3
Nasa niꞌin ndidaa ñayii ñuu Israel kuan tuda?, chintsee ñaꞌan circuncisióna kuan s-tsa ña? 2 Jon chintsee ñaꞌan ntseꞌe. Kuan diꞌna nuu ndidaa ñayii kuu ñuu Israel kukaꞌnu-ini Ndios s-toꞌon ia. 3 Ma kani-ini ni sa sa saꞌa ndidaa ñayii ñuu Israel ti xininchisa, juandiku ma kada ia sa kachi ia. 4 Ñaꞌan, kuani ndidaa ñayii kida naꞌntsa doko Ndios ti naꞌntsa ia. Kuan duꞌua yodotuni:Kini ndidaa ñayii sa sa kaꞌan ni kuu sa ndaa
kii na danaꞌma ñaꞌan jni san kadanar ni.b
5 Doko tu sa kuiꞌia kida ndo kida sa danaꞌa kaꞌnu ka sa ndaa kida Ndios, nasa kachi ndo tuda? Ama ia kuiꞌia kuu Ndios ora taꞌan ndo kida ia ña? (kaꞌan da na ñayii) 6 Ñaꞌan, kuan namodo ndaka Ndios kuachi xi ñuyii ya, tu ia kuiꞌia kuu ia?
7 Doko tu sa naꞌntsa da kida sa na kadakaꞌnu ñaꞌan ka xi Ndios, naku xidokuachi da sa kuu da ñayii kuachi tuda? 8 San tu duꞌua san guaꞌani kachi ndo: Nakada ndo sa kuiꞌia kuan nakixi sa guaꞌa. San jaꞌa dakuidokuachi ñaꞌan dagua ñayii d̶a, sa duꞌua dakuaꞌa ñaꞌan da; doko sa naꞌntsa kuu juandiku ndidaa ñayii duꞌua sani toꞌon sa níꞌi tsa sa Ndios na dakuido kuachi ñaꞌan ia s-tsa.
Ndidaa ñayii io x-kuachi xi
9 San jaꞌa nchu kachi sa ntsoo ndidaa ndo ñayii xininchisa ñaꞌan xi ia, guaꞌa ka kuu ndo sa kuxi ndidaa ñayii yukua ña? ñaꞌan kuan tu kuu ñayii ñuu Israel ña ñaꞌan doko ndidaa ndo tastuni ñaꞌan kuachi xi, 10 Kuan yodotuni s-toꞌon Ndios:
Nisa en ñayii guaꞌa ti io, nisa kuani en ñayii;
11 ti io ñayii sakuituni xanaa xi,
ti io ñayii nanduku ñaꞌan xi Ndios.
12 Ndidaa ñayii teen ichi kuiꞌia kuaꞌan, san ti nandéꞌe ñayii xi Ndios;
nisa en ñayii ti kida sa guaꞌa, nisa kuani en ñayii.c
13 San xuꞌu ñayii kuu na en yavi nuna;
xiꞌin xaa ñayii dandaa ñaꞌan ñayii.d
Na venenu koo kuu s-toꞌon ñayii;e
14 san chitu xuꞌu ñayii toꞌon kuiꞌia xiꞌin sastadi ñaꞌan xi ñayii.f
15 San kama ntseꞌe tsa sa kaꞌni tsa ndii;
16 San ami kuu mee saꞌan tsa, san meni sa kuiꞌia kida tsa, san tauꞌu ñayii kida tsa.
17 Ti xini tsa ichi guaꞌa sa kuu ichi kookadi;g
18 Kuan ti xini tsa sa nandeꞌe sa yuꞌu tsa Ndios.h
19 Doko xini ndo sa ndidaa ley xaꞌvi xi, tu ndidaa ñayii xininchisa san kida nda kachi, san duꞌua yodotuni ndasa ma en ñayii kachi sa ti io x-kuachi xi, san duꞌua ndidaa ñayii xidokuachi xi Ndios 20 Kuan Ndios ti kachi ia sa andu kida ndidaa ley san atuu ka x-kuachi xi,i kuan ley kuu sa kida sa nakini ndidaa ñayii sa io x-kuachi ñayii.
Sa xininchisa ndo Jesucristu kida sa nanitaꞌvi ndo
21 Doko vita Ndios ndada ñaꞌan ia ñayii ndaa ku ndo enka modo, san adii ka sa saꞌa ley doko dii ni ley xiꞌin sa chídotuni ndidaa profeta kaꞌan sa duꞌua kuu. 22 kuan sa xininchisa ñayii Jesucristu juan kida sa Ndios kida ñaꞌan ia ñayii ndaa,j san jaꞌa kuu sa nanitaꞌvi ñayii xininchisa ñaꞌan xi Jesucristu, andu kuu mee ñayii. 23 Kuan ndidaa ndo kida kuachi, san juan kida sa ti kachi kiꞌin ndo sa io Ndios, xiꞌin sa sandutsa ia, 24 doko Ndios xínimani ñaꞌan ntseꞌe ia ku ndo, juandiku sa saꞌa Jesucristu kída ia sa ti xidokuachi ka ndo xiꞌin ma taꞌan ndo sa saꞌa ndidaa kuachi kída ndo. 25 Ndios tsandaꞌa ia Jesucristu sa na kuu ia sa saꞌa ndo ndidaa ndo. Tu xininchisa ndo sa Jesucristu xiꞌi ia sa saꞌa ndo ndidaa ndo, san Ndios io ia sakaꞌnu-ini sa saꞌa ndidaa kuachi kída ndo. 26 San duꞌua kída ia, ndasa vita na danaꞌa na modo nanitaꞌvi ndo kuan Ndios kuu ia ndaa xiꞌin ia dita x-kuachi ndidaa ñayii xininchisa ñaꞌan xi Jesucristu.
27 Jnu Ndios san ti guaꞌa sa nchu ku kuu naꞌnu ndo. Kuan ti nandeꞌe sa ku naꞌnu ndo kuan adi sa xininchisa ndo ley kuu maska sa sa xininchisa ndo Jesucristu. 28 San ndidaa jaꞌa nchu kachi tuda: Sa Ndios kida ia sa nanitaꞌvi ndo sa saꞌa sa xininchisa ndo Jesucristu, san kuani ti kida ndo sa kachi ley.
29 San duꞌua Ndios ti kuu ia Ndios xi ndidaa ni ñayii kuu ñuu Israel, kuu ia Ndios ndidaa ñayii ti kuu ñuu Israel tuku, jon duꞌua kuu nchisa. 30 Kuan io endini Ndios, Ndios ia xinimani ñaꞌan xi ndidaa ñayii xininchisa ñaꞌan xi Jesucristu, tu kuu ñayii ñuu Israel adi ñaꞌan. 31 Doko tu xininchisa ndo Jesucristu, adi juan nchukachi sa ti nandeꞌe ka ley, kuan tu xininchisa ndo, san juan nchukachi sa nandeꞌe nidaa.