Sa xininchisa Abraham
4
Nasa kachi ndo sa níꞌi Abraham ku tadeꞌe ndo tsa ío ñuyii yaꞌa?, Abraham kuu tsa taxisaꞌa ku kiun ndo Israel. Na modo naniꞌi tsa sa xíniguaꞌa ñaꞌan Ndios s-tsa? 2 Kuan tu Abraham xíniguaꞌa ñaꞌan s-tsa jnu Ndios sa ti io x-kuachi tsa, sa saꞌa xi sa guaꞌa xu kada tsa, san guaꞌa ni ku-iꞌni ni mee tsa, san adi ku-iꞌni tsa jnu Ndios. 3 Kuan duꞌua yodotuni s-toꞌon Ndios? Sa xíninchisa Abraham kuaan Ndios, juandiku Ndios xíniguaꞌa ñaꞌan ia kuenta ñayii atuu x-kuachi xi.a 4 Kuan tsa kidachiion, tuini niꞌi tsa adii niꞌi daa tsa, kuan tuini niꞌi tsa kuu xaꞌvi tsa, sa níꞌi tsa sa kídachiion tsa; 5 doko adi sa kida ñayii kida sa Ndios dandoo ia x-kuachi ñayii, maska sa sa xininchisa ñayii juandiku Ndios ti da kuidokuachi ia ñayii io x-kuachi xi. 6 San duꞌua ni kachi rey David kuaan tuku: Guaꞌadiko ndidaa ñayii ti da kuidokuachi Ndios sa na kinimani ñaꞌan ia xi, kuan sa saꞌa xi sa xininchisa ñaꞌan ñayii xi Ndios kuu, san adi sa saꞌa chiion kida ñayii, 7 san kachi tsa tuku:Guaꞌadiko ndidaa ñayii sakoo Ndios sa kaꞌnu-ini sa saꞌa xi xiꞌin ndidaa sa kuiꞌia kída ñayii san ti ntsaꞌa ia x-kuachi ñayii.
8 Nakuiꞌni ñayii ti danuu Ndios x-kuachi xi.b
9 San ndidaa toꞌon guaꞌa yaꞌa, kaꞌan xi ndidaa ni ñayii io circuncidadu, ña kaꞌan xi ndidaa ñayii ti io circuncidadu tuku? Kuan Abraham kuaan kachi ndo sa sa xíninchisa ñaꞌan tsa xi Ndios, juandiku Ndios xíniguaꞌa ñaꞌan ia s-tsa, kuenta en ñayii ti io x-kuachi xi. 10 Doko kii na kinimani ñaꞌan ia kuenta en ñayii ti io x-kuachi xi s-tsa? Antika sa kada circuncidarc tsa ña danduu, adi danduu ña?, diꞌna ka xíniguaꞌa ñaꞌan ia. 11 San danduu kída circuncidard tsa, na en sellu kuenta señal sa Ndios sa na kinimani ñaꞌan ia s-tsa, kuan sa xíninchisa tsa kída. San duꞌua Abraham kuu tsa s-tadeꞌe ndidaa ñayii xininchisa san kuani ti kída circuncidare ñayii; san duꞌua na kinimani Ndios ñayii kuenta xínimani ia Abraham, kuenta en ñayii ti io x-kuachi xi; 12 san dini ku tadeꞌe ndo Abraham kuu s-tadeꞌe ndidaa tsa io circuncidadu, san kuani io circuncidadu tsa, doko xininchisa tsa tuku duꞌua kuenta xíninchisa ku tadeꞌe ndo Abraham, kuenta vita kada circuncidarf ka tsa.
Ndidaa promesa kixi sa saꞌa xi sa xininchisa
13 Sañaꞌan Ndios s-toꞌon ia xi Abraham sa koo tsa ñuꞌu ya xiꞌin ndidaa xayii tsa,g san sa xíninchisa tsa Ndios kída sa niꞌi tsa, adi sa kída tsa sa taꞌvichiion ley. 14 San tu vita na kachi ndo sa ndidaa ni ñayii kida sa kachi ley, niꞌi sa kachi Ndios sa kuañaꞌan ia, tu juan kuu sa ti nandeꞌe ka sa kininchisa ñaꞌan ñayii xi ia, xiꞌin nisa ti xaꞌvi ka xi sa sadaa Ndios sa kuañaꞌan ia xi Abraham. 15 Kuan ñayii xini ley san ti kida sa kachi, xidokuachi; doko ami ti en xini ley, san ti en xidokuachi.
16 Juandiku, ndidaa sa kachi Ndios sa niꞌi ndidaa xayii Abraham, Ndios sañaꞌan daa ia. Kuan duꞌua kachi ia sa kuañaꞌan ia xi ndidaa ñayii na kininchisa ñaꞌan xi ia. San adi ñayii kida adi ti kida ley, kaꞌan ia xi ndidaa ñayii xininchisa kuenta Abraham. Juandiku Abraham kuu s-tata ndidaa ñayii xininchisa kuenta mee Abraham.h 17 Duꞌua yodotuni s-toꞌon Ndios: “Yoꞌo ku kuu s-tata kuaꞌa ntseꞌe ñayii io ñuyii.” Duꞌua xíninchisa ñaꞌan Abraham xi Ndios, ia kida sa nandoto ndidaa ndii, ia kida sa sakoo sa vita koo ka.
18 Abraham xíninchisa tsa, san ñóꞌo xanaa tsa, san intsatu tsa, san juan kída sa kuu tsa “s-tadeꞌe kuaꞌa ntseꞌe ñuu”, kuan duꞌua sadaa s-tsa: “Duꞌua kuaꞌa xayii yo kaya.”i 19 Ti dandoo Abraham sa xininchisa tsa, san kuani sa yee ntseꞌe tsa ndiaꞌan tsa Sara, san kuani ti xu kachi koo d̶aꞌa ña, kuan Abraham sa io tsa en cientu kuiaj san sáni-ini tsa sa ma koo ka d̶aꞌa tsa nduu tsa. 20 Doko ti dána tsa sa sadaa Ndios, kuan xíninchisa tsa san ti na yuꞌu tsa kuenta en ñayii ti xininchisa, maska sa kídakaꞌnu tsa Ndios, 21 San xíninchisa tsa sa kaꞌnu ntseꞌe Ndios san kada ia sa sadaa ia sa taꞌan. 22 Juandiku sa xíninchisa Abraham kída sa Ndios xíniguaꞌa ñaꞌan ia s-tsa, san sa xíninchisa tsa kída sa ti xidokuachi tsa jnu Ndios.
23 Sa yodotuni s-toꞌon Ndios sa xíniguaꞌa ia Abraham san adi ni Abraham kaꞌan ia xi, 24 yodotuni sa saꞌa ntsoo ndidaa ndo tuku, san dini Ndios kída sa nandoto ku Toꞌo ndo Jesucristu kuenta xíꞌi ia, tu na kininchisa ñaꞌan ndo xi ia san kiniguaꞌa ñaꞌan ia ku ndo, 25 kuan Ndios nakua ñaꞌan ia Jesucristu, sa na kuu ia sa saꞌa ku kuachi ndo ndidaa ndo, san kída ia sa nandoto Jesucristu ndasa na nduu ndaa ndo jnu Ndios.