Sa ndee ñayii tandaꞌa
7
Xanii, ndidaa dini xini ni ley, san xini guaꞌa ni sa tastuni ñaꞌan ku ndo neni io ndo ñuyii. 2 Kuan ñadeꞌe io xee xi yeꞌe ña ndaꞌa xee ña neni io tsa ñuyii, doko tu xee ña na ndeꞌe tsa, san ñadeꞌe kendoo ña san ti yeꞌe ka ña ndaꞌa xee ña. 3 Doko tu sa koo ña xiꞌin enka tsie neni io xee ña, san kuachi kuu sa io ña xiꞌin tsa ti kuu xee ña. Doko tu xee ña xiꞌi tsa san kendoo ña san ti yeꞌe ka ña ndaꞌa xee ña san guaꞌa ni nakoo ña xiꞌin enka tsie san adii kuachi kuu.4 San duꞌua ni io dini ndidaa ni vi xanii. Kuan sa xiꞌi Jesucristu, juandiku ti tastuni ñaꞌan ka ley kuan jni. San vita yeꞌe ni ndidaa ni ndaꞌa Jesucristu, ia kída Ndios sa nandoto. Ndasa vita na kuinokuachi ndo xi ia san na kada ndo sa guaꞌa sa nchoxi ia. 5 Kuan nee ío ndo xiꞌin ku kuachi ndo san ley kuaan xu kada sa na kada ka ndo kuachi, san sa niꞌi ndo kuu sa ndeꞌe ndo. 6 Doko vita ley ti kachi ka tastuni ñaꞌan ku ndo. Kuan sa xíꞌi ndo xi. Ndasa na kuinokuachi ndo xi Ndios. Kuan ti kida ka ndo sa xu kada ndo kuenta xu kini ndo ley, kuan vita kida ndo sa taꞌvichiion Espíritu Santu.
Kuachi io xi xikikoño da
7 Jaꞌa nchu kachi sa ley kuu kuachi ña? ñaꞌan, kuan tu ti io ley, san ma en kini sa io x-kuachi xi. Tu ley ti kachi: “Ma nchoj ntsaa ndo sa io xi enka ñayii” san duꞌua xini da sa jukua kuu sa kuiꞌia tu duꞌua kida da.a 8 Kuan tu ley kuan ti kachi, ma nchoj ntsaa yo sa io xi enka ñayii dan ma nchoj ntsa da, doko ley kuan kída sa na nchoj ntsaa da, kuan tu ti io ley san ti io kuachi. 9 Dan ti xu kini da ley, doko kii xíni da, ora yukua xíni da sa kaꞌnu kaꞌnu kuachi io d̶a, san dan xíꞌi da 10 san xíni da sa sa kachi sa niꞌi da ñuyii, kada xíꞌi da kída. 11 Kuan kuachi kuaan teen ñaꞌan xiꞌin sa taꞌvichiion ley kuaan d̶a, san dádana ñaꞌan d̶a san xiꞌin juan sáꞌni ñaꞌan d̶a.
12 Kachi ndo tuda, sa ley táxi Ndios, san ndidaa sa taꞌvichiion kuu sa guaꞌa, sa ii xiꞌin sa ndaa. 13 Ley kuu sa guaꞌa yaꞌa san kida sa xiꞌi da ña? Ñaꞌan. Sa kida sa xiꞌi da kuu kuachi, kuan kuachi kida sa sa guaꞌa kuaan nduu kuachi. San duꞌua sa saꞌa sa táꞌvichiion danaꞌa ncha kuiꞌia ka kuu kuachi ndo.
14 Kuan xini ndo sa x-Espíritu Ndios táxi ley, doko dan kuu da koño, san kuachi kidanar ñaꞌan d̶a. 15 Kuan ti xini da nasa kuu sa kida da, kuan ti kida da sa nchoj da; kada sa ti taꞌan xanaa da kida da.b 16 San tu kida da sa ti taꞌan xanaa da, juan nchu kachi sa ley kuu sa guaꞌa. 17 San adi dan kida sa kuiꞌia kida da, kuachi io d̶a ya kida sa duꞌua kida da. 18 Kuan dan xini da sa ti io nisadana sa guaꞌa d̶a, san nisadana sa guaꞌa ti kachi kada da, san kuani nchu kada nchisa da sa ndaa, doko ti kachi kada da. 19 Kuan ti kida da sa guaꞌa nchu kada da; kada sa kuiꞌia ti nchu kada da kida da. 20 San tu kida da sa ti nchu kada da, san adi dan kuu sa kida, kuachi io d̶a ya kida.
21 Juandiku ndiden ora nchu kada da sa ndaa, ti kachi kada da, kuan kuachi io d̶a ya kida. 22 Kuan xanaa da nchoxi j-ley Ndios; 23 Doko xini da sa io enka ley xi xikikoño da ya san naa xiꞌin j-ley Ndios, nchoxi xanaa da, san jukua kida sa kida ni on da kuachi.