Duꞌua kída sa nadama jnu Jesús
17
Yaꞌia iñu kii, san Jesús kuaꞌan ia xiꞌin Pedru, Jacobo xiꞌin Juan xani tsa, san ntsaka ñaꞌan ia en tinduu duku ntseꞌe kuaꞌan. 2 Jnu ndidaa tsa yaꞌa nadama sa kaa Jesús, tuku nduu ia. Jnu ia dayeꞌe na ora,a san doꞌno niꞌno ia nduu kuixi kachi san oni sandutsa. 3 San nanuu Moisés xiꞌin Elías, san ndatoꞌon tsa xiꞌin Jesús. 4 Danduu káꞌan Pedru san sadaa tsa xi Jesús:—Toꞌo guaꞌa kida sa io ndo jaꞌa. Tu nchoj ni san na kadaguaꞌa da uni veꞌe tuvixi: En sa kuj ni, enka na kuxi Moisés xiꞌin enka na kuxi Elías.
5 San neni kaꞌan daa Pedru, san kikii ni chindati ñaꞌan en viko sandutsa, san xiti viko kuan tsaku en s-tachi en tsa kaꞌan san kachi:
—Nu yaꞌa kuu ku D̶aꞌa ntsu nu xinimani ntsu nu kida sa nchoj ntsu.b Nu yaꞌa kunini.
6 San tsaku xi ndi uni tsa nchiko ñaꞌan xi ia jaꞌa, san sakuinxiti tsa san noneꞌen tsa jnuu tsa ntsa nuꞌun kuan yuꞌu ntseꞌe tsa. 7 Danduu Jesús kuyachi ia san kukoꞌon ñaꞌan ia san sadaa ia:
—Ndukuin san ma yuꞌu yo.
8 San tsa yaꞌa na ntsaꞌa tsa ndidaa tsa, san ti en xini tsa meni ka Jesús.
9 San neni nonoo ia tinduu xiꞌin tsa ndi uni tsa, san duꞌua táꞌvichiion ia s-tsa:
—Ma kadaa yo nisadana sa xini yo vita xi ñayii, ntsa na nandoto ia nduu ñayii ñuyii yaꞌa sa io ndidaa ndii.
10 Danduu ndi uni tsa nchiko ñaꞌan xi ia ndukutoꞌon tsa san sadaa tsa:
—Naku kachi ndidaa tsa dakuaꞌa ñaꞌan ley sa nandeꞌe sa ndixi Elías diꞌna ka danduu kixi ia kada sa nanitaꞌvi da ndidaa da.c
11 San sadaa Jesús:
—Sa ndaa, diꞌna ka ndixi Elías san kada ndaa tsa ndidaa. 12 Doko ntsuꞌu kachi ntsu sa Elías sa ndij s-tsa,d san ti nakini ñaꞌan s-tsa; guaꞌa ka, kida tsa sa nchoj s-tsa xi tsa yaꞌa. San duꞌua ni kada tsa ndidaa tsa xi ia nduu ñayii ñuyii yaꞌa tuku taꞌan ntseꞌe nu.
13 Danduu ndi uni tsa nchiko ñaꞌan xi ia xínituni tsa sa kaꞌan ia sa Elías kuu Juan tsa dakuendutsa ñaꞌan.
Jesús ndada guaꞌa ia en nuyee neꞌe tachi kuiꞌia
14 San kuenta saa ia sa xuku kuaꞌa ntseꞌe ñayii, san kíxi en tsayee san sakuinxiti tsa jnu Jesús san sakondaꞌvi tsa:
15 Toꞌo, kunda-ini ñaꞌan ni xi d̶aꞌa da, kuan nakuu nu san taꞌan ntseꞌe nu. Kuaꞌa guelta kikagua niꞌno nu xiti ñuꞌu, san kuaꞌa guelta kikagua niꞌno nu xiti ndutsa. 16 San ntsaka da nu jnu ndidaa tsa nchiko ñaꞌan ni xan, san ti káchi ndadaguaꞌa ñaꞌan tsa.
17 Jesús káꞌan ia san sadaa ia:
—¡Ñayii kuiꞌia ti xininchisa ñaꞌan ku ntsu! Ama sani-ini yo sa koo ni on ntsu yo ndidaa yo ña? Ama duꞌua ni koo ntsu dakuaꞌa ñaꞌan ntsu yo ndidaa yo? Taj nu ichaꞌa.
18 Kuenta kuyachi nuyee san Jesús táꞌvichiion ia xi tachi kuiꞌia sa na kee, san kée xi nuyee kuan, san dini ora yukua nduguaꞌa nu.
19 Danduu ndi uxi-uu tsa nchiko ñaꞌan xi ia kíneꞌen ñaꞌan deen tsa xi Jesús san ndukutoꞌon tsa:
—Naku ti kachi kineꞌen da ndidaa da tachi kuiꞌia yukua?
20 Jesús sadaa ia:
—Sa saꞌa xi sa taꞌa dii xininchisa yo sa Ndios guaꞌa ni ndadaguaꞌa ñaꞌan ia nu. Kuan kachi ndaa ntsu yo sa tu sa xininchisa yo Ndios viꞌi kaa kuenta kaa en ndiki yutu kaꞌan ndo mostaza xi duꞌua na kagua san guaꞌni kadaa yo xi tinduu yaꞌa: Xiko kuin jaꞌa san yaꞌia ntsa juan san yaꞌia.e Ndidaa kuu kada yo. 21 Doko ndidaa tachi kuiꞌia yaꞌa ti kee tu ti kuu xiꞌin sa xikataꞌvi xiꞌin sa sakoo nchitsa.
Jesús kaꞌan nituku ia sa ndeꞌe ia
22 Io Jesús xiꞌin ndidaa tsa nchiko ñaꞌan xi ia Galilea, san sadaa ia: ia nduu ñayii ñuyii yaꞌa nachiꞌi ñaꞌan ndaꞌa ñayii xini-uꞌu ñaꞌan jnu, 23 san kaꞌni ñaꞌan tsa ndidaa tsa jnu. Doko nduu uni kii nandoto nu. San ndidaa tsa yaꞌa ndaꞌvi ntseꞌe nika nduu xanaa tsa.
Sa kee yaꞌvi tuini templu
24 Kuenta saa ndidaa tsa yaꞌa Capernaúm, san saꞌan tsa dataka tuini sa io Pedru,f san sadaa tsa:
—Maestru yo xan ti sani tsa tuini sa kuxi templu kuan ña?
25 San Pedru sadaa tsa:
—Chaꞌvi tsa ve.
Danduu kuenta ku nayii tsa veꞌe sadaa Jesús:
—Ncha tuj xo Simón? Andu xika rey ñuyii ya sa na chaꞌvi sa saꞌa ñuꞌu adi dakaa ka enka sa na chaꞌvi, xika tsa xi d̶aꞌa tsa ña xika tsa xi ñayii juera.
26 Pedru sadaa tsa:
—Xika tsa xi ñayii juera.
Jesús sadaa ia: