Ndekaj tsa usa tsa na chintsee ñaꞌan s-tsa
6
Ndidaa kii yukua, kaya ndidaa ñayii xininchisa ñaꞌan xi Jesús,a san sani kuachi ndidaa ñayii kaꞌan griegu xi ndidaa ñayii kuu ñuu Israel kaꞌan arameu, sa ti en xu danuu ñaꞌan xi ñakee kaꞌan griegu sa na niꞌi ña sa kaj xan sa xu nakaꞌntsa ndikii.2 Juandiku ndi uxi-uu tsa tsandaꞌa Jesús nadataka tsa ndidaa ka tsa xininchisa ñaꞌan xi Jesús san sadaa tsa:
—Ti guaꞌa sa dandoo da ndidaa da sa kaꞌan da s-toꞌon Ndios san kesaꞌa da nakaꞌntsa da sa kaj xan yaꞌa ndidaa ña. 3 Juandiku xanii ndekaj ni usa tsa yeñuꞌu xan, tsa ñoꞌon Espíritu Santu xiꞌin kutuni xi, kuan na kada tsa chiion yaꞌa. 4 San duꞌua na ndukuntsee da ndidaa da sa kakataꞌvi da xiꞌin sa na kaꞌan da s-toꞌon Ndios.
5 Ndidaa toꞌon yaꞌa nataꞌan xanaa ndidaa tsa xuku jukua; san ndekaj s-tsa Esteban, tsa yaꞌa xininchisa ntseꞌe tsa xiꞌin io Espíritu Santu s-tsa, Felipe, Prócoro, Nicanor, Timón, Parmenas, xiꞌin Nicolás en tsa kuu proselito kuu Antioquía. 6 San dayaꞌia tsa ndi usa tsa yaꞌa jnu ndidaa tsa tsandaꞌa Jesús, san xikataꞌvi tsa san saki ndodo ñaꞌan tsa ndaꞌa tsa s-tsa yaꞌa ndidaa tsa, ndasa na teen tsa chiion yaꞌa.
7 San s-toꞌon Ndios kuvaa ntseꞌe nika, san kuaꞌa ntseꞌe ñayii xininchisa ñaꞌan xi Jesús kaya Jerusalén; san kuaꞌa ntseꞌe dutu xíninchisa ñaꞌan xi Jesús tuku.
Teen ñaꞌan tsa xi Esteban
8 Esteban kuu en tsa chitu j-gracia Ndios xiꞌin sa tastuni ia, xu kada tsa kuaꞌa ntseꞌe milagru xiꞌin señal ñuu yaꞌa. 9 San ndukuin uu tsa nataka veꞌe sinagoga sa nani ndidaa tsa nayaa, sa io ndidaa ñayii kuu ñuu Cirene xiꞌin ñayii kuu ñuu Alejandría, ndidaa ñayii io Cilicia, xiꞌin Asia, san naatoꞌon tsa xiꞌin Esteban. 10 San ti kachi naxikoneꞌe tsa ndidaa toꞌon guaꞌa kaꞌan Esteban sa sañaꞌan Espíritu sa kaꞌan tsa.
11 Danduu chaꞌvi tsa uu ñayii ndasa na kada naꞌntsa san na kadaa: “Tsaku d̶a sa kaꞌan kuiꞌia tsa xi Moisés xiꞌin kaꞌan kuiꞌia tsa xi Ndios.” 12 San ndidaa tsa yaꞌa chiꞌin toꞌon d̶iki ñayii ñuu xiꞌin ndidaa tonisaꞌnu tastuni ñuu xiꞌin ndidaa tsa dadana ñaꞌan ley. San nadiko s-tsa san teñaꞌan tsa xi Esteban san ntsaka ñaꞌan tsa kuaꞌan jnu xi sa nataka ndidaa tonisaꞌnu tastuni.b 13 Danduu ntsaka tsa uu tsa na kadaa sa xini ñaꞌan doko na kada naꞌntsa tsa:
—Tsayee yaꞌa ti xavi tsa sa kaꞌan kuiꞌia tsa xi lugar ii xiꞌin kaꞌan kuiꞌia tsa xi ndidaa ley. 14 Kuan tsaku d̶a ndidaa da sa kaꞌan tsa sa Jesús Nazarenuc datani tsa lugar yaꞌa san nadama tsa costumbre dandoo Moisés.
15 Danduu ndidaa tsa intsaku jnu junta, ntsaꞌa guaꞌa tsa jnuu Esteban san xíni tsa sa jnu tsa yaꞌa kaa kuenta ka jnuu en ángel.