíꞌi ndutsa espiritual sa kée yuu espiritual ndínoo xiꞌin tsa,c San yuu yukua kuu Jesucristu, kuan ndínoo ia xiꞌin tsa ndidaa tsa. 5 Doko kuaꞌa ntseꞌe tsa yaꞌa ti taꞌan-ini Ndios, juandiku xiꞌi tsa ndidaa tsa desiertu.d6 San jaꞌa táꞌan ndasa na kini ndo ndidaa ndo, ndasa ma nchoj ndo sa kada ndo sa kuiꞌia, kuenta kída ndidaa ñayii yukua.e 7 Juandiku nisa ma chiñuꞌu ni idolo kuenta kída dagua ñayii yukua. Kuan duꞌua yodotuni s-toꞌon Ndios: Kukoo ndidaa ñayii sa kaj s-tsa xiꞌin sa koꞌo tsa, san danduu ndukuin tsa sa katasaꞌa tsa ndidaa tsa sa chiñuꞌu tsa idolo.f 8 San nisa ma koo ni xiꞌin ñayii ti tandaꞌa xiꞌin ni, kuenta kída ñayii ío ndidaa kii yukua, san en kii ni xiꞌi oko uni mil ñayii.g 9 Ma kototuni ndo ia kuu ku Toꞌo ndo, kuenta kída ndidaa ñayii yukua tuku, kuan xítotuni ñaꞌan tsa san tén ñaꞌan koo s-tsa san xiꞌi tsa.h 10 San nisa ma kaꞌan kuiꞌia ni xi Ndios kuenta kída dagua ñayii ío, san kíxi ángel tastuni sa kaꞌni ñaꞌan, san saꞌni ñaꞌan s-tsa ndidaa tsa.i
11 Ndidaa jaꞌa kuu sa táꞌan ndasa na kini ndo sa yodotuni toꞌon yaꞌa, ndidaa ntsooo ñayii io ndidaa kii último. 12 San juandiku tsa sani-ini sa io ndaa, ntseꞌe guaꞌa tsa kuan na kada tsa kuachi. 13 Eni xitotuni ñaꞌan jni sa kada ni kuachi sa kuxi ndidaa ka ñayii. Doko koꞌon xanaa ni sa ora na kototuni ñaꞌan jni Ndios kada ia sa na kuyakui ni xiꞌin taxi en ia modo kee ni sa xitotuni ñaꞌan jni, kuan Ndios ma dandoo ñaꞌan ia jni.
14 Juandiku vi xanii, ma eni chiñuꞌu ndidaa idolo. 15 Xini da sa dini ndidaa ni kutuni jni, san xini da sa sakuituni xanaa ni ndidaa toꞌon kaꞌan da jni. 16 Ora teen ndo copa ñoꞌon vinu tinchiꞌio san xika ndo sa na kada ii Ndios san vinu yaꞌa nchukachi sa kuu ndo eni xiꞌin Jesucristu sa saꞌa j-niñi ia. San duꞌua ni ora taꞌvi ndo ita-stila kuaan tuku, san ndidaa ndo saxi ita-stila yukua, san juan nchukachi sa kuu ndo eni xiꞌin ia sa saꞌa xikikoño ia.j 17 San kuani kuaꞌa ntseꞌe ndo doko saj ndo ndidaa ndo endini ita-stila san juandiku ku ndo endini yikikoño.
18 Ntsaꞌa ni ndidaa ñayii ñuu Israel: Ndidaa ñayii saxi x-koño kititata sa doko xi Ndios sa sakodo jnu altar, juan kida sa kuu tsa eni ndidaa tsa xiꞌin ia sa saꞌa sa saj tsa koño kuan.k 19 San adi jaꞌa nchu kachi sa ndidaa idolo xaꞌvi xi adi koño doko xi idolo. 20 Sa nchu kachi da kuu sa ora ndidaa ñayii ti kuu xaꞌan Ndios doko en sa doko, san tachi kuiꞌia doko ñayii xi, san adi xi Ndios;l san ti nchoj da sa na ku kuu ni eni xiꞌin tachikuiꞌia. 21 Kuan ti guaꞌa sa koꞌo ni ndidaa ni x-copa Ndios, san koꞌo ni x-copa ndidaa tachikuiꞌia. San ti guaꞌa sa kuntsaku ni kaj ni jnu mesa Ndios xiꞌin sa kuntsaku ni kaj ni jnu mesa ndidaa tachikuiꞌia kuaan tuku. 22 Ña ama nchoj ni sa na nadiko xi Ndios?m Ña ntseꞌe ka ni sa kuxi ia?
Na kada ndo ndidaa sa guaꞌa sa kuxi Ndios
23 Ndidaa guaꞌa ni kada da, doko adi ndidaa kuu sa guaꞌa;n ndidaa guaꞌa ni kada da, doko adi ndidaa chintsee ñaꞌan. 24 Nisa en ñayii ma nduku ni sa guaꞌa xi mee, guaꞌa ka na nduku sa guaꞌa xi enka ñayii tuku.
25 Kaj ni ndidaa koño kuyaꞌvi, san ma ndukutoꞌon ni ami kée ndasa ma kani-ini ni; 26 Kuan xaꞌan Ndios kuu nee ñuyii xiꞌin ndidaa sa io xi.o
27 San tu en tsa ti xininchisa ñaꞌan xi Jesucristu na kana ñaꞌan jni, san nchu kiꞌin ni, kaj ni ndidaa sa nataj s-tsa jni, san ma ndukutoꞌon ni ami kée ndasa ma kani-ini ni. 28 Doko tu dakaa ñayii na kachi jni: Jaꞌa doko ñayii xi idolo, ma kaj ni sa saꞌa tsa duꞌua kachi kuan, kuan na kada ncha kani-ini tsa; kuan xaꞌan ku Toꞌo ndo kuu nuꞌu ya xiꞌin ndidaa sa io. 29 Kaꞌan da sa sani-ini ñayii yaꞌa san adi sa sani-ini dini.
“Kuan naku dandoo da sa kaj da en sa kaj da sa saꞌa sa sani-ini enka ñayii? 30 Kuan tu sañaꞌan da taxaꞌvi xi Ndios sa saꞌa xi sa saj da, san naku kaꞌan kuiꞌia ñayii xi sa kida da?” 31 Juandiku tu nakaj ni adi na koꞌo ni, adi dakaa chiion na kada ni, kada ni sa saꞌa Ndios kuan na kukaꞌnu ia. 32 Ma kada ni sa kada ñayii kuachi, nisa ñayii kuu ñuu Israel san nisa ñayii ti kuu ñuu Israel, san nisa xi x-congregación Ndios. 33 Duꞌua kuenta kida dan, kuan ti nduku da sa guaꞌa xi mee da maska sa nduku da sa guaꞌa xi ñayii, ndasa na nanitaꞌvi ñayii.