Pablo kaꞌan tsa sa satakaa ñaꞌan xi Jesucristu
2
Juandiku xanii, kuenta saꞌan da sa kaꞌan da jni ndidaa ni sa kída Ndios, ti saꞌan da xiꞌin toꞌon vixi ntseꞌe adi xiꞌin toꞌon kutuni xi. 2 San kuenta ío da sa io ni ndidaa ni ti nchú kini da nisadana, maska sa kuu Jesucristu ia i-nchitakaa cruz. 3 San ío da sa io ni, san oni ku vita da, xiꞌin oni kidiñaꞌa d̶a xiꞌin yuꞌu ntseꞌe da.a 4 San kuenta dakuaꞌa ñaꞌan da jni ndidaa ni s-toꞌon Ndios, ti kaꞌan da xiꞌin toꞌon vixi, ndasa na kininchisa ni Ndios xiꞌin x-espíritu ia xiꞌin sa tastuni ia kída sa xíninchisa ni ndidaa ni, 5 san duꞌua xíninchisa ni ndidaa ni, sa saꞌa sa tastuni Ndios, san adi sa ntseꞌe vili kaa en toꞌon nundaꞌa ñayii kída sa xininchisa ni.Ndios dadana ñaꞌan ia nasa nchu kada ia
6 Doko ora kaꞌan da ndidaa da xiꞌin ndidaa ñayii sakuituni guaꞌa xanaa xi s-toꞌon Ndios, kaꞌan da ndidaa da toꞌon kutuni xi xiꞌin tsa. Doko adi sa kutuni xi io ñuyii yaꞌa nisa sa kutuni xi ndidaa ñayii tastuni ñuyii yaꞌa kuan ndidaa jaꞌa ndeꞌe. 7 Ntso ndidaa ndo dakuaꞌa ñaꞌan ndo xiꞌin toꞌon kutuni xi, sa kée ndaꞌa Ndios. Ndidaa toꞌo yukua kuu sa kaꞌan nasa nchu kada Ndios, sa yeguaꞌa ntsa antika sa kuguaꞌa ñuyii, ndasa na niꞌi ndo sa kaꞌan guaꞌa ku ndo. 8 Kuan ndidaa toꞌon yukua ti sákuituni xanaa ndidaa ñayii tastuni io ñuyii yaꞌa. Kuan tu sakuituni xanaa tsa ndidaa tsa, san ma katakaa tsa ndidaa tsa ku Toꞌo gloria ndo. 9 Doko duꞌua yodotuni:
Sa ti xíni nduchinuu xiꞌin sa ti tsáku xi doꞌo,
sa nisa ti en sáni-ini, kídaguaꞌa Ndios xi ñayii xinimani ñaꞌan xi ia.b
10 Doko Ndios dánañaꞌa ia ndidaa jaꞌa ku ndo ndidaa ndo, sa saꞌa x-espíritu ia; kuan x-espíritu Ndios xini ndidaa sa io xi Ndios.
11 Kuan ti en xini nasa sani-ini enka ñayii. Meni x-espíritu ñayii ku sa xini sa sani-ini ñayii, san duꞌua tuku meni x-espíritu Ndios xini nasa sani-ini ia. 12 Kuan ntso ti sani-ini ndo kuenta sani-ini ñayii ñuyii yaꞌa, kuan io Espíritu táxi Ndios ku ndo, ndasa na kini ndo sa Ndios taxi ia sa guaꞌa ku ndo. 13 San ndidaa sa kuu juan káꞌan da jni doko adi xiꞌin sa kutuni xi io ñuyii yaꞌa maska sa kaꞌan da s-toꞌon Ndios jni xiꞌin x-espíritu ia.
14 Doko ñayii ti io Espíritu Ndios xi, ti sakuituni xanaa ñayii sa dakuaꞌa ñaꞌan Espíritu Ndios, kuan sani-ini ñayii sa kuu en sa ndukueꞌe, kuan ndasa en ñayii na kukuintuni xanaa xi sa dakuaꞌa ñaꞌa x-espíritu Ndios nandeꞌe sa chintsee ñaꞌa x-espíritu Ndios xi ñayii yaꞌa. 15 Kuan ñayii chintsee ñaꞌa x-espíritu Ndios kuaan xi, kuu tediki tsa ñayii ti io x-espíritu Ndios xi, doko ñayii ti io x-espíritu ia xi ti tediki ñaꞌa tsa xi ñayii yaꞌa. 16 Kuenta kachi s-toꞌon Ndios: “Andu xíni sa sani-ini tsa Toꞌo? Andu kuu dakuaꞌa ñaꞌan s-tsa?”c Doko ntsoo ndidaa ndo sani-ini ndo kuenta sani-ini Jesucristu.